1 Pɨyɛr 2:20 - Gabri Maja

²⁰ Hɨn̰ gɨ kɨŋ na wa tɔgɛ kɨya cay hɨnga ga ɨsɨni ga kɨŋ lee ma magɨŋ na ƴɨma kuduroygɨŋ dɨbɨn̰ ɗugoygɨŋ na, kɛ kan kɨya dɨbe gusoŋ-tɔgɛ caygɨŋ na kɨya wa ga? Ama hɨn̰ gɨ kɨŋ na laa hɨnga ga ɗari ma kalaŋ na laagɨŋ hɨnga ga homi kol cayge, ma magɨŋ na ƴɨma kuduroygɨŋ dɨbɨn̰ ɗugoygɨŋ na, Kumu kɨya tɔrɛ kɨbi caygɨŋ.

1 Pɨyɛr 2:20 ပူးပေါင်းရင်းမြစ်များ

Matɨyo 26:67

Kɨɗɨn̰ ga nee le kan tɨbiige kale cɨndi bɨ, teyige bɨ. Kan ga pɨna ɨmdiige maŋjii bɨ,

Matɨyo 5:47

Hɨn̰ gɨ naa karmɨgɨŋ magɨŋ na laage lapɨya jaŋ ƴɔbɨ na, kɨŋ lee na wa ga ɗɨn̰ cɨn̰-kɨɗɨn̰ ga? Kalaŋ ga toyge na Jubɨ naŋ kalɨn̰ ma, laage na hɨn̰ wo̰ bɨ naŋ ga?

Marg 14:65

Ɨni na, kalaŋ ga pɨna wo̰ duroyge ayge te tɨbiige kale cayi bɨ, saɗɨge cɨndi bɨ, teyige bɨ, yeyige hɨn̰: «Laa gusɨn̰ laan̰ hɨn̰ ba-yɔɔ-kɔl-gɨ-Kumu-ba-yɔɔ wo̰.» Ɨni na, ka-ame kɨɗɨn̰ orɨn̰ge danayi bɨ tege maŋjii bɨ.

Kɔl-gɨ-Ɗari gɨ Lug wal 6:32

Hɨn̰ gɨ kɨŋ na gey naa kalaŋ ga ka-geygɨŋ jaŋ ƴɔbɨ na, cay kobɨgɨŋ ba ani ga? Kalaŋ ga ka-lɔɔ ɨsɨna kalɨn̰ ma ƴomge wandɨ na dan̰ kalaŋ ga ƴom wandɨ danage bɨ.

1 Korɛ̰t 4:11

Bɨrɨŋ gɨsɨn̰ labɨde kalɨn̰ ma, kuroŋ leeni bɨ, gɨmase dɨni bɨ, ni or toyni kalɨn̰ bɨ, tenige bɨ, ni dɨbde daa bɨ,

Galad 4:18

Hɨnga ga kuɗa na, pɨbɨldɨgɨŋ na kɨya cay gɨye-lɔɔ gɨ ɗari dan̰ wɔlɛ pɨna pɨna. Kɨŋ ɗɔɔ ba game gɨ, ɨŋ na wɨya danagɨŋ pa dɨm ma magɨŋ lee naŋ.

Epɛs 5:10

Hɨnga ga mon̰ Ba-gulɔŋ le, kuɗa dɔrɛ cɨndɨge.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

1 Pɨyɛr 2:19

Sɨlagɨŋ, waŋ waŋ gɨ na ƴɨma kuduroy usa dan̰ dɨbe ɗugɔ, kɨya gɨ ban ɨrɨm cay Kumu kɨɗɨn̰ ga kalaŋ leeyige ɨsɨna cay naji toyi dɨŋ na, ungo gɨ nee le Kumu kɨya tɔrɛ kɨbi a cayi.

1 Pɨyɛr 3:14

Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.

1 Pɨyɛr 3:17

Kɨya wa wɔɔ cɨn̰-gɨle-cɨn̰ te lɔɔ hɨnga ga ɗari gaŋ dan̰ gɨyəŋ gɨ kuduroy Kumu gey le, golgo tɔgɨ ɗɨn̰ wɔɔ cɨn̰-n̰age te lɔɔ hɨnga ga ɨsɨni gaŋ.