1 Pɨyɛr 2:12 - Gabri Maja

¹² Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 2:12 ပူးပေါင်းရင်းမြစ်များ

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Matɨyo 5:11

«Tumoy wolwa woy kol caygɨŋ, kɨŋ ga kalaŋ yagɨdɨgɨŋge bɨ, kɨŋ ga kalaŋ gɨlgɨŋge cɨn̰ bɨ, kɨŋ ga kalaŋ poyge kɔl gɨ toyi kan̰di kan̰di sige caygɨŋ bɨ, kɨya kuduroygɨŋ ga kɨŋ bee canɨ le.

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Kɔl-gɨ-Ɗari gɨ Lug wal 1:68

«Ba-gulɔŋ, ban na Kumu gɨ da te wɨn̰je gɨ da Ɨsɨrayɛl, Kuɗa gɨ kalaŋ hɨramayige! Kɨya wa ban ɨrga jɨbɨ te kalaŋ kayi bɨ, Ban ɨrga pɨndɨrge ɗege daa bɨ.

Kɔl-gɨ-Ɗari gɨ Lug wal 19:44

Kan kɨya radɨne me-hɨndi bɨ, kalaŋ kɛɛ ga somge duroy gulɔŋ kɛɛ gɨŋ muɗɔgɨ bɨ. Kan kɨya ɗɔɔ oru pɨna kalɨn̰ ma daa cay mɨgayi gɨŋ naŋ, kɨya wa cɨnde hangaŋ a cay wɔlɛ gɨ Kumu ɨrgan̰ kɨya cɛɛ le naŋ.»

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Ja̰ wal 13:31

Kɨɗɨn̰ ga Judasɨ andaŋ doŋ ɨni na, Jesu yege hɨn̰: «Haw kɛ dɨbɨge gusoŋ-tɔgɛ a cay Kurɨn̰-ungo bɨ, Kurɨn̰-ungo dɨbɨ gusoŋ-tɔgɛ a cay Kumu bɨ.

Gɨye-lɔɔ 15:14

Simo ba yeni gaŋ kɛ ayɨn̰ a toy dɨŋ le, Kumu ojɨ tɔrɛ duroy kalaŋ ga toyge na Jubɨ naŋ ɗe gɨ kan na bɨləŋge kalaŋ kayi.

Gɨye-lɔɔ 24:13

Kol hɨnga ga kalaŋ ga kɛ ba sɨn̰ge kɔl canɨ haw kɛ le, kan ɓala gɨle gɨ naa cɨndi naŋ.

Gɨye-lɔɔ 25:7

Kɨɗɨn̰ ga Pol ɨrga bugoŋ ɨni na, Jubɨn̰əŋ ga saygage Jerusalɛm le, ɨrgage nɨwɨrege cayi bɨ, ɗege kɔl gɨ osɨdəŋ tɔgɨ cayi bɨ, sɨn̰ge kɔl cayi. Ama kan ɓala gɨle gɨ kɔl gɨ nee le na cɨndi naŋ.

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Magtubu di Pol wal bɨn̰ kalaŋ ga Rɔm 12:17

Hɨn̰ gɨ ungo na laagɨŋ ɨsɨna na, jogɨn̰gɨŋ dan̰ ɨsɨna daa bii ban̰di nee naŋ. Kuɗa gɨ lɔɔ hɨnga ga ɗari ba ƴɨma kuduroygɨŋ a cɨn̰ kalaŋ nɔm.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 15:9

Ban ɨrga na ɗe gɨ kalaŋ ga toyge na Jubɨ naŋ kalɨn̰ ma na dɨbɨn̰ge gusoŋ-tɔgɛ a cay Kumu kɨya cayi sɔlɛ cɨn̰-n̰age toyi bɨ, hɨn̰ gɨ ba walge a duroy Magtubu di da Kumu dɨŋ ye hɨn̰: «Ay Kumu, na toy di hɨn̰ wo̰ ma, Ɨŋ mɨlawɨn̰ a duroy te labar gɨ da kalaŋ ga ɗaŋ bɨ, Ɨŋ kɨbɨ kɨra hɨramɨn̰ gusondɨn̰ bɨ.»

1 Korɛ̰t 14:25

hɨnga nɔm ga woy kuduroy kɨɗɨn̰ wɔsɛdɨge gaŋ le toyge sɨɗɨge daa nɔm bɨ. Kɨɗɨn̰ ga nee le ban kɨya bɔɔ jɨbe gɨbayi dugo tumon̰ Kumu n̰ɨrii bɨ yon̰ daa waŋ hɨn̰: «Leen̰ cɨndi Kumu woy duroygɨŋ.»

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 13:7

Ni ol Kumu ɗe gɨ kɨŋ na gɨ lɔɔ hɨnga ga ɨsɨni pɨna naŋ. Ɔlɛ koni na ɗe gɨ kalaŋ na sɨlage cɨn̰-narwa toni naŋ, ama na ɗe gɨ kɨŋ na laan̰ hɨnga ga ɗari. Ko kalaŋ ga pɨna na yage gɨ ni na gabaŋ duroy kɔbɛ gusɨni gɨŋ kalɨn̰ ma kɨya andɨge hɨnga naŋ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Epɛs 2:3

Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Timote 2:2

Kɨya cay kɛrɨmbɛlɛŋ bɨ, ka-dɔɔ cay kalaŋ nɔm bɨ. Ɗe gɨ ana somɨn̰gɨŋ kɨɗɨn̰ pɨna bɨ, dan̰ gusi-dɔbɛ bɨ, boy gɨye-lɔɔ gɨ bugoŋ pɨna dan̰ Kumu bɨ, boy bɔgɛ kɔl a cay hɨnga nɔm gaŋ bɨ.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Əbɨro 13:18

Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

Əbɨro 13:5

Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!

2 Pɨyɛr 3:11

Hɨn̰ gɨ hɨnga nɔm na kɨya kaɗɨn̰a bɛɗ hɨn̰ wo̰ na, gɨye lɔɔdɨgɨŋ gɨ wɔyɛ na mɨna ga? Kuɗa sɔmɛ dan̰ gɨye-lɔɔ gɨ bugoŋ pɨna dan̰ Kumu bɨ, dan̰ gɨye-lɔɔ gɨ woy dan̰ cɨndi bɨ.