1 Korɛ̰t 5:7 - Gabri Maja

⁷ Subugudi mapa di ɨlgɨ ɨni gɨ na ɨsɨna le, dɨragɨŋ duroygɨŋ coŋ ɗe agɨŋ bɨlɨn̰ kalaŋ ga duroŋ mɨra. Kɨɗɨn̰ ga nee le, kɨŋ kɨya wɔyɛ gɨlɨn̰a hɨn̰ kɨrbaŋdi gɛmɛ gɨ woŋsi gɨ hɨrɨwa gɨ dɨbɨge subugu nee naŋ wo̰, kɨya wa Kɨris gɨ na karɨn̰ dɨmangɨ da Pakɨ tona le, diɗiige ɨni.

1 Korɛ̰t 5:7 ပူးပေါင်းရင်းမြစ်များ

Matɨyo 13:33

Jesu yege kɨradi-kɔl gɨ ɗaŋ coŋ hɨn̰: «Dɔɔ-ƴaa di daa ni le, woy gɨlɨn̰ na hɨn̰ subugu di tama ay bee duroy kɨrbaŋdi gɛmɛ gɨŋ, gɨ hal ɓal kɔl wongɨsɨn̰ daa. Lee gɨ kɨrbaŋ gɨ wongɨsi le sodɨ nɔm.»

Marg 14:12

Wɔlɛ gɨ cay wase gɨ da kɨdɨrɛ gɨ ni leen̰ kɨdɨrɛ gɨ da mapa gɨ laage dan̰ subugu naŋ gɨ kan been̰ge kɨbar gɨ da karɨn̰ dɨmangɨ gɨ ni Pakɨ le, ka-aye-cay-tɨbayi ɨngɨriige yege hɨn̰: «Kɛ na boy kɨɗɨn̰ ga ani gaŋ ma mɨn̰ gey gɨ ni na ɨra ƴɨma cay tɨbay hɨnga ga ni dɔɔ gɨ da kɨdɨrɛ gɨ ni Pakɨ gɨ da Jubɨn̰əŋ le nee ga?»

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 1:36

Kɨɗɨn̰ ga Ja̰ sol Jesu pɨde ɨni na, ban ye hɨn̰: «Sɨlagɨŋ kurɨn̰-dɨmangɨ gɨ da Kumu!»

Kɔl-gɨ-Ɗari gɨ Ja̰ wal 19:14

Na wɔlɛ gɨ ni ƴomɨn̰ cay tɨbay kɨdɨrɛ gɨ ni Pakɨ. Tɨwa ɨn ɗɨrɨj wo̰. Ɨni na, Piladɨ yen̰ Jubɨn̰əŋ hɨn̰: «Sɨlagɨŋ kɨlma kogɨŋ le.»

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

1 Korɛ̰t 10:17

Ho’o, kɨya gɨ mapa di nee le na pɨnaa kəɗ kəɗ bɨ, na-gandi ga dan̰ kondiina le kalɨn̰ ma na bɨləŋgɨŋ na kuyoŋ-gusu gɨ pɨna dan̰ gɨyəŋ gɨ da dɔɔ mapa di pɨnaa kəɗ kəɗ di nee le bɨ.

1 Korɛ̰t 5:13

Kan ga a doŋ le, na Kumu ba kɨya bɔyɛ kɔl cayge. Dɨragɨŋ kalaŋ ga ka-kuduroy-ɨndɨwa duroygɨŋ coŋ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Wasɨn̰a 5:12

Kan ayge te tumoyge daa pəŋ yen̰ge hɨn̰: «Kurɨn̰-dɨmangɨ gɨ walge tumoyi le, Ɓal wɔɔ dɔnɔ bɨ, Kandi-wɔɔ bɨ, cɨn̰-muɗɔlɛ bɨ, tɔgɨ bɨ, Hurɔmɔ bɨ, gusoŋ-tɔgɛ bɨ, hɨrame bɨ!»