1 Pɨyɛr 1:8 - Gabri Maja

⁸ Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.

1 Pɨyɛr 1:8 ပူးပေါင်းရင်းမြစ်များ

Matɨyo 10:37

«Waŋ waŋ gɨ na gey bayi bɨ, ƴoyi bɨ cɨla ɗəŋ ɨŋ-bandi coŋ na, kɨya ɓale bɨləŋ ba-aye-cay-tɨbanɨ naŋ bɨ. Waŋ waŋ gɨ na gey kurondi bɨ, turmoyi bɨ cɨla ɗəŋ na, kɨya ɓale bɨləŋ ba-aye-cay-tɨbanɨ naŋ bɨ.

Kɔl-gɨ-Ɗari gɨ Ja̰ wal 14:15

Hɨn̰ gɨ kɨŋ na geyəŋ na, kɨŋ kɨya aye te tumɔ tɨnge nɔm leen̰ gɨye.

Kɔl-gɨ-Ɗari gɨ Ja̰ wal 14:21

«Waŋ waŋ gɨ na gama te tumɔ bɨ, laa hɨnga ga te tumɔ ye bɨ le, ban na ungo gɨ geyəŋ. Banɨ kɨya geye dan̰ ungo gɨ geyəŋ. Ɨŋ kɨya geyi bɨ, ɨŋ kɨya lɔɔ ɗe gɨ ban sɔlɔŋ bɨ.»

Kɔl-gɨ-Ɗari gɨ Ja̰ wal 14:24

Ama ungo gɨ na geyəŋ naŋ le, kɨya lɔɔ hɨnga ga ɨŋ ba ye le naŋ. Bɨ kɔl gɨ ɨŋ ba yəgɨŋ le, na kɔl hɨnge ɨŋ-bandi naŋ, ama na kɔl gɨ da Banɨ gɨ ba gɨyigəŋ.

Kɔl-gɨ-Ɗari gɨ Ja̰ wal 16:22

Na hɨnga ga nee le ba ləgɨŋ haw kɛ. Ama ɨŋ kɨya jɔgɛ sɔlɛ cɨndɨgɨŋ coŋ, kɨɗɨn̰ ga nee le kɨŋ kɨya lɔɔ gusi-mɔwa bɨ, gusi-mɔwa di nee le ungo kɨya ɓale dɔrɛ naŋ.

Kɔl-gɨ-Ɗari gɨ Ja̰ wal 20:29

Jesu dɨbi cay nee yeyi hɨn̰: «Ji bee kuduron̰ canɨ na kɨya gɨ ji sɔlɔŋ dan̰ cɨndɨn̰. Ama kan ga ba beege kuduroyge canɨ dɨle sɔlɔŋ dan̰ cɨndɨge le, tumoy wolwa woy kol cayge.»

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Gɨye-lɔɔ 16:34

Ban orɨn̰ dan̰ Pol bɨ, Sɨlas bɨ, a tayi. Bɨ bɨge hɨnga ga ni dɔɔ diige bɨ, leen̰ge gusi-mɔwa dan̰ ka-ƴaadi, kɨya cay bɔgɛ gɨ kan bee kuduroyge cay Kumu.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

1 Korɛ̰t 16:22

Hɨn̰ gɨ ungo na gey Ba-gulɔŋ naŋ na, ɗa gɨ ɓɨse ƴɨma cayi! Marana ta, Ba-gulondɨna ɨre.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

2 Korɛ̰t 12:4

Kumu ayi orɨn̰ danayi bɨrɨŋ andɨn̰ Paradɨs toy dɨŋ, lee gɨ ban je kɔl nɔm gɨ ɗɨn̰ yɔ. Na kɔl gɨ bɨn̰ge ungo gɨyəŋ gɨ ni jɔgɛ yɔ ɗaŋ naŋ.

2 Korɛ̰t 4:18

Na hɨnga ga ungo sol dan̰ cɨndi ma mani ɗa cɨndɨni cay nee naŋ. Ama ni ɗe cɨndɨni na cay hɨnga ga ungo ɓala sɔlɛ dan̰ cɨndi naŋ. Kɨya wa hɨnga ga ungo sol dan̰ cɨndi le, na hɨnga ga kardɨge kɨya sɨngɨɗɨwa naŋ. Ama hɨnga ga ungo ɓala sɔlɛ dan̰ cɨndi naŋ le, na hɨnga ga kɨya wɔyɛ dan̰ tumoyge.

2 Korɛ̰t 5:7

Na cɨndi, na godɨrde na dan̰ gɨyəŋ gɨ da aye kudurɔ kona wala na gudɨrda na dan̰ gɨyəŋ gɨ da hɨnga ga na sol dan̰ cɨndɨna naŋ.

2 Korɛ̰t 9:15

Kuɗa gɨ kalaŋ laan̰ Kumu ho’o kol hɨnga ga ɗɨn̰ yɔ koldɨge ga Kumu bɨn̰ kalaŋ kalɨn̰ le.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 3:19

Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

Pilib 1:25

Lee gɨ ɨŋ sol leen̰ cɨndi, gɨ ɨŋ kɨya sɔmɛ-bɨra. Ɨŋ kɨya sɔmɛ danagɨŋ kɨŋ-gandi nɔm ɗe agɨŋ orɨn̰ dan̰ cɨndɨgɨŋ tumɔ tumɔ bɨ, ɗe gusɨgɨŋ moogɨŋ te aye kudurɔ gɨŋ bɨ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.

Əbɨro 11:1

Aye kudurɔ le na hɨnga ga ungo sol leen̰ cɨndi gɨ hɨnga ga ban ba bee ɨrɨmedi cay nee le, ɗi na kɨya wɔɔ. Hɨnga ga ungo baa sɔlɛ dan̰ cɨndi le, woy nee leen̰ cɨndi jɛɗɨ jɛɗɨ.

Əbɨro 11:27

Na dan̰ gɨyəŋ gɨ da aye kudurɔ ma, ban say ɗe cay gɨsəŋ ga Ejɨpt coŋ, dɨle hundɔrɔ kuduroy-hɔmɛ da kɨlma. Ban ɨre osu kobɨn̰ Kumu hɨn̰ ungo gɨ ɨre sol Kumu gɨ ungo ɓala solii dan̰ tɨdi naŋ wo̰.

1 Pɨyɛr 1:6

Kɨya cay hɨnga ga ni wɔɔ ga ni ban̰di-gulɔŋ ga nee le, hɨn̰ gɨ haw kɛ hɨnga ga ni gɨwase ga toyge kan̰dɨge kan̰dɨge na laagɨŋ cɨn̰-kula gɨ ni tɨwa lam wo̰ kalɨn̰ ma, laagɨŋ gusi-mɔwa di gumu.

1 Pɨyɛr 2:7

Kogɨŋ kɨŋ-gandi ka-aye kudurɔ na, Kɨris na oru gɨ ƴee cɨndɨgɨŋ tɔgɨ. Ama ojɨn̰ cay kalaŋ ga na ka-aye kudurɔ naŋ na, «Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi, Gɨ kan ɗege tɨbɨn̰ ƴaa dɨŋ.»

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.