1 Korɛ̰t 6:2 - Gabri Maja

² Kalaŋ ga woyge dan̰ cɨndɨge le kɨya bɔyege kɔl a cay kalaŋ ga cay gɨsəŋ gaŋ le kɛɛ, kɨŋ sɨla hɨn̰ wo̰ naŋ ga? Ama hɨn̰ gɨ naa kɨŋ-gandi naa ba kɨya bɔyɛ kɔl cay kalaŋ ga a cay gɨsəŋ gaŋ na, karɨn̰ kɔl ga n̰ən̰əŋ le kɨŋ ɓala bɔyɛ naŋ ga?

1 Korɛ̰t 6:2 ပူးပေါင်းရင်းမြစ်များ

Matɨyo 19:28

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Kɨɗɨn̰ ga hɨnga nɔm kɨya bɨləŋ ga hɨrɨwa na, Kurɨn̰-ungo kɨya sɔmɛ cay kali-tɨrɨmbala toyi di ni gusoŋ-tɔgɛ dɨŋ ɨni na, kɨŋ ga kɨŋ kobɨ karɨnɨ le, kɨŋ kɨya sɔmɛ a cay kali-tɨrɨmbala ga mɔjɨ-cayge-sɔɔ gaŋ, kɨya bon̰ kɔl a cay te wɨn̰je ga mɔjɨ-cayge-sɔɔ gɨ da karɨn̰ Ɨsɨrayɛl.

Kɔl-gɨ-Ɗari gɨ Lug wal 22:30

Na toy di hɨn̰ wo̰ ma, kɨŋ kɨya dɔɔ bɨ, sɔɔ bɨ a kɨbɨ hɨnga ga ni dɔɔ gɨŋ a boy dɔɔ-ƴaa tɨnge dɨŋ. Bɨ kɨŋ kɨya somɨn̰ a cay kali-tɨrɨmbala dɨŋ bon̰ kɔl a cay te wɨn̰je ga mɔjɨ-cayge-sɔɔ ga Ɨsɨrayɛl.»

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

1 Korɛ̰t 1:20

Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 6:4

Ma hɨn̰ gɨ kɨŋ na ɨran̰ dan̰ karɨn̰ kɔl ga hɨn̰ wo̰ na, na kalaŋ ga Ka-Daye sɨlage laan̰ hɨnga naŋ cɨndɨge ma magɨŋ ɗege ka-bɔyɛ kɔl kagɨŋ le ga?

2 Korɛ̰t 4:18

Na hɨnga ga ungo sol dan̰ cɨndi ma mani ɗa cɨndɨni cay nee naŋ. Ama ni ɗe cɨndɨni na cay hɨnga ga ungo ɓala sɔlɛ dan̰ cɨndi naŋ. Kɨya wa hɨnga ga ungo sol dan̰ cɨndi le, na hɨnga ga kardɨge kɨya sɨngɨɗɨwa naŋ. Ama hɨnga ga ungo ɓala sɔlɛ dan̰ cɨndi naŋ le, na hɨnga ga kɨya wɔyɛ dan̰ tumoyge.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.