1 Korɛ̰t 6:15 - Gabri Maja

¹⁵ Kuyoŋdi-gusɨgɨŋ na kɨway kuyoŋdi Kɨris, kɛ kɨŋ sɨla hɨn̰ wo̰ naŋ ga? Ma kɛ, ɨŋ kɨya aye kuyoŋdi Kɨris bɨlɨn̰ kɨway kuyoŋdi ajɨba ga? Cə, na hɨn̰ wo̰ naŋ bɨrɨŋ.

1 Korɛ̰t 6:15 ပူးပေါင်းရင်းမြစ်များ

Epɛs 5:30

Waŋ waŋ kalɨn̰ ma a duroyna na kɨway kuyoŋdi-gusi.

Magtubu di Pol wal bɨn̰ kalaŋ ga Rɔm 12:5

Kona na-gandi kalɨn̰ ma woy gɨlɨn̰ na hɨn̰ wo̰ bɨ. Na woy gɨlɨn̰ na hɨn̰ kɨway kuyoŋdi-gusu wo̰. Na gandi ga na kondɨ le nana kuyoŋdi-gusu gɨ pɨna hayi, te bugoŋ pɨna dan̰ Kɨris. Waŋ waŋ kalɨn̰ ma orɨn̰ dan̰ gɨye-lɔɔdi.

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

1 Korɛ̰t 12:27

Kɨŋ-gandi nɔm kɨŋ na kuyoŋdi Kɨris ɨni bɨ, kɨŋ-gandi pɨna pɨna na karɨn̰ gusi bɨ.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

1 Korɛ̰t 11:3

Ama hɨnga ga ɨŋ gey gɨ kɨŋ na sɨla duroyge ba kɛ: Kɨris na ba-cay bara bɨ, bara na ba-cay tama bɨ, Kumu na ba-cay Kɨris bɨ.

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

Epɛs 5:23

Kɨya wa kuduroy tama na ba caa, hɨn̰ gɨ Kɨris na ba cay Ka-Daye wo̰ bɨ. Ka-Daye na Kɨris kuyoŋdi-gusi bɨ, ban gusi gaŋ ba-pɔɗɛ kuyoŋdi-gusi bɨ.

Kɔl-gɨ-Ɗari gɨ Lug wal 20:16

Ban kɨya sɔ dan̰ gusi koyi ɔrɛ boy yagedi suru gɨŋ le, ɗe kan na dɨɗɨge ka-yagedi suru le coŋ. Bɨ ban kɨya bɔgɛ gɨye yagedi suru le kobɨ ga ɗaŋ.» Kɨɗɨn̰ ga kan jege kɔl gɨ nee le na, kan yege hɨn̰: «Cə, na hɨn̰ wo̰ naŋ bɨrɨŋ.»

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Galad 3:21

Kɛ gasɨn̰-kɔl kɨya mɔndɛ hɨnga ga Kumu ye gɨ ɗi na kɨya lɔɔ le ga? Cə, na hɨn̰ wo̰ naŋ bɨrɨŋ! Tumɔ hɨn̰ gɨ kalaŋ na ɓalage wɔɔ sɔmɛ-bɨra gɨ dan̰ cɨndi dan̰ gɨyəŋ gɨ da kɔbɛ gɨ kan kobɨ gasɨn̰-kɔl nɔm gɨ Kumu bɨge na, kan ni kɨya bɨlege kalaŋ ga dan̰ durɔ ɗɨngar dan̰ gɨyəŋ gɨ da gɨye-lɔɔ gɨ nee le ɨni.

Galad 2:17

Ama hɨn̰ gɨ ni na bugoŋ pɨna dan̰ Kɨris kɨya bɨlɨn̰ kalaŋ ga gɨye-lɔɔdɨge woy dan̰ durɔ ɗɨngar, ma naa hɨn̰ wo̰ kalɨn̰ ma, kalaŋ ga ni Jubɨ na yage kol cayni gɨ ni naa ka-lɔɔ ɨsɨna na, kɛ ojɨ gɨ ni na ya gɨ Kɨris le naa te ɨsɨna ga? Cə, na hɨn̰ wo̰ naŋ bɨrɨŋ.

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

Magtubu di Pol wal bɨn̰ kalaŋ ga Rɔm 7:13

Naa hɨn̰ wo̰ na, hɨnga ga ɗari dɨɗəŋ ga? Cə, na hɨn̰ wo̰ naŋ bɨrɨŋ. Ama ɨsɨna ƴom hɨnga ga ɗari bɨlɨn̰ leen̰ te tɨman̰nɨ, ɗe ɨsɨna na gɨlɨn̰ ɨsɨnadi doŋ. Na dan̰ gɨyəŋ gɨ da te tumɔ ƴɔbɨ ma ɨsɨna gɨlɨn̰ man̰edi doŋ yɔd.

Magtubu di Pol wal bɨn̰ kalaŋ ga Rɔm 7:7

Hɨn̰ gɨ nana ya gɨ gasɨn̰-kɔl naa ba lɨbe ɨsɨna gɨ lee gɨye gusɨna ɗəndəŋ daa na, kɛ a duroy kɔl gɨ nee gɨŋ le na ye na gɨ gasɨn̰-kɔl dan̰ ɨsɨna na ɓalɨn̰ge pɨna ga? Cə, na hɨn̰ wo̰ naŋ bɨrɨŋ! Tumɔ ɨŋ-bandi ɨŋ sɨla ɨsɨna naŋ, ama na gasɨn̰-kɔl ba lɔɔ gɨ ɨŋ solɨn̰ ɨsɨna. Kɨradi-kɔl, gasɨn̰-kɔl na ya hɨn̰: «Ji lɔɔ tabɨlaŋdi hɨnga ga da mɨgan̰ naŋ» tumɔ hɨn̰ gɨ gasɨn̰-kɔl na ya gɨ ji na gɨ lɔɔ cɨn̰-pɨɗɨma a cay hɨnga ga da mɨgan̰ naŋ na, ɨŋ kɨya sɔlɛ cɨn̰-pɨɗɨma leen̰ hɨnga ga ɨsɨni naŋ.

Magtubu di Pol wal bɨn̰ kalaŋ ga Rɔm 6:15

Kɛ duroyi na wa ga? Hɨn̰ gɨ nana sɨma naa te dɔnɔ di da gasɨn̰-kɔl gɨ da Moyis gɨŋ naŋ, ama naa ɗarwa di da Kumu na ba daa-ƴaa cayna na, kɛ duroyi na gɨ nana wɨya naa te lɔɔ ɨsɨna ga? Cə, na hɨn̰ wo̰ naŋ bɨrɨŋ.

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

Magtubu di Pol wal bɨn̰ kalaŋ ga Rɔm 3:31

Naa hɨn̰ wo̰ na, kɛ dan̰ gɨyəŋ gɨ da aye kudurɔ le ni bɨle gasɨn̰-kɔl gɨ da Moyis leen̰ hɨnga ga kalɨn̰ wo̰ dugo ga? Cə, na hɨn̰ wo̰ naŋ bɨrɨŋ. Na nee dɨm ma, mani boo tɔgɔɔ cay mɨgaa ƴee.

Magtubu di Pol wal bɨn̰ kalaŋ ga Rɔm 3:6

Cə, na hɨn̰ wo̰ naŋ bɨrɨŋ! Hɨn̰ gɨ Kumu naa ungo gɨ dan̰ durɔ ɗɨngar naŋ na, kɛ ban kɨya ɓale bɔyɛ kɔl a cay kalaŋ ga a cay gɨsəŋ gaŋ nɔm na mɨna ga?

1 Korɛ̰t 6:3

Na kɨya bɔyɛ kɔl a cay ka-ƴɔbɛ ga daa le kɛɛ, kɨŋ sɨla hɨn̰ wo̰ naŋ ga? Ma kɛ na mɨna ma hɨnga ga a cay gɨsəŋ gaŋ dɨm ma mana gɨ ɓale bɔyɛgɨŋ kɔl cay nee naŋ ga?

1 Korɛ̰t 6:17

Ama ungo gɨ bugoŋ pɨna dan̰ Ba-gulɔŋ le, turnoyge bɨləŋ na pɨna kəɗ kəɗ danayi.