1 Korɛ̰t 5:4 - Gabri Maja

⁴ Kɨɗɨn̰ ga kɨŋ na daydaŋ dan̰ guson̰ Ba-gulondɨna Jesu-Kɨris bɨ, dɔnɔ toy na ba duroygɨŋ bɨ na, ɨrɨmenɨ bugoŋ danagɨŋ pɨna kɨɗɨn̰ dayaŋ ga nee gaŋ le.

1 Korɛ̰t 5:4 ပူးပေါင်းရင်းမြစ်များ

Matɨyo 16:19

Ɨŋ-bandi ɨŋ bɨn̰ lakɨlen̰əŋ ga ni kɨbɨ-ƴaa dɔɔ-ƴaa di a gɨɗɨgɨ-Kumu dɨŋ. Hɨnga ga ji kɨya saɗe a cay gɨsəŋ gaŋ na, kan kɨya saɗege a daa nii bɨ, hɨnga ga ji kɨya pɨndɨre a cay gɨsəŋ gaŋ kɛ na, kan kɨya pɨndɨrege a gɨɗɨgɨ-Kumu gɨŋ bɨ.»

Matɨyo 18:20

Əw kɨɗɨn̰ ga kalaŋ sɔɔ naŋ le, sɨbɨ dayaŋge nee dan̰ gusoŋnɨ na, ɨŋ woy duroyge nee.»

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Kɔl-gɨ-Ɗari gɨ Ja̰ wal 20:23

Kan ga kɨŋ kɨya ɗɔɔ kuduroygɨŋ jalɨwa, a cay ɨsɨna koge gɨŋ na, kɨya wɔɔge kuduroy jalɨwa. Bɨ kan ga kɨŋ kɨya ɗɔɔ kuduroygɨŋ jalɨwa, a cay ɨsɨna koge gɨŋ naŋ na, kɨya wɔɔge kuduroy jalɨwa naŋ bɨ.»

Gɨye-lɔɔ 16:18

Hɨndi le hɨn̰ wo̰ cɨndo tumɔ tumɔ ɓal wɔlɛ kondɨ. Ɗɨn̰ cay Pol na, ban bɨle cɨndi jɨn̰ caa bɨ, ay noy bɨn̰ turnɔ di ɨsɨni di woy guso le bɨ yo hɨn̰: «Dan̰ guson̰ Jesu-Kɨris, me andaŋ coŋ gusi tama le.» Ɨni na, kɨɗɨn̰di ga nee gaŋ le bɨ, turnɔ le andaŋ gusoo coŋ.

Gɨye-lɔɔ 3:6

Kɨɗɨn̰di ga nee gaŋ le bɨ, Pɨyɛr yeyi hɨn̰: «Ɨŋ ɨran̰ dan̰ gursu naŋ bɨ, lɔr naŋ bɨ. Ama hɨnga ga ɨŋ orɨn̰ le, aŋ bɨn̰: Dan̰ guson̰ Jesu-Kɨris gɨ Najarɛt le, saa daa ɨra daa!»

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

2 Korɛ̰t 2:6

Ojɨn̰ cay ungo gɨ nee le, sɔ gɨ kɨŋ ba say dan̰ kondɨwaygɨŋ adɨldii le, ɓal.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

2 Tesalonigɨ 3:6

Karmɨnɨ ga ban̰aŋ dan̰ ga kandɨ, ni ay noyni bɨgɨŋ dan̰ guson̰ Ba-gulɔŋ Jesu-Kɨris: Dɨragɨŋ gusɨgɨŋ sɛdɨ coŋ gusi kurɨndɨna gɨ ani ani gɨ woy kuŋ cay gusi gɨŋ bɨ, gɨye-lɔɔdi ɨra pɨna dan̰ hɨnga ga ni gɨle ga ni gɨlii naŋ bɨ.