1 Pɨyɛr 1:25 - Gabri Maja

²⁵ Ama kɔl gɨ da Ba-gulɔŋ woy ban̰di dɨŋ mɨra mɨra.» Kɔl le, na Kɔl-gɨ-Ɗari gɨ kan tee bɛrnɛdi bɨgɨŋ le.

1 Pɨyɛr 1:25 ပူးပေါင်းရင်းမြစ်များ

Matɨyo 5:18

Aŋ yəgɨŋ daa waŋ na cɨndi: Tumɔ pa dɨm ma gɨ gɨɗɨgɨ-Kumu dan̰ cay gɨsəŋ kɨya pɨde na, karɨn̰ magtubu ga dḛ wo̰ ga kan walge wala, cɨɗɨn̰ magtubu di kan walge duroy magtubu gasɨn̰-kɔl dɨŋ pɨna wo̰, kɨya pɨde naŋ bɨrɨŋ gɨsɨn̰ gɨ hɨnga nɔm kɨya ɔrɛ kɨɗɨn̰dɨge gaŋ.

Kɔl-gɨ-Ɗari gɨ Lug wal 16:17

Gɨɗɨgɨ-Kumu dan̰ cay gɨsəŋ kɨya pɨde na haw wo̰ hage. Ama cɨɗɨn̰ magtubu di kan walge duroy magtubu gasɨn̰-kɔl dɨŋ le, kɨya mundoŋ naŋ.

Kɔl-gɨ-Ɗari gɨ Ja̰ wal 1:1

Tumɔ ɓɨragɨ gɨ cay gɨsəŋ laan̰ gusɨge naŋ ƴee le, ban gɨ kan teeyige Kɔl le woy nee ɨni. Ban som pɨna na dan̰ Kumu bɨ, Kɔl na Kumu bɨ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

Epɛs 2:17

Kɨris ɨrga tee bɛrnɛ Kɔl-gɨ-Ɗari gɨ da gusi-dɔbɛ bɨgɨŋ kɨŋ-gandi ga toygɨŋ na Jubɨ naŋ ga tumɔ kɨŋ som hən̰ dan̰ Kumu bɨ, tee bɛrnɛ Kɔl-gɨ-Ɗari gɨ da gusi-dɔbɛ bɨna na-gandi ga ni Jubɨ ga na woy mɨnde dan̰ Kumu bɨ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Titɨ 1:3

Kɨɗɨn̰ ga tɨwa di Kumu gɨsɨ ɓal ɨni na, Kumu ba-pɔɗɨna wasɨn̰ cay kɔl koyi. Kɔl gɨ nee le, ban bəŋ kɔbɔŋ bɨ, ay noy bəŋ gɨ ɨŋ na tɨga bɛrnɛdi bɨ.

Əbɨro 6:5

kan talge kuɗadi kɔl gɨ da Kumu solge dɔnɔdi bɨ, ɨsɨbɨge belin̰əŋ di da dɔɔ-ƴaa da Kumu gɨ ba kɨya caga le haw kɛ solge bɨ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 1:23

Kɨŋ bɨləŋ kalaŋ ga hɨrɨwa na dan̰ wɔɔ gɨ hɨrɨwa bɨ. Wɔɔ gɨ nee le, saya na a te wɔɔ gɨ ni tɨma dɨŋ naŋ. Ama na a te kɔl gɨ da Kumu gɨ woy bɨra gɨ kɨya mare naŋ bɨrɨŋ.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

2 Pɨyɛr 1:19

Lee gɨ ni lun̰doŋ kardi kɔl gɨ da ka-yɔɔ-kɔl-gɨ-Kumu-ba-yɔɔ ba yege le, osu ɗɨn̰ gɨ tumɔ coŋ. Hɨn̰ gɨ kɨŋ na bɨga kuduroygɨŋ kardi kɔl gɨ nee le na, kɨŋ lee na hɨnga ga kuɗa. Kɨya wa ban woy gɨlɨn̰ na hɨn̰ lamba di ƴee duroy dɨlɨm dɨŋ bɨrɨŋ kɨɗɨn̰ wol wo̰. Kɨɗɨn̰ ga woli le, na turɨmbɔlɔ gɨ na Kɨris gɨ kɨya lɔɔ gɨ na kɨya solɨn̰gɨŋ hɨnga nɔm.

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

Wasɨn̰a 14:6

Kardi nee, ɨŋ sol ba-ƴɔbɛ gɨ daa nii gɨ ɗaŋ say dan̰ majɨbii or duroy gɨɗɨgɨ-Kumu gɨŋ bɔb. Ban orɨn̰ dan̰ Kɔl-gɨ-Ɗari gɨ woy dan̰ tumoyi kɨya tɔgɛ bɛrnɛdi bɨn̰ kalaŋ ga somge a cay gɨsəŋ gaŋ. Bɨn̰ na te kalaŋ nɔm bɨ, te wɨn̰je nɔm bɨ, kalaŋ ga a te kɨbɨ wɔɔ nɔm bɨ, labardi kalaŋ nɔm bɨ.