1 Pɨyɛr 2:24 - Gabri Maja

²⁴ Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 2:24 ပူးပေါင်းရင်းမြစ်များ

Matɨyo 27:26

Kɨɗɨn̰ ga nee le, Piladɨ dor Barabas dɨbii daa bɨge bɨ, ɗe gɨ somdege Jesu dan̰ bɨraw bɨ ban dobii kobɨ kalaŋ, ɗe na gagɨliige a cay sɨya-gɨ-dagɨli gɨŋ.

Matɨyo 5:20

Aŋ yəgɨŋ da waŋ: Hɨn̰ gɨ gɨye-lɔɔdɨgɨŋ gɨ dan̰ durɔ ɗɨngar na ɗɨn̰ da Ka-gɨlɨn̰ kalaŋ gasɨn̰-kɔl gɨ da Moyis bɨ, gɨ da Parɨsɨn̰an̰əŋ bɨ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ bɨrɨŋ.

Matɨyo 8:17

Ban lee hɨnga ga nee le, ɗe kɔl gɨ ba-yɔɔ-kɔl-gɨ-Kumu-ba-yɔɔ Ijay ba ye le, ɗe na or kɨɗɨn̰dɨge gaŋ: «Ban ay modo tonagɨŋ bɨ, don hɔmɨn̰ɛ konagɨŋ nɔm cayi bɨ.»

Marg 15:15

Piladɨ gey gɨ dɨmdɨrdi kalaŋ gusɨge na mooge lee gɨ ban dor Barabas ɗey daa bɨge. Bɨ ɗe kan somdege Jesu dan̰ bɨraw bɨ dobii kobɨ kalaŋ ɗe na gagɨlige a cay sɨya-gɨ-dagɨli dɨŋ.

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 19:1

Ɨni na, Piladɨ ay noyi bɨn̰ asɨgarn̰əŋ gɨ na ɨren̰ge dan̰ Jesu duroy gulɔŋ koyi gɨŋ bɨ, sɨmdayge dan̰ bɨraw.

Gɨye-lɔɔ 10:35

Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Gɨye-lɔɔ 10:39

Gɨye nɔm gɨ ban lee a cay gɨsəŋ ga da Jubɨ gaŋ bɨ, a cay ƴaa-di-gumu di Jerusalɛm dɨŋ bɨ le, ni na tɨmon̰dɨge. Kan gagɨlige a cay sɨya-gɨ-dagɨli gɨŋ ɗeyge ma.

Gɨye-lɔɔ 13:29

Kɨɗɨn̰ ga kan dɨɗɨge kɨbɨ hɨnga nɔm ga ojɨ cayi ga kan walge koldɨge duroy magtubu dɨŋ ɨni na, kan doriige cay sɨya-gɨ-dagɨli gɨŋ bɨ, orge dɨbiige boy umboŋ kamɨn̰aŋ gaŋ.

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

Magtubu di Pol wal bɨn̰ kalaŋ ga Rɔm 6:11

Na toy di hɨn̰ wo̰ ma, kɨŋ-gandi kalɨn̰ ma sɨlagɨŋ gɨ kɨŋ ma ɨni bɨ, kɨŋ dor gusɨgɨŋ a te dɔnɔ di da ɨsɨna gɨŋ coŋ ɨni bɨ, kɨŋ som-bɨra leen̰ hɨnga nɔm kɨya cay Kumu te bugoŋ pɨna dan̰ Jesu-Kɨris bɨ.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 6:7

Kɨya wa ungo gɨ ma le, ɨsɨna daa-ƴaa cayi naŋ ɨni.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

2 Korɛ̰t 6:17

Na toy di hɨn̰ wo̰ ma Ba-gulɔŋ Kumu ye hɨn̰: «Andaŋgɨŋ duroy kalaŋ ga nee le coŋ, Dɨragɨŋ gusɨgɨŋ coŋ gusɨge, Cɨlegɨŋ hɨnga pɨna wo̰ ga lee kɨni naŋ, Ɨni na ɨŋ kɨya ƴomgɨŋ gusɨnɨ.»

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Epɛs 5:9

Kɨya wa kɨɗɨn̰ ga asɨn̰ ɨrgan̰ na dan̰ ɨrɨmedi hɨnga nɔm ga ni lɔɔ dan̰ kuduroy-ɗarwa bɨ, hɨnga ga dan̰ durɔ bɨ, hɨnga ga cɨndi bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Kɔlɔs 2:14

Kumu mondu magtubu di ɗe dɨbe kɔl cayna le muɗɔgɨ muɗɔgɨ coŋ. Magtubu di nee le, dɨbɨ kɔl cayna ojɨn̰ na cay gasaŋ ga na ɓala lɔɔ hɨngadɨge dɨɗe naŋ. Magtubu di ɗe dɨbe kɔl cayna le Kɨris orɨn̰ danaa gagɨloo a cay sɨya-gɨ-dagɨli gɨŋ mɔndɔɔ muɗɔgɨ muɗɔgɨ coŋ.

Kɔlɔs 2:20

Na cɨndi, kɨŋ na mara pɨna dan̰ Kɨris bɨ dan̰ gɨyəŋ gɨ da tɨmaydi na, kɨŋ na te dɔnɔ di da turnɔn̰əŋ ga ɨsɨndəŋ ga dii-ƴaa a cay gɨsəŋ gaŋ kɛ naŋ ɨni. Hɨn̰ gɨ naa hɨn̰ wo̰ na, kɛ na kɨya wa ma kɨŋ gey lɔɔ hɨnga coŋ hɨn̰ gɨ kɨŋ naa kalaŋ ga a cay gɨsəŋ gaŋ wo̰ coŋ ga? Kɛ na kɨya wa ma magɨŋ kobɨde hada ga ye hɨn̰:

Kɔlɔs 3:3

Na cɨndi, kɨŋ na kalaŋ ga kɨŋ ma dan̰ Kɨris ɨni, sɔmɛ-bɨra togɨŋ wosɨ guso pɨna na dan̰ Kɨris a gusi Kumu.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 10:5

Na toy di hɨn̰ wo̰ ma, kɨɗɨn̰ ga Kɨris ɨre ɨrga cay gɨsəŋ gaŋ na, ban yen̰ Kumu hɨn̰: «Ji-bandi ji gey hɨnga ga ni bogɨn̰ kɨbar naŋ bɨ, Hɨnga ga ni aye be naŋ bɨ, Ama ji-bandi ji lee kuyonɨ bəŋ.

Əbɨro 12:13

Kɨŋ ɨra a te gɨyəŋ gɨ dan̰ durɔ ɗɨngar ɗe tɨbaygɨŋ di lee modo le n̰uroŋ naŋ, ama ɗe poɗɨ dɨm.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.

1 Ja̰ 3:7

Ay, karɨnɨ, ɗɔɔgɨŋ ungo nare cɨndɨgɨŋ naŋ. Waŋ waŋ gɨ na laa hɨnga ga dan̰ durɔ ɗɨngar na, na ungo gɨ dan̰ durɔ ɗɨngar hɨn̰ gɨ Kɨris na ungo gɨ dan̰ durɔ ɗɨngar wo̰ bɨ.

Wasɨn̰a 22:2

Kuray le gɨre na a gɨyəŋ gɨ a duroy cay ƴaa-di-gumu dɨŋ le bɔb. Ɗaŋ coŋ, hɨya gɨ ungo na daa wɔɔdi na kɨya sɔmɛ-bɨra woy a kɨbɨ kuray gɨ nee gɨŋ le. Na hɨya gɨ wɔɔ tɨba mɔjɨ-caa-sɔɔ duroy ɨlge pɨna bɨ. Dan̰ kɨdɨrɛ kɨdɨrɛ ban wɔɔ bɨ, kabɨn̰di kalɨn̰ ma na gasɨɗe ga bɨn̰ te wɔɔ gɨ da kalaŋ pɔɗɛ bɨ.