1 Korɛ̰t 6:13 - Gabri Maja

¹³ «Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

1 Korɛ̰t 6:13 ပူးပေါင်းရင်းမြစ်များ

Matɨyo 15:17

Kɨŋ sol gɨ hɨnga nɔm ga ungo di a kɨbi le, or na a kuduroy pa dɨm ma andaŋ gusi coŋ le kɛ, kɨŋ sɨla wo̰ naŋ ga?

Matɨyo 15:20

Na hɨnga ga nee le, ba lɔɔ ɗe gɨ ungo bɨlɨn̰ ungo gɨ mɨdagi, tumoy Kumu. Ama dɔɔ hɨnga dɨle pɨle kɔbɔ, kɨya lɔɔ gɨ ungo kɨya bɨləŋ ungo gɨ mɨdagi tumoy Kumu naŋ.»

Marg 7:19

kɨya wa hɨnga ga nee le andaŋ ɗugoy naŋ, ama andaŋ na kuduroy bɨ, kardi nee andaŋ gusi coŋ le kɛ kɨŋ sɨla wo̰ naŋ ga?» Dan̰ gɨyəŋ gɨ da kɔl gɨ nee le Jesu gɨl gɨ hɨnga ga ni dɔɔ nɔm naa hɨnga ga ojɨ ga ni dɔɔ.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 6:49

Mon̰igɨŋ diige man a duroy dal dɨŋ, ama kan mage.

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 6:12

Naa hɨn̰ wo̰ na, ɗɔɔgɨŋ ɨsɨna dɔɔ-ƴaa a cay kuyoŋdi-gusɨgɨŋ gɨ ba kɨya kardi nee mare naŋ bɨrɨŋ ɨni. Ɗɔɔ gɨ kɨŋ bɨle gusɨgɨŋ a kardi tabɨlaŋdi hɨnga ga da kuyoŋdi-gusɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 7:4

Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

1 Korɛ̰t 3:16

Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

1 Korɛ̰t 6:15

Kuyoŋdi-gusɨgɨŋ na kɨway kuyoŋdi Kɨris, kɛ kɨŋ sɨla hɨn̰ wo̰ naŋ ga? Ma kɛ, ɨŋ kɨya aye kuyoŋdi Kɨris bɨlɨn̰ kɨway kuyoŋdi ajɨba ga? Cə, na hɨn̰ wo̰ naŋ bɨrɨŋ.

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

2 Korɛ̰t 11:2

Ɨŋ lee jangɨ kol caygɨŋ bɨ jangɨ di ɨŋ lee le, na jangɨ di sayga gusi Kumu. Kɨya wa ɨŋ gey gɨlgɨŋ bɨn̰ Kɨris hɨn̰ tɨmbali di cɨl di sɨla bara naŋ ƴee wo̰ di ɨŋ ƴom caa na kol bara pɨna ƴɔbɨ, bara gɨ nee le na Kɨris.

2 Korɛ̰t 5:15

Ban ma na kɨya cay kalaŋ nɔm ɗe kan ga somge-bɨra le na sɨmage-bɨra na kol cayge ke naŋ, ama na kol cay ban gɨ ma ma boy lɨbɨ kol cayge le.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Epɛs 5:23

Kɨya wa kuduroy tama na ba caa, hɨn̰ gɨ Kɨris na ba cay Ka-Daye wo̰ bɨ. Ka-Daye na Kɨris kuyoŋdi-gusi bɨ, ban gusi gaŋ ba-pɔɗɛ kuyoŋdi-gusi bɨ.