1 Korɛ̰t 9:23 - Gabri Maja

²³ Ɨŋ lee hɨnga ga nee le nɔm na kɨya cay Kɔl-gɨ-Ɗari ɗe aŋ na wan̰ ɗarwa di woy a boy nee le.

1 Korɛ̰t 9:23 ပူးပေါင်းရင်းမြစ်များ

Marg 8:35

Waŋ waŋ gɨ na gey pɔɗɛ gusi na, ban kɨya mɔndɛ gusi coŋ. Ama waŋ waŋ gɨ na mɨnda gusi coŋ kɨya canɨ bɨ, kɨya cay Kɔl-gɨ-Ɗari bɨ na, kɨya pɔɗɛ gusi leen̰ cɨndi.

Magtubu di Pol wal bɨn̰ kalaŋ ga Rɔm 11:17

Te wɨn̰je gɨ da Ɨsɨrayɛl woy gɨlɨn̰ na hɨn̰ hɨyadi olibɨye gɨ woy ɨndi gɨ sɨrdɨrdege kobɨn̰i ga pɨna coŋ wo̰. Ji gɨ na Jubɨ naŋ le, ji woy gɨlɨn̰ na hɨn̰ kobɨ hɨyadi olibɨye gɨ caa gɨŋ wo̰. Kan ayɨn̰ge bɨ, sɨlɨyɨn̰ge dan̰ hɨya gɨ woy a ɨndi a ban̰dɨ kobɨn̰i ga sɨdɨrdege coŋ le. Na toy di hɨn̰ wo̰ ma, ji-bandi kalɨn̰ ma, ji kɨya sɔmɛ-bɨra na kɨya cay sarnayn̰əŋ ga ɗadɨrdaŋ dan̰ kobɨn̰i ga baa.

1 Korɛ̰t 9:12

Hɨn̰ gɨ kalaŋ ga ɗaŋ na ɨran̰ge dan̰ gɨyəŋ gɨ ni ƴon̰ hɨnga kobɨgɨŋ na, kɛ ni-gandi ni ɓala gɨ ni ƴɔɔ kobɨgɨŋ ɗɨn̰ kage naŋ ga? Ama hɨnga ga ni orɨn̰ dan̰ gɨyəŋ gɨ ni lɔɔ le ni laa naŋ, ama ni ƴom kuduroyni duroy hɨnga nɔm ɗe ani na lɨgɨn̰ gɨyəŋ gɨ da Kɔl-gɨ-Ɗari gɨ da Kɨris naŋ.

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

1 Korɛ̰t 9:24

Kɨŋ sol gɨ ka-bɔgɛ sɨwa kɨɗɨn̰ gɨre gaŋ le, gɨrege nɔm hage. Ama na ungo pɨna hayi gɨ gɨre ɗɨn̰ kamdi ba wɔɔ cay kobi. Ayagɨŋ mana di kɔl gɨ nee le gɨsɨn̰ dan̰ gɨyəŋ gɨ da aye kudurɔ ɗe agɨŋ wan̰ cay kobɨgɨŋ.

2 Korɛ̰t 2:4

Hɨn̰ gɨ kuduronɨ na mundoŋ tɔgɨ bɨ hɨnga na dɨsa ɗugonɨ bɨ kalɨn̰ ma, ɨŋ jɨbɨ kɨbɨnɨ walɨn̰ magtubu bɨgɨŋ dan̰ kaŋdi cɨnɨ. Na kɨya mondɨn̰ kuduroygɨŋ naŋ ama na ɗe gɨ kɨŋ na sɨlan̰ gɨ ɨŋ na lee-toygɨŋ.

Galad 2:5

Ama ni ɗa-kɨɗɨn̰ dḛ wo̰ bɨge naŋ bɨrɨŋ. Ɗe gɨ Kɔl-gɨ-Ɗari gɨ cɨndi le, na wɨya jaŋ ban̰di nee hɨn̰ wo̰ kol caygɨŋ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

2 Timote 2:6

Ba-yage gɨ lee gɨye gɨlalɨn̰ le, ba kɨya wɔɔ cɨn̰ gasa kayi cay wase.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.