1 Korɛ̰t 5:1 - Gabri Maja

¹ Kalaŋ nɔm yege gɨ yɔyɛ dan̰ gangɨ caygɨŋ na woy duroygɨŋ, ama hɨnga le, kalaŋ ga sɨlage Kumu gɨ cɨndi naŋ kalɨn̰ ma yɨyage dan̰ gangɨ cayge hɨn̰ wo̰ naŋ. Kɨya wa yege kɔldɨgɨŋ yen̰ge hɨn̰ ungo gɨ pɨna duroygɨŋ na or bɨrɨŋ male tam-bay.

1 Korɛ̰t 5:1 ပူးပေါင်းရင်းမြစ်များ

Gɨye-lɔɔ 15:20

Ama kuɗa gɨ na gɨn̰gɨŋ dan̰ magtubu bɨge, narge dɔɔ kuyoŋ ga mɨdagi ga na kuyoŋ ga kan dɨɗɨge n̰ɨrɨn̰ge kulan̰əŋ bɨ, narge cay yɔyɛ dan̰ gangɨ cayge bɨ, dɔɔ kuyoŋ ga asɨri bɨ, dɔɔ kɨbar bɨ.

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

1 Korɛ̰t 1:11

Ay, karmɨnɨ ga ban̰aŋ dan̰ ga kandɨ, ɨŋ ye kɔl gɨ nee le na kɨya gɨ kalaŋ ga pɨna a duroy ƴaa gɨ da tɨmdɨna Kulwe yəŋge gɨ bɔjɨn̰ɛ na woy duroygɨŋ.

1 Korɛ̰t 5:11

Ɨŋ’ɨ̰, magtubu di ɨŋ wal bɨgɨŋ le ojɨ na cay kalaŋ ga kan teege naa karmɨni, ama bɨlege na ka-lɔɔ gɨye yɔyɛ gɨ toy kan̰di kan̰di, wala dan̰ ka-orɨn̰ dan̰ tabɨlaŋ di hɨnga, wala ka-n̰ɨre kula, wala ka-pɔyɛ kɔl, wala ka-kɔyɛ cɛrɛ, wala ka-hase. Kalaŋ ga hɨn̰ wo̰ le, kɨŋ ɗɔɔ ba ɔrɛ gusɨge. Hɨnga ga ni dɔɔ kalɨn̰ ma, kɨŋ ɗɔɔ ba dɔɔ danage.

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

1 Korɛ̰t 6:18

Ƴɨmagɨŋ gusɨgɨŋ coŋ te yɔyɛ dan̰ gangɨ caygɨŋ bɨ. Ɨsɨna ga ɗaŋ nɔm ga ungo lee le, na a kuyoŋdi-gusi gɨŋ doŋ. Ama kalaŋ ga ka-yɔyɛ dan̰ gangɨ cayge le, leege ɨsɨna na dan̰ kuyoŋdi-gusɨge koge gaŋ.

1 Korɛ̰t 6:9

Kalaŋ ga dan̰ durɔ ɗɨngar naŋ, kɨya dɨbege tɨbayge boy dɔɔ-ƴaa gɨ da Kumu gɨŋ naŋ le kɛɛ, kɨŋ sɨla hɨn̰ wo̰ naŋ ga? Ɗɔɔgɨŋ cɨndɨgɨŋ nargɨŋ naŋ: Ka-lɔɔ gɨye yɔyɛ gɨ toy kan̰di kan̰di bɨ, ka-n̰ɨre kula bɨ, ka-yɔyɛ kandɨ wala ban̰aŋ ga da kamdɨge bɨ, ka-lɔɔ gusɨge leen̰ kandɨ bɨ, ban̰aŋ ka-wɔyɛ dan̰ kamdɨge ban̰aŋ bɨ,

2 Korɛ̰t 12:21

Gajanaŋ kɨɗɨn̰ ga ɨŋ na bugoŋ gusɨgɨŋ na, Kumu kɨya dɨbe dasi canɨ ɗaŋ coŋ tumoygɨŋ bɨ, ɨŋ da ɨle kɨya cay kondɨwadi kalaŋ ga tumɔ leege ɨsɨna ma bɨlge kardɨge bɨn̰ lɔɔ hɨnga ga ni dasi naŋ bɨ, bɨn̰ yɔyɛ gɨ dan̰ gangɨ caa naŋ bɨ, bɨn̰ yɔyɛ gorɨn̰ daa naŋ bɨ.

2 Korɛ̰t 2:5

Hɨn̰ gɨ ungo na mɨnda kuduroygɨŋ na, ban mɨnda na kuduronɨ ɨŋ-bandi pɨna dan̰ kan̰nɨ naŋ, gɨ ni leen̰ cɨndi na, na kɨŋ-gandi nɔm ma ban mondu kuduroygɨŋ. Ama na ɗɔɔ ba orɨn̰ dan̰ kɔl le hen̰.

2 Korɛ̰t 7:12

Na cɨndi, wɔlɛ gɨ nee le ɨŋ wal magtubu gɨyɨn̰ bɨgɨŋ, ama ɨŋ wala na kɨya cay ungo gɨ ba-lɔɔ ɨsɨna le naŋ bɨ, cay ungo gɨ leeyige ɨsɨna le naŋ bɨ. Ɨŋ wal na kɨya gɨle gɨ kɨŋ na som pɛɗɛɗɛ gɨ ni lɔɔ hɨnga kol cayni. Sɔmɛ gɨ kɨŋ ba som pɛɗɛɗɛ kol cayni le, woy cɨn̰ tɨwa dɨŋ ɗen̰ ɗen̰ cɨndɨgɨŋ bɨ, cɨn̰ Kumu bɨ.

Galad 5:19

Kalaŋ nɔm solge tabɨlaŋdi hɨnga ga ɨsɨni ga da kuyoŋdi-gusu le. Kan ba wɔyɛ kɛ: Yɔyɛ dan̰ gangɨ caygɨŋ bɨ, lɔɔ hɨnga ga ni dasi bɨ, yɔyɛ gorɨn̰ daa bɨ,

Epɛs 5:3

Haw kɛ na, kɨŋ na kalaŋ ga kɨŋ woy dan̰ cɨndɨgɨŋ ɨni, ɗɔɔ gɨ yɔyɛ dan̰ gangɨ caygɨŋ, naŋ le lɔɔ hɨnga ga ni dasi, naŋ le lɔɔ te gursu le, ungo tɔgɛ gusondɨge duroygɨŋ naŋ ɨni.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

Wasɨn̰a 2:21

Ɨŋ ɗe tɨwa boo ɗe na bɨlɨn̰ haldo. Ama hɨndi gey bɨle haldo ojɨn̰ cay yɔyɛ gɨ dan̰ gangɨ ca le naŋ.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»