1 Korɛ̰t 9:22 - Gabri Maja

²² Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

1 Korɛ̰t 9:22 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 11:14

Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

Magtubu di Pol wal bɨn̰ kalaŋ ga Rɔm 14:1

Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

Magtubu di Pol wal bɨn̰ kalaŋ ga Rɔm 14:2

Dan̰ gɨyəŋ gɨ da aye kudurɔ gɨ da kalaŋ ga pɨna na, hɨnga nɔm won̰ na ga ni dɔɔ. Ama kalaŋ ga aye kudurɔ koge usa naŋ le, dii dege na kabɨn̰ hɨnga ƴɔbɨ.

Magtubu di Pol wal bɨn̰ kalaŋ ga Rɔm 15:1

Na hɨn̰ wo̰ ma, na-gandi ga na osu a te aye kudurɔ gɨŋ le, ojɨ gɨ na dɨbɨ ɗugoyna cay karmɨna ga usa a te aye kudurɔ gɨŋ naŋ. Ɗanagɨŋ baa lɔɔ hɨnga ga kɨya ƴɔɔ cɨndɨna na-gandi.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 7:16

Me-hɨndi tama, gajanaŋ kudurɛɛ gɨ wɔɔ pɔɗɛ kol cɛɛ. Ji bara, gajanaŋ tamdin̰ gɨ wɔɔ pɔɗɛ kol can̰.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

1 Korɛ̰t 9:19

Na cɨndi ɨŋ na ungo gɨ ɨŋ som canɨ kalɨn̰, lee gɨ ɨŋ na guyɔŋ da ungo pɨna naŋ. Ama ɨŋ bɨləŋ guyɔŋ gɨ da kalaŋ nɔm ɗe aŋ na wan̰ dɨmdɨrdi kalaŋ hal a te gɨyəŋ gɨ da Kɨris gɨŋ.

1 Korɛ̰t 9:23

Ɨŋ lee hɨnga ga nee le nɔm na kɨya cay Kɔl-gɨ-Ɗari ɗe aŋ na wan̰ ɗarwa di woy a boy nee le.

2 Korɛ̰t 11:29

Hɨn̰ gɨ kurnu togii na unɔ na, ɨŋ-bandi kalɨn̰ ma togɨnɨ unɔ bɨ. Hɨn̰ gɨ kan na cɨra ungo a te gɨyəŋ gɨ ɗari gɨŋ na, wɨdɨldəŋ hɨn̰ tɨwa wo̰.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.