1 Korɛ̰t 7:21 - Gabri Maja

²¹ Hɨn̰ gɨ ji naa guyɔŋ kɨɗɨn̰ ga Kumu ba teen̰ na, ji ɗɔɔ sɔlɛ koldo naŋ. Ama hɨn̰ gɨ kan na bɨn̰ gɨyəŋ gɨ ni andaŋ coŋ guyɔŋdu dɨŋ na, ya əw cay nee dan̰ gɨre gɨ daa.

1 Korɛ̰t 7:21 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:29

Ama kɨŋ-gandi na, kɨŋ ɗɔɔ ba sɔlɛ kɨya cay hɨnga ga ni dɔɔ bɨ, sɔɔ bɨ naŋ, bɨ kun̰degɨŋ kol cayge naŋ.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 7:20

Ɗa gɨ waŋ waŋ kalɨn̰ ma sɨma hɨn̰ gɨ tumɔ pa dɨm ma Kumu ba teey ƴee le.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Pilib 4:11

Ɨŋ ye kɔl hɨn̰ wo̰ na kɨya cay hɨnga ga wɨyəŋ naŋ. Kɨya wa a duroy hɨnga nɔm le, ɨŋ tɨrabɨ sɔmɛ dan̰ gusi-mɔwa dan̰ hɨnga ga woy a kɔbɔŋ.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

Əbɨro 13:5

Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

1 Pɨyɛr 5:7

Hɨnga nɔm ga kɨŋ sol cay nee le, kɨŋ dɨra ɨrɨmedɨge caygɨŋ coŋ bɨ, kɨya gɨ ban na ba sɔlɛ kardɨgɨŋ.