1 Korɛ̰t 5:10 - Gabri Maja

¹⁰ Ama kalaŋ ga ɨŋ gey gɨ kɨŋ na gɨ ɔrɛ gusɨge naŋ le, kɛ na kalaŋ ga a cay gɨsəŋ gaŋ nɔm ga ka-lɔɔ gɨye yɔyɛ gɨ toy kan̰di kan̰di bɨ, ka-lɔɔ tabɨlaŋdi hɨnga bɨ, ka-hase bɨ, ka-n̰ɨre kula bɨ ga? Naŋ. Kɨya wa tumɔ naa hɨn̰ wo̰ na, ojɨ gɨ kɨŋ ni kɨya ɗɔɔ cay gɨsəŋ coŋ ɔrɛ sɔmɛ kɨɗɨn̰ ga ɗaŋ gaŋ.

1 Korɛ̰t 5:10 ပူးပေါင်းရင်းမြစ်များ

Kɔl-gɨ-Ɗari gɨ Lug wal 18:11

Parɨsɨn̰a le de say ɨre daa bɨ, ol Kumu dan̰ kuduroy ye hɨn̰: “Ay Kumu, ɨŋ hɨramɨn̰ kɨya gɨ ɨŋ wɨya hɨn̰ kalaŋ ga ɗaŋ wo̰ naŋ. Kan na ka-hase bɨ, ka-lɔɔ hɨnga ga ɨsɨnde bɨ, ka-yɔyɛ kandɨ ga da kamdɨge wala ban̰aŋ ga da kamdɨge bɨ. Wala hɨn̰ ba-hɔgɛ lambo gɨ ba kɛ le naŋ.

Kɔl-gɨ-Ɗari gɨ Ja̰ wal 15:19

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.

Kɔl-gɨ-Ɗari gɨ Ja̰ wal 17:6

Kalaŋ ga ji ba torge duroy kalaŋ ga cay gɨsəŋ gaŋ bəŋ le, ɨŋ lee gɨ kan solge gusondɨn̰. Kan na kan̰ tumɔ ma man̰ bəŋ danage: Kɔl kon̰ le kan ayge leen̰ge gɨye.

Kɔl-gɨ-Ɗari gɨ Ja̰ wal 17:9

«Ɨŋ olɨn̰ na kol cayge kan. Ɨŋ ulan̰ na kɨya cay kalaŋ ga cay gɨsəŋ gaŋ naŋ. Ama ɨŋ olɨn̰ na kɨya cay kan ga ji bəŋ danage: Kɨya wa kan na kan̰.

Kɔl-gɨ-Ɗari gɨ Ja̰ wal 8:23

Jesu dɨbɨge cay nee yege hɨn̰: «Kɨŋ-gandi, kɨŋ na kalaŋ ga dugo, ɨŋ-bandi, ɨŋ na gɨ daa nii. Kɨŋ-gandi, kɨŋ na kalaŋ ga da cay gɨsəŋ kɛ, ɨŋ-bandi, ɨŋ na gɨ da cay gɨsəŋ kɛ naŋ.»

1 Korɛ̰t 1:20

Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

1 Korɛ̰t 10:27

Hɨn̰ gɨ ungo gɨ ba-aye-kudurɔ naŋ na mɨlagɨŋ dɔɔ hɨnga ma magɨŋ na gey cay nee na, dagɨŋ hɨnga nɔm ga kan bɨgɨŋ dɨle ɨngɨre toyge, dan̰ kuduroygɨŋ ga ba dugo.

1 Korɛ̰t 5:11

Ɨŋ’ɨ̰, magtubu di ɨŋ wal bɨgɨŋ le ojɨ na cay kalaŋ ga kan teege naa karmɨni, ama bɨlege na ka-lɔɔ gɨye yɔyɛ gɨ toy kan̰di kan̰di, wala dan̰ ka-orɨn̰ dan̰ tabɨlaŋ di hɨnga, wala ka-n̰ɨre kula, wala ka-pɔyɛ kɔl, wala ka-kɔyɛ cɛrɛ, wala ka-hase. Kalaŋ ga hɨn̰ wo̰ le, kɨŋ ɗɔɔ ba ɔrɛ gusɨge. Hɨnga ga ni dɔɔ kalɨn̰ ma, kɨŋ ɗɔɔ ba dɔɔ danage.

1 Korɛ̰t 5:9

Magtubu di ɨŋ wal tumɔ bɨgɨŋ le ɨŋ yəgɨŋ kɔl duroy nee hɨn̰: «Kɨŋ ɗɔɔ ba ɔrɛ gusi ka-lɔɔ gɨye yɔyɛ gɨ toy kan̰di kan̰di.»

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

1 Ja̰ 4:5

Ka-yɔɔ-kɔl-gɨ-Kumu-ba-yɔɔ ga cɨndi naŋ le, kan na ga da cay gɨsəŋ. Na toy di hɨn̰ wo̰ ma kan ye kɔl na hɨn̰ kalaŋ ga cay gɨsəŋ gaŋ wo̰, lee gɨ kalaŋ ga cay gɨsəŋ gaŋ je kɔl kɨbɨge.

1 Ja̰ 4:7

Ay, kɨŋ ga ɨŋ lee-toygɨŋ, kuɗa gɨ kɨŋ gey gusɨgɨŋ, kɨya gɨ geye sayga na gusi Kumu. Lee gɨ ungo gɨ geye woy kuduroy le, bɨləŋ na kurɨn̰ Kumu bɨ, na ungo gɨ sol Kumu bɨ.

1 Ja̰ 5:19

Na solgɨŋ gɨ na na-gandi ƴɔbɨ ma na kalaŋ ga da Kumu. Ama kalaŋ ga a cay gɨsəŋ gaŋ nɔm le, woyge na te dɔnɔ di da Haban̰ Ba-lɔɔ ɨsɨna gɨŋ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.