1 Korɛ̰t 9:12 - Gabri Maja

¹² Hɨn̰ gɨ kalaŋ ga ɗaŋ na ɨran̰ge dan̰ gɨyəŋ gɨ ni ƴon̰ hɨnga kobɨgɨŋ na, kɛ ni-gandi ni ɓala gɨ ni ƴɔɔ kobɨgɨŋ ɗɨn̰ kage naŋ ga? Ama hɨnga ga ni orɨn̰ dan̰ gɨyəŋ gɨ ni lɔɔ le ni laa naŋ, ama ni ƴom kuduroyni duroy hɨnga nɔm ɗe ani na lɨgɨn̰ gɨyəŋ gɨ da Kɔl-gɨ-Ɗari gɨ da Kɨris naŋ.

1 Korɛ̰t 9:12 ပူးပေါင်းရင်းမြစ်များ

Kɔl-gɨ-Ɗari gɨ Lug wal 11:52

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis! Kɨya wa kɨŋ ay dan̰ lakɨle ga ni hangɨn̰ kɨbɨ ƴaa hɨnga-sɔlɛ gɨ ojɨ cay Kumu kobɨgɨŋ; kɨŋ kalɨn̰ ma magɨŋ andaŋ a boy hɨnga-sɔlɛ gaŋ ga da Kumu naŋ bɨ, kɨŋ narɨn̰ kalaŋ ga gey ɔrɛ nee bɨ.»

Gɨye-lɔɔ 18:3

Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage.

Magtubu di Pol wal bɨn̰ kalaŋ ga Rɔm 15:22

Na cɨndi ɨŋ mal tɨba kondɨ gɨ ni ɔrɛ solgɨŋ hange, ama gɨye hɨnge gɨ nee le naraŋ coŋ gɨsɨn̰ haw kɛ.

1 Korɛ̰t 13:7

Ungo gɨ orɨn̰ dan̰ wandɨ gusi le, ɗe kuduroy jal a duroy hɨnga nɔm bɨ, gam aye kudurɔ a duroy hɨnga nɔm bɨ, bee ɨrɨmedi a cay Kumu a duroy hɨnga nɔm bɨ, ƴom kuduroy a duroy hɨnga nɔm bɨ.

1 Korɛ̰t 6:7

Leen̰ cɨndi na kɔl gɨ woy duroygɨŋ le, gɨl doŋ gɨ kɨŋ naa kalaŋ ga gabaŋ ɨni. Na kɨya wa ma magɨŋ ƴɨma kuduroygɨŋ kɨya cay hɨnga ga dan̰ gɨyəŋdɨge naŋ gɨ kalaŋ leege danagɨŋ le naŋ ga? Na kɨya wa ma magɨŋ ɗa gɨ kan buɗa hɨnga kagɨŋ naŋ ga?

1 Korɛ̰t 9:14

Na hɨn̰ wo̰ bɨ ma Ba-gulɔŋ ayɨn̰ noy gɨ kalaŋ ga ka-tɔgɛ bɛrnɛ gɨ da Kɔl-gɨ-Ɗari na waage hɨnga ga ni dɔɔ kage naa dan̰ gɨyəŋ gɨ da Kɔl-gɨ-Ɗari bɨ.

1 Korɛ̰t 9:15

Ama hɨnga ga ɨŋ orɨn̰ dan̰ gɨyəŋ gɨ ni ƴɔɔ le, ɨŋ-bandi ɨŋ ƴa naŋ bɨrɨŋ. Haw kɛ ɨŋ wala magtubu di kɛ le na gɨ ni ɨngɨrɨn̰ naŋ bɨ. Tɨman̰nɨ kuɗa ɗɨn̰ gɨ ni ɗɔɔ ungo ƴɔɔ hɨnga ga kɔbɔŋ ga ɨŋ kɨya ayɨn̰ canɨ daa tumoy kalaŋ le.

1 Korɛ̰t 9:16

Tɔgɛ bɛrnɛ Kɔl-gɨ-Ɗari na hɨnga ga kɨya bəŋ gɨyəŋ gɨ ni loon̰ gɨmɨn̰aw koldɨge naŋ, kɨya wa na hɨnga ga Kumu səŋ canɨ. Hɨn̰ gɨ ɨŋ na tɨga bɛrnɛdi Kɔl-gɨ-Ɗari naŋ na, ɓɨse ƴɨma canɨ yɔd.

1 Korɛ̰t 9:18

Naa hɨn̰ wo̰ ɨni na cay kɔbɔŋ hɨnge ba ani ga? Hɨnga ga ni cay kɔbɔŋ na gɨ ɨŋ na tɨga bɛrnɛ Kɔl-gɨ-Ɗari kalɨn̰ dɨle ƴɔɔ hɨnga ga ɨŋ orɨn̰ dan̰ gɨyəŋ gɨ ni ƴɔɔ a te tɔgɛ bɛrnɛ dɨŋ.

1 Korɛ̰t 9:2

Hɨn̰ gɨ a cɨn̰ kalaŋ ga ɗaŋ ɨŋ naa ba-gɨre-gɨye naŋ kalɨn̰ ma, cɨndɨgɨŋ kɨŋ-gandi na ɨŋ na ba-gɨre-gɨye kol caygɨŋ leen̰ cɨndi. Kɨya wa kɨŋ na ban̰di kɔbɔŋ gɨ gɨl gɨ ɨŋ naa ba-gɨre-gɨye, kɨya wa kɨŋ bugoŋ pɨna dan̰ Ba-gulɔŋ.

2 Korɛ̰t 11:12

Hɨnga ga ɨŋ ba lee ga nee le, ɨŋ kɨya wɔyɛ te lɔɔ cɨnɨ jɨn̰ tumɔ tumɔ. Hɨn̰ wo̰ na ɨŋ kɨya narɨn̰ kalaŋ ga pɨna ga somge malge gɨyəŋ gɨ ni gɨle gusɨge gɨ kan na ɓalɨn̰ danani le gɨyəŋ.

2 Korɛ̰t 11:20

Hɨn̰ gɨ kan na ɗa dɔnɔ caygɨŋ hɨn̰ gɨ kɨŋ naa gɔyɔŋ wo̰, wala na sɨmage dage kardɨgɨŋ, wala na tɨrage hɨnga a kobɨgɨŋ, wala na sɨlagɨŋge laan̰ hɨnga naŋ, wala na ɨmdɨgɨŋge a cɨndɨgɨŋ na, kɨŋ hay-kuduroygɨŋ cayge.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.