1 Pɨyɛr 2:1 - Gabri Maja

¹ Hɨn̰ wo̰ na, ɗagɨŋ kuduroy-ɨndɨwa bɨ, lɔɔ hɨnga dan̰ jɨba bɨ, yɔɔ-kɔl-kɨbɨn̰-sɔɔ-sɔɔ bɨ, lɔɔ ɗəngi bɨ, yɔɔ kɔl gɨ ɨsɨni kardi ungo bɨ coŋ.

1 Pɨyɛr 2:1 ပူးပေါင်းရင်းမြစ်များ

Matɨyo 15:7

Kɨŋ ka-yɔɔ-kɔl-kɨbɨgɨŋ-sɔɔ-sɔɔ le, kɔl gɨ ba-yɔɔ-kɔl-gɨ-Kumu-ba-yɔɔ, Ijay ba ye gɨsɨn̰ caygɨŋ na dan̰ gɨyəŋdi. Kɨɗɨn̰ ga ban ye hɨn̰:

Matɨyo 23:28

Kɨŋ-gandi kalɨn̰ ma, kɨŋ woy na hɨn̰ wo̰ bɨ, kardi gusɨgɨŋ gɨ doŋ woy kuɗa tumoy kalaŋ hɨn̰ kalaŋ ga dan̰ durɔ ɗɨngar wo̰. Ama yɔɔ kɔl kɨbɨgɨŋ sɔɔ-sɔɔ bɨ, ɨsɨna bɨ wandɨn̰ kuduroygɨŋ daa.

Matɨyo 24:51

Ban kɨya ɗəndɨri si kɨbɨ tɨma dɨŋ bɨ, kɨya looyi hɨnga ga kan leen̰ge gɔyɔŋ ga ka-yɔ kɔl kɨbɨge-sɔɔ-sɔɔ, a kɨɗɨn̰ ga kan kɨya ɨlege bɨ, loydɨn̰ge gasɨndɨge kɛɗɛɗɛ kɛɗɛɗɛ bɨ, nee gaŋ.»

Matɨyo 7:5

Ji gɨ ba-yɔɔ-kɔl-kɨbɨn̰-sɔɔ-sɔɔ le, kuɗa gɨ ji dɨra sɨya gɨ gumu gɨ woy a tɨdɨn̰ an̰ solɨn̰ kɨɗɨn̰ kuɗa pa dɨm ma mɨn̰ da sol kɨɗɨn̰ kuɗa gɨ ni dorɨn̰ bugɗi hɛɗɨmɛ ga a ti kurɨndɨn̰ ƴee.

Marg 12:15

Ama Jesu sol jɨba toge di nee le, lee gɨ ban yege hɨn̰: «Na kɨya wa ma magɨŋ gɨybəŋ wo̰ ga? Bəŋ gɨŋ dan̰ sɨle di ɓal cay kobɨ ba-lɔɔ gɨye gɨ ni wɔlɛ pɨna aŋ sol.»

Kɔl-gɨ-Ɗari gɨ Lug wal 11:44

Cɨn̰-n̰age kɨya bɔɔ caygɨŋ! Kɨya gɨ kɨŋ woy na hɨn̰ cay kamɨn̰aŋ ga hɨnga pɨna gɨl gɨ naa cay kamɨn̰aŋ naŋ bɨ, kalaŋ gor cay nee dɨle sɔlɛ bɨ.»

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 6:42

Kɛ na mɨna ma mɨn̰ gɨ yon̰ kurɨndɨn̰ yɔ hɨn̰: “Kurnɨ, ɗaŋ aŋ dor bugɗi hɛɗɨmɛ ga woy a tɨdɨn̰” ama ji-bandi kalɨn̰ ma ji sɨla te tabi di gumu di woy a tɨdɨn̰ naŋ ga? Ji gɨ ba-yɔɔ-kɔl-kɨbɨn̰-sɔɔ-sɔɔ le, kuɗa gɨ ji dɨra sɨya gɨ gumu gɨ woy a tɨdɨn̰ an̰ solɨn̰ kɨɗɨn̰ kuɗa pa dɨm ma mɨn̰ da sɔlɛ kɨɗɨn̰ kuɗa gɨ ni dorɨn̰ bugɗi hɛɗɨmɛ ga a tii kurɨndɨn̰ ƴee.

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Magtubu di Pol wal bɨn̰ kalaŋ ga Rɔm 1:29

Hɨnga ga dan̰ durɔ ɗɨngar naŋ ga toyge kan̰dɨge kan̰dɨge ba wanɨn̰a kuduroyge bɨ: Hɨnga ga nee le na terɨn̰ bɨ, lɔɔ te gursu bɨ, ƴɔmɛ ungo kuduroy bɨ, cɨn̰-pɨɗɨma bɨ, dɨɗe ungo bɨ, bɔjɨn̰ɛ bɨ, lɔɔ jɨba bɨ, lɔɔ solum bɨ, pɔydɛ kɔl bɨ, kuduroy ɨndɨwa bɨ, yɨle kɨɗɨn̰ bɨ.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Korɛ̰t 5:8

Naa hɨn̰ wo̰ na, ɗa gɨ ana leegɨŋ kɨdɨrɛ gɨ ni Pakɨ dan̰ subugudi mapa di ɨlgɨ ɨni naŋ. Kɨya wa subugu di ɨlgɨ ɨni le, na kuduroy-ɨndɨwa bɨ, terɨn̰ bɨ. Ama ɗa gɨ na leegɨŋ kɨdɨrɛ gɨ ni Pakɨ dan̰ mapa gɨ leege dɨle dɨbe subugudi mapa duroy nee gɨ na dɔrɛ mɨra bɨ, kɔl gɨ cɨndi bɨ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

Epɛs 4:31

Kuɗa gɨ kuduroy-ɗan̰ɨwa bɨ, bɔyɛ-asɨn̰e bɨ, kuduroy-hɔmɛ bɨ, adɨlde toygɨŋ bɨ, yagɨde kɨɗɨn̰ bɨ, kuduroy-ɨndɨwa di tɔɔ kan̰do kan̰do bɨ, unɔ duroygɨŋ.

1 Tesalonigɨ 2:3

Kɔl-gɨ-Ɗari gɨ ni tee bɛrnɛdi le, toy sa na te ɨrɨme gɨ ɨsɨni gɨŋ naŋ bɨ, gɨ mɨdagi gɨŋ naŋ bɨ, gɨ dan̰ jɨba naŋ bɨ,

1 Timote 3:11

Gɨ da kandɨ kalɨn̰ ma koge na hɨn̰ wo̰ bɨ. Kuɗa gɨ kan woyge hɨn̰ kandɨ ga kalaŋ hɨndar turnoyge bɨ, ka-yɨle kɨɗɨn̰ naŋ bɨ, ka-ƴɔmɛ gusɨge cay hɨnga bɨ, lee gɨ kalaŋ bee kuduroyge cayge kɨya cay hɨnga nɔm.

Titɨ 2:3

Yan̰ kandɨ ga esɨdəŋ kalɨn̰ ma, kuɗa gɨ gɨye-lɔɔdɨge na bugoŋ pɨna dan̰ gɨye-lɔɔ gɨ da kandɨ ga woyge dan̰ cɨndɨge bɨ. Kuɗa gɨ kan yɨle kɨɗɨn̰ naŋ bɨ, bɨləŋ gɔyɔŋ ga da cɛrɛ di suru naŋ bɨ. Ama ɗe gɨ kan gɨlɨn̰ kalaŋ hɨnga ga ɗari.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.

Magtubu di Jag wal 3:14

Ama hɨn̰ gɨ lɔɔ cɨn̰-pɨɗɨma bɨ, lɔɔ jangɨ bɨ, na ba wanɨn̰a ɗugoygɨŋ daa jɨŋ jɨŋ na, kɨŋ bogɨn̰ gusɨgɨŋ kogɨŋ gaŋ tɨwan̰e naŋ bɨ, yɔɔgɨŋ kɔl poy mondɨn̰ kɔl gɨ cɨndi naŋ bɨ.

Magtubu di Jag wal 4:11

Karmɨnɨ ga ban̰aŋ dan̰ ga kandɨ, ɗagɨŋ ba-yɔɔ kɔl gɨ ɨsɨni bɨn̰ gusɨgɨŋ. Ungo gɨ na ya kɔl gɨ ɨsɨni kɨya cay kurɨndi bɨ, tɨmdi bɨ na, ban lee gusi leen̰ na ungo gɨ gumu gɨ ba-bɔyɛ kɔl bɨ, ye na kɔl gɨ ɨsɨni kɨya cay gasɨn̰-kɔl gɨ da Kumu bɨ. Lee gusi leen̰ na ungo gɨ gumu gɨ ba-bɔyɛ kɔl a cay gasɨn̰-kɔl bɨ. Ma hɨn̰ gɨ ji na bɨya kɔl a cay gasɨn̰-kɔl gaŋ na, ji na ba-lɔɔ cay gasɨn̰-kɔl naŋ ɨni. Ama ji na ba-bɔyɛ kɔl a cay gasɨn̰-kɔl gaŋ.

Magtubu di Jag wal 4:5

Kɔl gɨ kan wal duroy Magtubu di da Kumu dɨŋ ye hɨn̰: «Kumu gey turnɔ di ban ɗo som kuduroynagɨŋ le bɨrɨŋ leen̰ jangɨ.» Kɛ kɨŋ ɨrɨm hɨn̰ gɨ, Magtubu di da Kumu le, na ye kɔl gɨ nee le na kalɨn̰ wo̰ dugo ga?

Magtubu di Jag wal 5:9

Karmɨnɨ ga ban̰aŋ dan̰ ga kandɨ, kɨŋ na gey gɨ Kumu na kɨya bɔyɛ kɔl caygɨŋ naŋ na, ɗagɨŋ hɨrage dan̰ gusɨgɨŋ ba. Kɨya wa ba-bɔyɛ kɔl ɨre kɨbɨ gɨyəŋ gɨŋ ɨni.

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

1 Pɨyɛr 2:22

Ban laa hɨnga ga ɨsɨni pɨna naŋ bɨ, ungo ja kɔl gɨ ni nare cɨn̰-kɨɗɨn̰ kɨbi naŋ bɨ.

1 Pɨyɛr 3:10

Kɨya wa walge duroy magtubu Kɨbe-Kɨra dɨŋ yege hɨn̰: «Ungo gɨ na gey sɔmɛ-bɨra gɨ kuɗa bɨ, Gey sɔlɛ wɔlɛn̰əŋ ga ni gusi-mɔwa bɨ na, Kuɗa gɨ ban ƴɨma kɨbi a cay kɔl gɨ ɨsɨni bɨ, A cay kɔl gɨ ni narɨn̰ kɨɗɨn̰ bɨ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Pɨyɛr 4:4

Na toy di hɨn̰ wo̰ ma haw kɛ na, kɔl kay kalaŋ ga sɨlage Kumu gɨ cɨndi naŋ sɛl sɛl. Kɨya wa kɨŋ laa gɨye lɔɔ gɨ ni dasi gɨ hɨn̰ wo̰ le danage naŋ, lee gɨ kan yagɨdɨgɨŋge.

Wasɨn̰a 14:5

Kɔl gɨ ni poy andaŋ kɨbɨge naŋ bɨrɨŋ bɨ, masadɨge unɔ bɨ.