1 Korɛ̰t 9:1 - Gabri Maja

¹ Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?

1 Korɛ̰t 9:1 ပူးပေါင်းရင်းမြစ်များ

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 14:14

Kɨɗɨn̰ ga ka-gɨre-gɨye, Pol dan̰ Barnabas jege kol hɨnga ga nee le ɨni na, kuduroyge homge na hɔmɛ gɨ dugo kɛ naŋ bɨ, sagɨdege badɨge kage bɨ, kɨya gɨlɨn̰ gɨ ke na gey danage naŋ, gɨrgɨn̰ge bugoŋ duroy dɨmdɨrdi kalaŋ le, den̰ge sɨle yege hɨn̰:

Gɨye-lɔɔ 14:4

Kalaŋ ga a cay ƴaa-di-gumu di nee le, cudroŋge dugo: Ga pɨna bugoŋge te Jubɨn̰əŋ bɨ, ga ɗaŋ bugoŋge te ka-gɨre-gɨye ga da Jesu gaŋ bɨ.

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»

Gɨye-lɔɔ 9:3

Kɨɗɨn̰ ga ban baa gɨyəŋ, bay mɨnde gɨ ban kɨya andaŋ a Damas ɨni na, kɨɗɨn̰ ga nee le bɨ, asɨn̰a andɨgaŋ daa nii ɨrga nɨwɨre cayi.

Gɨye-lɔɔ 9:5

Sol ɨngɨri hɨn̰: «Ji na waŋ ga Ba-gulɔŋ?» Bɨ noy ungo le jɨga dɨbii cay nee yey hɨn̰: «Ɨŋ na Jesu gɨ ji ba gɨləŋ-cɨn̰ le.

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 11:13

Haw kɛ na, aŋ yəgɨŋ kɨŋ-gandi ga na te kalaŋ ga toyge na Jubɨ naŋ. Ɨŋ-bandi na, ɨŋ na ba-gɨre-gɨye gɨ Kumu gɨyəŋ kol te kalaŋ ga toyge na Jubɨ naŋ. Ɨŋ lee gusi-mɔwa gɨɗaŋ a cay gɨye hɨnge gɨ gusondi ye.

1 Korɛ̰t 1:1

Na ɨŋ-bandi Pol gɨ Kumu təŋ dan̰ gɨyəŋ gɨ da kuduroy geye koyi gɨ ɨŋ na bɨləŋ ba-gɨre-gɨye gɨ da Jesu-Kɨris, dan̰ kurɨndɨna Sostɛn ba walege magtubu bɨgɨŋ.

1 Korɛ̰t 10:29

Ɨŋ ye kɔl na kɨya cay kuduroy bɔɔ dugo kogɨŋ naŋ, ama na kɨya cay kuduroy bɔɔ dugo gɨ da ungo le. Ɨŋ-bandi gɨ ɨŋ ba som dan̰ canɨ le, kɛ na ungo gɨ ɗaŋ ba kɨya bɔyɛ kɔl cay sɔmɛ ca kalɨn̰ tɨnge ga?

1 Korɛ̰t 10:30

Hɨn̰ gɨ ɨŋ na laan̰ Kumu ho’o a cay hɨnga ga ɨŋ di na, kɛ na kɨya wa ma kan kɨya yɔɔ kɔl gɨ ɨsɨn kol cay hɨnga ga ɨŋ leen̰ Kumu ho’o cay nee le ga?

1 Korɛ̰t 11:16

Hɨn̰ gɨ ungo na gey man̰e-kɔl cay nee na, ni-gandi bɨ Ka-Daye ga da Kumu bɨ, ni ɨran̰ dan̰ hada di nee le naŋ.

1 Korɛ̰t 3:6

Ni woy na hɨn̰ ka-yage wo̰. Ɨŋ-bandi ɨŋ buson bɨ Apolos na ba-bɔgɛ kaŋ toy nee bɨ, ama Kumu na ba lɔɔ malge.

1 Korɛ̰t 9:19

Na cɨndi ɨŋ na ungo gɨ ɨŋ som canɨ kalɨn̰, lee gɨ ɨŋ na guyɔŋ da ungo pɨna naŋ. Ama ɨŋ bɨləŋ guyɔŋ gɨ da kalaŋ nɔm ɗe aŋ na wan̰ dɨmdɨrdi kalaŋ hal a te gɨyəŋ gɨ da Kɨris gɨŋ.

2 Korɛ̰t 10:7

Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.

2 Korɛ̰t 11:5

Ka-gɨre-gɨye ga nee ga kɨŋ ba ye kan naa ga gɨmdəŋ le, ɨŋ ya gɨ ɨŋ naa gɨ dḛ toyge naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

1 Tesalonigɨ 2:6

Ni mala na gɨ kɨŋ-gandi bɨ, kalaŋ ga ɗaŋ bɨ, na dɨbge gusoŋ-tɔgɛ a cayni naŋ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.