1 Pɨyɛr 2:11 - Gabri Maja

¹¹ Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

1 Pɨyɛr 2:11 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Gɨye-lɔɔ 15:20

Ama kuɗa gɨ na gɨn̰gɨŋ dan̰ magtubu bɨge, narge dɔɔ kuyoŋ ga mɨdagi ga na kuyoŋ ga kan dɨɗɨge n̰ɨrɨn̰ge kulan̰əŋ bɨ, narge cay yɔyɛ dan̰ gangɨ cayge bɨ, dɔɔ kuyoŋ ga asɨri bɨ, dɔɔ kɨbar bɨ.

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 7:23

ama ɨŋ andaŋ a cay hɨnga ga ɗaŋ ga ɨŋ sol a gusɨnɨ ga gey dɔɔ-ƴaa canɨ bɨ wɔrɨn̰ɛ dan̰ ɨrɨmenɨ bɨ. Lee gɨ ɨŋ bɨle ba-dangay a te dɔɔ-ƴaa di da ɨsɨna gɨ woy a gusɨnɨ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Epɛs 2:19

Lee gɨ haw kɛ, kɨŋ ka-aye kudurɔ ga toygɨŋ na Jubɨ naŋ le, kɨŋ na kɨrge naŋ ɨni bɨ, kɨŋ na kalaŋ ga pɨna danani ɨni bɨ. Kɨŋ bɨle na te kalaŋ ga pɨna dan̰ kalaŋ ga woyge dan̰ cɨndɨge bɨ. Kɨŋ na te wandɨ da Kumu bɨ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Əbɨro 11:13

Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

Əbɨro 6:9

Ay karmɨni ga ni lee-toygɨŋ, ko hɨn̰ gɨ ni na yagɨŋ kɔl hɨn̰ wo̰ kalɨn̰ ma, ni sol kuduroyni kuɗa hɨn̰ gɨ kɨŋ na a te gɨyəŋ gɨ kuɗa gɨŋ, gɨ na gɨyəŋ gɨ ni pɔɗɛ.

Magtubu di Jag wal 4:1

Hɨnga ga ba lee pa dɨm ma, ɗe gɨ kɨŋ ba gɨdɨdɨn̰ gusɨgɨŋ bɨ, bojɨn̰ɨn̰ bɨ le, na wa ga? Kɛ na tabɨlaŋdi hɨnga ga ɨsɨndəŋ ga woy kuduroygɨŋ naŋ ga? Tabɨlaŋdi hɨnga ga ba woy kuyoŋdɨgɨŋ gɨŋ le, ba ɨre wɔrɨn̰ɛ danagɨŋ.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

1 Pɨyɛr 4:12

Ay karmɨnɨ ga ɨŋ lee-toygɨŋ, cɨn̰-gɨle-cɨn̰ di ƴee hɨn̰ tɨwa wo̰ duroygɨŋ kɨya gɨwasɨgɨŋ le, kɨŋ ɗɔɔ gɨ kɔl kaygɨŋ sɛl sɛl kol caa hɨn̰ na hɨnga ga ni bɨrane naa ba loogɨŋ wo̰ naŋ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

2 Pɨyɛr 3:1

Karmɨnɨ ga ɨŋ lee-toygɨŋ, magtubu di woy kɛ le na di ni cay sɔɔdo di ɨŋ wal gɨyɨn̰ bɨgɨŋ. Bɨ duroy magtubu nɔm ga nee le sɔɔɗɨmɔŋ na, ɨŋ mal na lɨbe ɨrɨme gɨ dan̰ durɔ ɗɨngar gɨ woy kuduroygɨŋ le, ɗe agɨŋ hɨnɨn̰ cay hɨnga ga ni gɨle le.