1 Pɨyɛr 1:12 - Gabri Maja

¹² Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 1:12 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 2:26

Turnɔ ɗe-kuduroy-bɛrɛ le yeyi tumɔ gɨ ban na kɨya sɔlɛ Kɨris, ban gɨ Ba-gulɔŋ Kumu ba dorii le pa dɨm ma, ban na kɨya mare ƴee.

Kɔl-gɨ-Ɗari gɨ Lug wal 9:6

Kan orge bɨ, cudurdoŋge cay karɨn̰ ƴaa ƴaa teen̰ge bɛrnɛ Kɔl-gɨ-Ɗari poɗɨn̰ ka-hɔmɨn̰ɛ gon̰ kɨɗɨn̰ nɔm.

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Gɨye-lɔɔ 10:44

Kɨɗɨn̰ ga Pɨyɛr ye kɔl baa kɨbi ƴee bɨ ga ma, Turnɔ ɗe-kuduroy-bɛrɛ gɨsɨn cay kalaŋ nɔm ga ba somge jege kɔl koyi gɨ ban ba dor le.

Gɨye-lɔɔ 16:10

Kardi hɨnga ga ba buyoŋ cɨn̰ Pol hɨn̰ dḛḛ wo̰ le, kɨɗɨn̰di ga nee gaŋ le bɨ, ni mal gɨyəŋ gɨ ni ɔrɛ a Masedɨwan, kɨya wa ni sol kuɗa gɨ Kumu teeni gɨ ni na ɨra tɔgɛ bɛrnɛ Kɔl-gɨ-Ɗari a cay gɨsəŋ ga nee gaŋ le.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Gɨye-lɔɔ 4:8

Kɨɗɨn̰ ga nee le bɨ, Turnɔ ɗe-kuduroy-bɛrɛ ƴee kuduroy Pɨyɛr pɨl pɨl bɨ, ban dɨbɨge cay nee yege hɨn̰:

Gɨye-lɔɔ 8:25

Kɨɗɨn̰ ga Pɨyɛr dan̰ Ja̰ leege tɨmon̰ di da Ba-gulɔŋ bɨ, teen̰ge bɛrnɛ kɔl koyi bɨ ɨni na, kan jogɨge Jerusalɛm. A te gɨyəŋ jɔgɛdɨge gɨŋ na, kan tee bɛrnɛ Kɔl-gɨ-Ɗari boy cay ƴaan̰əŋ dan̰ kondige ga a cay gɨsəŋ ga Samari gaŋ.

Magtubu di Pol wal bɨn̰ kalaŋ ga Rɔm 1:15

Na toy di hɨn̰ wo̰ ma, ɨŋ orɨn̰ dan̰ tabɨlaŋ gɨɗaŋ gɨ ni ɔrɛ tɔgɛ bɛrnɛ Kɔl-gɨ-Ɗari bɨgɨŋ kɨŋ-gandi ga woy a cay ƴaa-di-gumu di Rɔm dɨŋ bɨ.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

1 Korɛ̰t 2:10

Ama Kumu wasɨn̰ cay hɨnga ga woy kɨɗɨn̰ ɓurɔŋgɛdɨge gaŋ le bɨni dan̰ gɨyəŋ gɨ da Turnɔ toyi. Kɨya wa Turnɔ ɓal kɔbɛ te hɨnga pɨna pɨna nɔm. Ko naa hɨnga ga Kumu wosɨ a kɨɗɨn̰ ɓurɔŋgɛdɨge gaŋ ƴee kalɨn̰ ma, hɨndi ɓal kɔbɛ pɨna pɨna.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

Galad 1:12

Kɨya wa ɨŋ ƴa na kobɨ ungo naŋ bɨ, ungo ba gɨləŋ naŋ bɨ. Ama na Kumu ba wasɨn̰e cay Jesu-Kɨris bəŋ.

Galad 1:16

Bɨ kɨɗɨn̰ ga ban wasɨn̰ cay Kurondi bəŋ, ɗe gɨ ɨŋ na tɨga bɛrnɛ kɔl koyi gɨ ɗari bɨn̰ kalaŋ ga toyge na Jubɨ naŋ le, ɨŋ ɨra gusi ungo pɨna wo̰ ɨngɨrii kɔl naŋ bɨ,

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 11:13

Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.

Əbɨro 4:2

Kɨya wa na-gandi kalɨn̰ ma, kan tee bɛrnɛ Kɔl-gɨ-Ɗari bɨna hɨn̰ wɔlɛ gɨ kan ba teen̰ bɛrnɛ bɨn̰ kalaŋ ga a duroy daldɨŋ wo̰ bɨ. Ama kɔl gɨ kan ba je le, laa danage naŋ. Kɨya wa kɨɗɨn̰ ga kan ba jege le, kan ƴage dan̰ aye kudurɔ naŋ.

1 Pɨyɛr 1:25

Ama kɔl gɨ da Ba-gulɔŋ woy ban̰di dɨŋ mɨra mɨra.» Kɔl le, na Kɔl-gɨ-Ɗari gɨ kan tee bɛrnɛdi bɨgɨŋ le.

1 Pɨyɛr 4:6

Na toy di hɨn̰ wo̰ ma leen̰ cɨndi, teege bɛrnɛ Kɔl-gɨ-Ɗari bɨn̰ge kalaŋ ga haw kɛ kalɨn̰ ma mage bɨ. Kan na bɨya kɔl si cayge kɨya cay gɨye-lɔɔdɨge a cay gɨsəŋ gaŋ kɛ hɨn̰ kalaŋ nɔm wo̰ kalɨn̰ ma, kan kɨya sɔmɛ-bɨra gɨ dan̰ gɨyəŋ gɨ da Turnɔ di da Kumu.

Wasɨn̰a 5:11

Ɗaŋ coŋ ɨŋ sol kɨɗɨn̰ ɗɛr na, ɨŋ je noy ka-ƴɔbɛ ga daa nii dan̰ kondɨwayge nɨwɨrege cay kali-tɨrɨmbala daa cɨɗɨgɨ. Ɨŋ je noy kandi-se ga gɨɗɨgɨ-Kumu gaŋ bɨ, ɨŋ je noy ka-muɗɔlɛ bɨ. Kondɨwayge na dubu-kɨɗɨn̰-mɔjɨ dan̰ kardɨge bɨ mɨlɨn̰o̰ dan̰ kardɨge jɨn̰ daa bɨ.