1 Korɛ̰t 7:10 - Gabri Maja

¹⁰ Ama kan ga ƴeege gusɨge tama dan̰ bara ɨni le, ɨŋ dɨbɨ kɔl gɨ kɛ cay nee ɗe kan lee, na ɨŋ-bandi naŋ, ama na Ba-gulɔŋ ba dɨbe cay nee. Ɗɔɔ gɨ tama cɨroŋ te kudurɔɔ naŋ.

1 Korɛ̰t 7:10 ပူးပေါင်းရင်းမြစ်များ

Matɨyo 5:32

Ama ɨŋ-bandi na, aŋ yəgɨŋ daa waŋ: Waŋ waŋ gɨ na taya tamdi dɨle gɨ hɨndi na yɨya yɔyɛ gɨ dan̰ gangɨ caa naŋ ƴee na, ban lee gɨ tamdi bɨləŋ na tama ɗe male ban̰aŋ ga da kamdo. Bɨ bara gɨ na ƴa tama di kudurɔɔ tayoo coŋ le, won̰ na dan̰ tama da mɨgayi bɨ.

Marg 10:2

Parɨsɨn̰an̰əŋ ga pɨna wo̰ ɨrgage gusii dan̰ ɨrɨme gɨ ni gɨybii. Kan ɨngɨriige yege hɨn̰: «Kɛ ungo gɨ bara orɨn̰ dan̰ gɨyəŋ gɨ ni tayɨn̰ tamdi ga?»

Kɔl-gɨ-Ɗari gɨ Lug wal 16:18

«Waŋ waŋ gɨ na taya tamdi coŋ jɨga ƴaa di ɗaŋ na, yoyi na tam mɨgayi bɨ, waŋ waŋ gɨ na ƴa tama di kudurɔɔ tayoo na, yoyi na tam mɨgayi bɨ.»

1 Korɛ̰t 7:11

Hɨn̰ gɨ hɨndi na cɨroŋ na, ɗɔɔ gɨ hɨndi ƴɔɔ bara gɨ ɗaŋ naŋ, naŋ na ɗa gɨ hɨndi jɨga bugoŋ pɨna dan̰ kudurɔɔ. Ɗɔɔ gɨ bara kan̰e tamdi naŋ bɨ.

1 Korɛ̰t 7:12

Kɨŋ toygɨŋ ga ba na na ɨŋ-bandi ba yogɨŋ, na Ba-gulɔŋ naŋ ɨni: Hɨn̰ gɨ kurɨndɨgɨŋ na ɨran̰ dan̰ tama di ɗe-aye kudurɔ naŋ, ma tama le na gey gɔrɛ ƴaa danayi ƴee na, ɗɔɔ gɨ ban kan̰oo naŋ.

1 Korɛ̰t 7:15

Ama hɨn̰ gɨ ungo gɨ ba-aye kudurɔ naŋ na gey puyoŋ na, ɗa ɗe ban lee. Hɨn̰ gɨ ban na laa na, ungo gɨ ba-aye kudurɔ le, naa bara wala tama kalɨn̰ ma, hɨnga saɗage pɨna naŋ. Ama kɨŋ-gandi na, Kumu təgɨŋ gɨ kɨŋ na sɨma dan̰ gusi-dɔbɛ.

1 Korɛ̰t 7:25

Kɔl gɨ ojɨ cay kan ga sayge ma ƴage gusɨge tama dan̰ bara naŋ ƴee le, kɔl gɨ Ba-gulɔŋ yəŋ ɗe aŋ na dɨbgɨŋ cay nee unɔ, ama na ɨrɨmenɨ maŋ yəgɨŋ dan̰ gɨyəŋ gɨ da ungo gɨ Ba-gulɔŋ sol cɨn̰-n̰age toyi gɨ kɨŋ ɓal bɔgɛ kuduroygɨŋ cayi.

1 Korɛ̰t 7:40

Ama hɨnge ɨŋ-bandi na, hɨn̰ gɨ hɨndi na sɨma dɨle ƴɔɔ bara na, guso kɨya mɔɔ tɔgɨ ɗɨn̰ gɨ tumɔ. Ɨŋ ɨrɨm gɨ ɨŋ-bandi kalɨn̰ ma ɨŋ orɨn̰ dan̰ Turnoy Kumu bɨ.

1 Korɛ̰t 7:6

Ɨŋ yəgɨŋ na gɨ kɨŋ na laa hɨn̰ wo̰ naŋ. Ama ɨŋ ye hɨn̰ gɨ kɨŋ na laa hɨn̰ wo̰ kalɨn̰ ma kuɗa.