1 Pɨyɛr 1:3 - Gabri Maja

³ Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

1 Pɨyɛr 1:3 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:13

Kan ga nee le, bɨləŋge karɨn̰ Kumu na dan̰ gɨyəŋ gɨ da kɨbar naŋ bɨ, dan̰ gɨyəŋ gɨ da kuyoŋdi-gusu naŋ bɨ. Ama na dan̰ gɨyəŋ gɨ da kuduroy geye gɨ da Kumu.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 8:24

Kumu pɔɗɨna ɨni, ama hɨnga ga pɨna a boy pɔɗɛ gɨ nee gɨŋ le, na woy te game been̰ ɨrɨmedɨna cay nee ƴee. Hɨn̰ gɨ ungo na ya gɨ ɗi na woy gam naa hɨnga, ama ban na waa ɨni na, gɨ nee le na game hɨnga naŋ ɨni. Kɛ na waŋ ba kɨya game hɨnga ga ban way ɨni ga?

1 Korɛ̰t 13:13

Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

1 Korɛ̰t 15:20

Ama leen̰ cɨndi na Kumu boy Kɨris lɨbii duroy kalaŋ ga madɨrdaŋ gaŋ bɨ, ban na gɨ cay wase gɨ hangɨ gɨyəŋ gɨ da bɔyɛ lɨbe gɨ da kalaŋ ga madɨrdaŋ bɨ.

2 Korɛ̰t 1:3

Kuɗa gɨ na hɨram Kumu, Ba-gulondɨna Jesu-Kɨris Bayi, ban na kɨye Bayi gɨ ba sɔlɛ cɨn̰-n̰age bɨ, ban na Kumu gɨ ba jale ɗugoy kalaŋ duroy hɨnga nɔm gaŋ bɨ.

Galad 6:16

Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.

Epɛs 1:17

Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 1:3

Kuɗa gɨ hɨrame wɨya uja cay Kumu bɨ, Ba-gulondɨna Jesu-Kɨris Bay bɨ. Kɨya wa ban tor-kɨbi cayna kol bugoŋ gɨ na bugoŋ pɨna dan̰ Kɨris. Kɨɗɨn̰ ga ban bɨna hɨnga ga ni tɔrɛ-kɨbɨ nɔm ga dan̰ cɨndɨge cɨndɨge ga gɨɗɨgɨ-Kumu gaŋ ga sayga gusi Turnɔ ɗe-kuduroy-bɛrɛ.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 2:4

Ama sɔlɛ cɨn̰-n̰age di da Kumu ɗɨn̰ hɨnga nɔm bɨ, ban geyna dan̰ wandɨ di gumu tɔgɨ bɨ.

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 4:13

Ay karmɨnɨ ga ban̰aŋ dan̰ ga kandɨ, ni gey gɨ kɨŋ sɔmɛ dɨle sɔlɛ-hɨnga ga ojɨ cay kan ga mage le naŋ, ɗe agɨŋ leen̰ n̰age hɨn̰ kalaŋ ga hɨnga ga ni bɔgɛ ɨrɨmedɨge cay nee kage unɔ wo̰ naŋ.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Timote 1:14

Ama Ba-gulondɨna lee ɗarwa danaŋ tɔgɨ. Ban lee gɨ ɨŋ ay kuduronɨ bɨ, ɨŋ ƴom wandɨ danayi bɨ, kɨya cay bugoŋ gɨ ɨŋ bugoŋ pɨna dan̰ Jesu-Kɨris.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Pɨyɛr 1:23

Kɨŋ bɨləŋ kalaŋ ga hɨrɨwa na dan̰ wɔɔ gɨ hɨrɨwa bɨ. Wɔɔ gɨ nee le, saya na a te wɔɔ gɨ ni tɨma dɨŋ naŋ. Ama na a te kɔl gɨ da Kumu gɨ woy bɨra gɨ kɨya mare naŋ bɨrɨŋ.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

1 Pɨyɛr 3:5

Kandɨ ga kan torge sɨge dan̰ cɨndɨge ga jɨne ga beege ɨrɨmedɨge cay Kumu, majɨmdege gusɨge na hɨn̰ wo̰, kɨya wa kan dobɨge cayge dugo bɨn̰ kodɨn̰ige.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.

1 Ja̰ 3:9

Waŋ waŋ gɨ na bɨləŋ kurɨn̰ Kumu na kɨya lɔɔ ɨsɨna naŋ, kɨya wa Kumu gɨsɨ sɔmɛ-bɨra koyi a kuduroyi. Lee gɨ ban laa ɨsɨna cɨndi tumɔ tumɔ naŋ, kɨya wa Kumu bɨle na bayi.

1 Ja̰ 4:7

Ay, kɨŋ ga ɨŋ lee-toygɨŋ, kuɗa gɨ kɨŋ gey gusɨgɨŋ, kɨya gɨ geye sayga na gusi Kumu. Lee gɨ ungo gɨ geye woy kuduroy le, bɨləŋ na kurɨn̰ Kumu bɨ, na ungo gɨ sol Kumu bɨ.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

1 Ja̰ 5:18

Na solgɨŋ gɨ kalaŋ ga Kumu bɨlge leen̰ karɨndi le, laage ɨsɨna naŋ ɨni. Kurɨn̰-Kumu gamge lee gɨ Haban̰ Ba-lɔɔ ɨsɨna ɓala ɨsɨbɨge naŋ.

1 Ja̰ 5:4

Ho’o, waŋ waŋ gɨ naa kurɨn̰ Kumu na, orɨn̰ dan̰ dɔnɔ di ni bon̰-kɨmbɨl a cay dɔnɔ di a cay gɨsəŋ gaŋ. Bɨ dɔnɔ di na ba bon̰ kɨmbɨl a cay dɔnɔ ga cay gɨsəŋ gaŋ le, sayga na gusi aye kudurɔ.