1 Korɛ̰t 4:8 - Gabri Maja

⁸ Kɨŋ sɨdɨldəŋ ɨni bɨ, kɨŋ way hɨnga ga ni wɔɔ tɔgɨ ɨni bɨ! Kɨŋ na kɛrɨmbɛlɛŋ, ama ni na kɛrɨmbɛlɛŋ naŋ! Ni gey tɔgɨ gɨ kɨŋ na daa cay ƴaa leen̰ cɨndi ɗe ani na dɨn̰ cay ƴaa danagɨŋ bɨ!

1 Korɛ̰t 4:8 ပူးပေါင်းရင်းမြစ်များ

Matɨyo 5:1

Dɨmdɨrdi kalaŋ kobɨge kardi Jesu. Kɨɗɨn̰ ga ban solge ɨni na, or nɔɔ a cay garma gɨŋ sɔmɛ nee bɨ, ka-aye-cay-tɨbayi ɨrgage dayaŋge gusi.

Kɔl-gɨ-Ɗari gɨ Lug wal 6:25

Cɨn̰-n̰age ba caygɨŋ kɨŋ ga haw kɛ kuduroygɨŋ sɨdɨldəŋ jɨŋ jɨŋ le, kardi nee kuroŋ kɨya loogɨŋ! Cɨn̰-n̰age baa caygɨŋ kɨŋ ga haw kɛ ase wadɨldɨn̰ kɨbɨ gɨŋ le, kardi nee kɨŋ kɨya sɔmɛ duroy n̰age dan̰ ɨle!

Gɨye-lɔɔ 26:29

Ɨni na, Pol jɨga dɨbii cay nee yeyi hɨn̰: «Gɨ na baa naa mɨnde wala, kunda wala, ɗe gɨ Kumu laa gɨ na ji ƴɔbɨ naŋ, ama ɗe gɨ kalaŋ nɔm ga ba jege kɔl gɨ kɨbɨnɨ labɨde le, bɨləŋge woy hɨn̰ ɨŋ-bandi wo̰, ama ɗa gɨ na dan̰ mɔrɨyɔŋ ga saɗɨ kɔbɔŋ kɛ naŋ.»

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

1 Korɛ̰t 1:5

Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

1 Korɛ̰t 4:18

Kalaŋ ga pɨna duroygɨŋ ɨrɨmge gɨ ɨŋ na kɨya jɔgɛ tagɨŋ naŋ, lee gɨ kan dege jorgiige tɔgɨ.

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

2 Korɛ̰t 11:1

Ay! Ƴɨmagɨŋ kuduroygɨŋ kɨya wa haw kɛ ɨŋ gey yogɨŋ kɔl dḛ hɨn̰ ungo gɨ sɨwage leeyi wo̰. Ƴɨmagɨŋ kuduroygɨŋ ƴɔbɨ.

2 Korɛ̰t 13:9

Hɨn̰ gɨ ni-gandi ni na ɨran̰ dan̰ dɔnɔ naŋ, ma naa kɨŋ-gandi ƴɔbɨ na ba ɨran̰ na, ni lee gusi-mɔwa. Ni ol Kumu kol caygɨŋ ɗe agɨŋ na bɨləŋ ka-aye kudurɔ ga duroŋ cɨrɛɗ.

Galad 6:3

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Wasɨn̰a 3:17

Kɨya wa kɨŋ ye hɨn̰: “Ni na ka-wɔɔ hɨnga bɨ, kandi-wɔɔ walɨn̰ gusɨni tɛlɛlɛ tɛlɛlɛ bɨ, n̰agedi hɨnga pɨna wo̰ laani naŋ bɨ.” Ama kɨŋ sɨla gɨ leen̰ cɨndi toygɨŋ na bɛrɛ naŋ bɨ, kɨŋ sɨla gɨ cɨndɨgɨŋ na laa n̰age naŋ bɨ, wɔɔdɨgɨŋ na unɔ naŋ bɨ, kɨŋ naa ka-bɨbe naŋ bɨ, kɨŋ na ɨra toygɨŋ kalɨn̰ naŋ bɨ.

Wasɨn̰a 5:10

Ji bɨlge leen̰ dɔɔ-ƴaa bɨ, Leen̰ ka-bɔgɛ kɨbar, Ɗe na n̰ɨrɨn̰ge Kumu konagɨŋ bɨ, Kan kɨya dɔɔge cay ƴaan̰əŋ, A cay gɨsəŋ gaŋ kɛ.»