1 Korɛ̰t 8:1 - Gabri Maja

¹ Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

1 Korɛ̰t 8:1 ပူးပေါင်းရင်းမြစ်များ

Gɨye-lɔɔ 15:10

Hɨn̰ wo̰ na, na kɨya wa ma magɨŋ cɨbɨ cɨn̰ Kumu haw kɛ ga? Hɨnga ga nɨn̰i ga mon̰inagɨŋ wala na-gandi kalɨn̰ ma, na ɓalagɨŋ aye naŋ le, kɛ na mɨna ma mana gɨ aye se a cay ka-aye-cay-tɨbay Jesu ga?

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

Gɨye-lɔɔ 21:25

Ama gɨ ojɨ cay kalaŋ ga toyge na Jubɨ naŋ ga ayge kuduroyge le, ni ay noyni wal duroy magtubu dɨŋ gɨyɨn̰ bɨge ɨni. Ni yege gɨ kuɗa gɨ kan na gɨ dɔɔ culom gɨ dɨɗɨge n̰ɨrɨn̰ge kulan̰əŋ naŋ bɨ, dɔɔ kɨbar naŋ bɨ, dɔɔ culom gɨ asɨri naŋ bɨ, kan na gɨ yɔyɛ dan̰ gangɨ cayge naŋ bɨ.»

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 14:10

Ji-bandi gɨ ba kɛ, na kɨya wa ma mɨn̰ boy kɔl a cay kurɨndɨn̰ bɨ ga, ji-bandi gɨ kɔ, na kɨya wa ma mɨn̰ hagɨr kurɨndɨn̰ bɨ ga? Waŋ waŋ kalɨn̰ ma duroyna, kɨya ɨre a tumoy kali di da Kumu dɨŋ, ɗe ban na bon̰ kɔl cayna.

Magtubu di Pol wal bɨn̰ kalaŋ ga Rɔm 14:14

Ɨŋ sol kuɗa a kuduronɨ, dan̰ gɨyəŋ gɨ da Ba-gulɔŋ Jesu, gɨ hɨnga ga ni dɔɔ nɔm won̰ ga ni dɔɔ dan̰ cay gusɨge koge. Ama hɨnga ga ni dɔɔ le, kɨya bɨle kɨni na a cɨn̰ ungo gɨ ɨrɨm kuduroy gɨ hɨnga ga ni dɔɔ le na lee kɨni.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 14:22

Hɨnga ga ji ba sol dan̰ gɨyəŋ gɨ da aye kudurɔ ojɨn̰ cay kɔl gɨ nee le na, ɗa ɗe woy duroygɨŋ kɨŋ-gandi dan̰ Kumu. Tumoy wolwa woy kɨya cay ungo gɨ na gey lɔɔ hɨnga ma na ɨrɨm kuduroy sɔɔ sɔɔ cay nee naŋ.

Magtubu di Pol wal bɨn̰ kalaŋ ga Rɔm 14:3

Hɨn̰ wo̰ na, kuɗa gɨ ban gɨ ba-dɔɔ hɨnga ga toyge kan̰dɨge kan̰dɨge le, hagɨre ban gɨ ba-dɔɔ kabɨn̰ hɨnga ƴɔbɨ le naŋ bɨ. Ban gɨ ba-dɔɔ kabɨn̰ hɨnga ƴɔbɨ le, kuɗa gɨ ban bɔyɛ kɔl a cay ban gɨ ba-dɔɔ hɨnga nɔm le naŋ bɨ. Kɨya wa kurɨndɨn̰ le kalɨn̰ ma, Kumu ƴomii gusi bɨ.

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

1 Korɛ̰t 1:5

Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

1 Korɛ̰t 10:15

Ɨŋ solgɨŋ leen̰ kalaŋ ga si cɨn̰-muɗɔlɛ cay gusɨge gɨŋ ma maŋ yəgɨŋ kɔl gɨ nee le. Kɨŋ-gandi dan̰ gusɨgɨŋ kogɨŋ dɨŋdɨgɨŋ duroy kɔl gɨ ɨŋ ba yəgɨŋ le sɨlagɨŋ.

1 Korɛ̰t 10:28

Ama ungo na yagɨŋ hɨn̰: «Kuyoŋ gɨ kɛ le naa kuyoŋ gɨ been̰ge kɨbar bɨn̰ kulan̰əŋ na», dɔɔgɨŋ naŋ, kol ban gɨ ba sogɨ sɨmaygɨŋ bɨ dan̰ kuduroygɨŋ ga ba dugo.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

1 Korɛ̰t 4:18

Kalaŋ ga pɨna duroygɨŋ ɨrɨmge gɨ ɨŋ na kɨya jɔgɛ tagɨŋ naŋ, lee gɨ kan dege jorgiige tɔgɨ.

1 Korɛ̰t 4:6

Ay, karmɨnɨ ga ban̰aŋ dan̰ ga kandɨ, ɨŋ ay Apolos bɨ ɨŋ-bandi gusɨnɨ gaŋ bɨ, hɨn̰ hɨnga ga ni ƴɔlɛ ɗe agɨŋ na solɨn̰ mɨdɨgadi-kɔl gɨ kalaŋ yen̰ge ye hɨn̰: «Kɨŋ ɗɔɔ ɨrɨmedɨgɨŋ dɔgɛ cay kɔl gɨ walge duroy magtubu dɨŋ ɗɔɔ dugo naŋ.» Na toy di hɨn̰ wo̰ ma, ungo pɨna duroygɨŋ kɨya dɔgɛ jorgii dan̰ guson̰ ba gɨlɨn̰ kalaŋ hɨnga gɨ pɨna jɨbɨn̰ ban gɨ ɗaŋ pɨrɨŋ coŋ naŋ.

1 Korɛ̰t 5:2

Bɨ kɨŋ ɨre nee gaŋ den̰ jorgiigɨŋ hal ƴee coŋ! Ungo gɨ lee hɨnga ga hɨn̰ wo̰ le, ojɨ gɨ kuduroy-hɔmɛ ni ləgɨŋ bɨ kɨŋ ni dorii duroygɨŋ coŋ. Ama kɨŋ laa hɨnga ga nee le naŋ.

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

1 Korɛ̰t 8:2

Hɨn̰ gɨ ungo na ɨrɨm kuduroy gɨ ban na ba sɔlɛ-hɨnga na, ban sɨla hɨnga hɨn̰ gɨ ojɨ gɨ ban gɨ sɔlɛ naŋ ƴee.

1 Korɛ̰t 8:4

Naa hɨn̰ wo̰ na, kɛ ni gɨ ɓale dɔɔ culom gɨ been̰ge kɨbar bɨn̰ kulan̰əŋ ga? Ni sol kuɗa, gɨ kula pɨna wo̰ kalɨn̰ ma unɔ a cay gɨsəŋ gaŋ kɛ bɨ, ni sol gɨ Kumu kalɨn̰ ma na pɨna hayi kəɗ kəɗ bɨ Kumu gɨ ɗaŋ unɔ.

1 Korɛ̰t 8:7

Ama na kalaŋ nɔm ba sɔlɛ kɔl gɨ cɨndi gɨ kɛ le naŋ. Kalaŋ ga pɨna na, kula andaŋ coŋ kuduroyge naŋ. Lee gɨ haw kɛ kalɨn̰ ma, hɨn̰ gɨ kan na dage kuyoŋ gɨ kalaŋ been̰ge kɨbar bɨn̰ kulan̰əŋ na, woy hɨn̰ gɨ kan naa ba bɔgɛ kɨbar bɨn̰ kulan̰əŋ wo̰. Dan̰ gɨyəŋ gɨ da ɨrɨmedɨge gɨ usa naŋ le, kan sol gusɨge hɨn̰ hɨnga ga lee kɨni tumoyi Kumu, kɨya kuyoŋ gɨ kan dii le.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Wasɨn̰a 2:14

Ama hɨnga ga ɨŋ kan̰ɨn̰ kɔl kardɨgɨŋ dḛ na, na kɔl gɨ da kalaŋ ga pɨna wo̰ ga lun̰doŋge kardi hɨnga ga ni gɨle ga da Balam. Ban naa gosɨr kɨlma Balag ɗe na gɨybɨge te wɨn̰je gɨ da Ɨsɨrayɛl ɗe na dɨn̰ge kuyoŋ ga been̰ge kɨbar bɨn̰ kulan̰əŋ bɨ, ɗe na yoyɨn̰ge dan̰ gangɨ cayge bɨ.

Wasɨn̰a 2:20

Ama hɨnga ga ɨŋ kan̰ kardɨgɨŋ nee na, na ɗɔɔ gɨ kɨŋ ɗe gɨyəŋ bɨn̰ tama di hɨn̰ Jijabɛl wo̰ duroygɨŋ. Hɨndi na tama di ye gɨ to naa tama di ɗe-yɔɔ-kɔl-gɨ-Kumu-ba-yɔɔ. Ama hɨndi na ɗe bɔgɛ marɨne ka-lɔɔ gɨye kange kayaŋ kɨya wa hɨndi gɨlge yɔyɛ gɨ dan̰ gangɨ ca bɨ, dɔɔ kuyoŋ ga been̰ge kɨbar bɨn̰ kulan̰əŋ bɨ.