1 Pɨyɛr 2:21 - Gabri Maja

²¹ Na gɨyəŋ gɨ nee le ma Kumu təgɨŋ koldi. Kɨya wa Kɨris kalɨn̰ ma way cɨn̰-gɨle-cɨn̰ kol caygɨŋ bɨ, na hɨnga ga ni gɨle agɨŋ na ayɨn̰ cay tɨbayi.

1 Pɨyɛr 2:21 ပူးပေါင်းရင်းမြစ်များ

Matɨyo 10:38

Waŋ waŋ gɨ na kuja sɨya-gɨ-dagɨli koyi dɨgan̰ nərɨn̰ ɨran̰ karɨnɨ naŋ na, kɨya ɓale bɨle ba-aye-cay-tɨbanɨ naŋ.

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Matɨyo 16:24

Kardi nee na, Jesu yen̰ ka-aye-cay-tɨbayi hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ, ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cayi nee yanan̰ gusi kɨya dogɨn̰ nerɨn̰ bɨ, marɨn̰ bɨ.

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Kɔl-gɨ-Ɗari gɨ Ja̰ wal 13:15

Ɨŋ lee hɨnga ga ni gɨle ga kɛ le gɨlgɨŋ, ɗe gɨ kɨŋ kalɨn̰ ma, kɨŋ na laa dan̰ gusɨgɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 17:3

Ban dor te kɔl gɨ kan walge duroy Magtubu dɨŋ le ɗe tumoyge bɨ, gɨlge gɨ hɨn̰ gɨ kan ba walge duroy magtubu dɨŋ le. Naa wa wa kalɨn̰ ma Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, mare bɨ, bɔyɛ lɨbe duroy kalaŋ ga madɨrdaŋ gaŋ bɨ. Ban yege hɨn̰: «Jesu gɨ ɨŋ ba tee bɛrnɛdi kɛ le, na ban ma na Kɨris ban gɨ Kumu dorii le.»

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

1 Korɛ̰t 11:1

«Ayagɨŋ cay tɨbanɨ hɨn̰ gɨ ɨŋ-bandi kalɨn̰ ma ɨŋ ba ayɨn̰ cay tɨban̰ Kɨris wo̰ bɨ le.»

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Pilib 2:5

Kuɗa gɨ haldɨgɨŋ gɨ kɨŋ kɨya orɨn̰ le bugoŋ pɨna dan̰ hal gɨ da Jesu-Kɨris.

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

1 Tesalonigɨ 4:2

Kɨya wa kɨŋ sol hɨnga ga Ba-gulɔŋ Jesu bɨni gɨ ni na gɨlgɨŋ le, kuɗa.

2 Timote 3:12

Na cɨndi, kalaŋ nɔm ga geyge lɔɔ hɨnga ga bugoŋ pɨna dan̰ ga Kumu gey le, dan̰ te bugoŋ koge dan̰ Jesu-Kɨris na, kan kɨya dɨbɨge cɨn̰-gɨle-cɨn̰ bɨ.

Əbɨro 2:10

Leen̰ cɨndi, Kumu gɨ ba se hɨnga nɔm bɨ, gɨ hɨnga nɔm woy ojɨ cayi bɨ le, gey orɨn̰ dan̰ karɨn̰ Kumu dan̰ kondige boy gusoŋ-tɔgɛ koyi gɨŋ. Kɨya cay hɨnga ga nee le, ban̰ Kumu gɨ ban na laa ɗe ban gɨ ba haŋge gɨyəŋ gɨ da pɔɗɛ le, na duroŋ cɨrɛɗ jɨn̰ daa dan̰ gɨyəŋ gɨ da n̰age toyi.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Pɨyɛr 4:1

Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.