1 Korɛ̰t 9:27 - Gabri Maja

²⁷ Ho’o ɨŋ lee gɨ kuyoŋdi-gusɨnɨ sunoŋ dan̰ hɨnga ga osu bɨ, ɨŋ ƴomii a te dɔnɔ tɨnge dɨŋ bɨ. Kɨya wa hɨn̰ gɨ ɨŋ na ƴɨma gusɨnɨ usa naŋ na gajanaŋ ɨŋ da tɔgɛ bɛrnɛ bɨn̰ kalaŋ ga ɗaŋ, ama hɨn̰ gɨ ɨŋ na curoŋ a te gɨyəŋ gɨ da Kɔl-gɨ-Ɗari gɨŋ na, ɨŋ kɨya wɔɔ cay kɔbɔŋ naŋ.

1 Korɛ̰t 9:27 ပူးပေါင်းရင်းမြစ်များ

Kɔl-gɨ-Ɗari gɨ Lug wal 18:5

Ama tama di kudurɔ ma le, naraŋ dɔrɛ gɨlale coŋ. Ɨŋ kɨya bɔyɛ kɔl kɔ bɔɔ ɗe hɨndi kayde canɨ naŋ ɨni.”»

Kɔl-gɨ-Ɗari gɨ Lug wal 9:25

Ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na waa habe gɨ ni somɨn̰ dan̰ cɨndi naŋ le, wɔɔ hɨnga ga nee le kɨya lɔɔ danayi hayi ga? Naŋ!

Gɨye-lɔɔ 1:25

ɗe ƴee ban̰di Judasɨ boy gɨye gɨ ni gɨre-gɨye gɨ ban ba ɗe coŋ, orɨn̰ kɨɗɨn̰ ga ojɨ cayi gaŋ le.»

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

1 Korɛ̰t 9:25

Ka-bɔgɛ sɨwa ga ani ani kalɨn̰ ma kɨɗɨn̰ ga kan ɨre pol gusɨge ƴee le, dan̰ gusɨge koge dobɨge cayge te gasaŋ ga osɨdəŋ osɨdəŋ. Kan leege hɨnga ga nee le na kɨya wan̰ gɔyɛ di kɨya mundoŋ haw wo̰ coŋ. Ama na-gandi na, na bee sɨwa na kɨya wan̰ jagɨwa-tɨrɨmbala di kɨya mundoŋ naŋ bɨrɨŋ.

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

2 Pɨyɛr 2:15

Kan ɗege gɨyəŋ gɨ dan̰ durɔ ɗɨngar coŋ, lee gɨ kan kayaŋge. Kan ayge gɨyəŋ gɨ Balam kurɨn̰ Bosor ba ay le. Balam gɨ nee le, lee gusi-mɔwa kɨya cay gursu di ni cay-kɔbɔ di ban way te gɨye-lɔɔdi gɨ dan̰ durɔ ɗɨngar naŋ gɨ ban lee le.