1 Korɛ̰t 4:5 - Gabri Maja

⁵ Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

1 Korɛ̰t 4:5 ပူးပေါင်းရင်းမြစ်များ

Matɨyo 10:26

«Kɨŋ ɗɔɔ ba hundɔrɔ ungo naŋ. Kɨya wa hɨnga nɔm ga woy a kɨɗɨn̰ ɓurɔŋgɛdɨge gaŋ ga kan kɨya dɔrɛ toyge daa naŋ le unɔ bɨ, hɨnga nɔm ga woy a kɨɗɨn̰ wɔsɛdɨge gaŋ ga kan kɨya dɨle sɔlɛ naŋ le unɔ bɨ.

Matɨyo 24:30

Kɨɗɨn̰di ga nee gaŋ le na, hɨnga ga kɨya gɨle cay Kurɨn̰-ungo kɨya andɨgaŋ gɨɗɨgɨ-Kumu gɨŋ. Duroy wɔlɛdi gɨ nee gɨŋ le, te wɨn̰jen̰əŋ ga cay gɨsəŋ gaŋ nɔm kɨya ɨlege gusɨge togɨn̰ge ɗugoyge bɨ, kɨya sɔlɛge Kurɨn̰-ungo te ɨrgadi gɨŋ cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Matɨyo 24:46

Kɨɗɨn̰ ga ba-ƴaadi na jɨge ma na wa guyɔŋ koyi a kɨbɨ gɨye gɨŋ na, tumoy wolwa kɨya wɔyɛ kɨya cayi.

Matɨyo 25:21

Ba-gulondi le yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

Matɨyo 25:23

Ba-gulondi yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

Kɔl-gɨ-Ɗari gɨ Lug wal 6:37

«Bɔyɛgɨŋ kɔl cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya bɔyɛ kɔl caygɨŋ naŋ bɨ. Yɔgɨŋ gɨ kɔl na ƴom cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya yɔ gɨ kɔl na ƴɨma caygɨŋ naŋ bɨ. Ɗagɨŋ kuduroygɨŋ jala cay kamdɨgɨŋ bɨ, Kumu kɨya ɗɔɔ kuduroy jalɨwa caygɨŋ bɨ.

Kɔl-gɨ-Ɗari gɨ Ja̰ wal 21:22

Jesu dɨbi cay nee yey hɨn̰: «Hɨn̰ gɨ ɨŋ na gey gɨ ban na sɨma-bɨra bɨrɨŋ gɨsɨn̰ gɨ ɨŋ na jɨgen̰ kalɨn̰ ma, dolɨn̰ na wa nee ga? Ji-bandi, ji kɨba na karɨnɨ.»

Kɔl-gɨ-Ɗari gɨ Ja̰ wal 21:23

Ayɨn̰ toy cay kɔl gɨ nee le, kalaŋ ka-aye kudurɔ yen̰ge gusɨge jɨn̰ tumɔ tumɔ duroy ka-karme, gɨ ba-aye-cay-tɨbayi gɨ nee le, na kɨya mare naŋ. Leen̰ cɨndi na, kɔl gɨ Jesu yen̰ Pɨyɛr le, ban ya na wo̰ naŋ. Ama ban ye na hɨn̰: «Hɨn̰ gɨ ɨŋ na gey gɨ ban na sɨma-bɨra bɨrɨŋ gɨsɨn̰ gɨ ɨŋ na jɨgen̰ le kɛ, dolɨn̰ na wa nee ga?»

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Magtubu di Pol wal bɨn̰ kalaŋ ga Rɔm 14:4

Kɛ, ji-bandi, ji na waŋ ma man̰ kɨya bɔyɛ kɔl a cay marɨna ba lɔɔ gɨye gɨ ji na ba-gulondi naŋ le ga? Hɨn̰ gɨ marɨna ba-gɨye le, na ƴɨma gusi usa kɨbɨ gɨye gɨŋ wala, na ba dugo kalɨn̰ ma, dɨlan̰ naŋ, kɨya wa na kɔl gɨ da ba-gulondi. Ama ban kɨya ƴɔmɛ gusi osɨwa kɨya wa Ba-gulɔŋ orɨn̰ dan̰ dɔnɔ di ni lɔɔ gɨ ban na ɨrɨn̰ daa kalɨn̰.

Magtubu di Pol wal bɨn̰ kalaŋ ga Rɔm 2:1

Ji gɨ ba bɔyɛ kɔl cay kalaŋ le, ko ji naa waŋ waŋ kalɨn̰ ma, ungo kɨya ɗɔ kardi kɔl le bɨn̰ naŋ. Kɨya wa ji ɨre boy kɔl a cay kalaŋ ga ka-lɔɔ hɨnga ga ɨsɨn, ama gɨye-lɔɔdɨn̰ gɨlɨn̰ na hɨn̰ koge kan wo̰ bɨ. Lee gɨ kɔl gɨ ji ɨre boy le, ji ɨre boy na cay gusɨn̰ kon̰ gɨŋ gaŋ hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

1 Korɛ̰t 1:7

Lee gɨ hɨnga ga ni ɗarwa di da Kumu ga ban bee le, pɨna wo̰ ga wɨygɨŋ unɔ, kɨŋ ga kɨŋ ba som gam tɨwa di Ba-gulondɨna Jesu-Kɨris kɨya andɨn̰ dus le.

1 Korɛ̰t 11:16

Hɨn̰ gɨ ungo na gey man̰e-kɔl cay nee na, ni-gandi bɨ Ka-Daye ga da Kumu bɨ, ni ɨran̰ dan̰ hada di nee le naŋ.

1 Korɛ̰t 11:26

Kɨya wa a bon̰ tɨwa nɔm gɨ kɨŋ kɨya dɔɔ mapa di nee le bɨ, sɔ hɨnga ga a bon̰ kobo ga ni nare gɨ nee le bɨ na, kɨŋ kɨya tɔgɛ bɛrnɛdi tɨma da Ba-gulɔŋ bɨrɨŋ gɨsɨn̰ gɨ ban kɨya jɨgan̰.

1 Korɛ̰t 15:23

Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.

1 Korɛ̰t 3:13

Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

1 Korɛ̰t 3:14

Ungo gɨ gɨye-lɔɔdi na wɨya jaŋ na, kɨya wɔɔ cay kobi.

1 Korɛ̰t 3:8

Ba-busɔnɛ bɨ, ba-bɔgɛ kaŋ toy nee bɨ ɓalɨn̰ge. Waŋ waŋ kalɨn̰ ma kɨya wɔɔ hɨnga ga ni cay kobi ga ɓal cay gɨye-lɔɔdi.

2 Korɛ̰t 10:18

Na cɨndi ungo gɨ Ba-gulɔŋ Kumu hɨramii le, ban ba-ƴɔɔ cɨn̰ Kumu. Ama ungo gɨ hɨram gusi koyi gaŋ le, ƴa cɨn̰ Kumu naŋ.

2 Korɛ̰t 10:9

Ɨŋ gey gɨ ungo gɨ sɔlɔŋ hɨn̰ ungo gɨ ba-loogɨŋ hundɔrɔ duroy magtubu tɨnge dɨŋ nɔm di ɨŋ wal bɨgɨŋ dɨŋ naŋ.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

1 Tesalonigɨ 5:2

Kɨya wa kɨŋ-gandi gusɨgɨŋ kɨŋ sol kuɗa, wɔlɛ gɨ Ba-gulɔŋ kɨya cagan̰ le, kɨya wɔyɛ gɨlɨn̰a na hɨn̰ gɨ da ba-hase gɨ kɨya ɨrga duroy son̰do dɨŋ wo̰.

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.

Magtubu di Jag wal 4:11

Karmɨnɨ ga ban̰aŋ dan̰ ga kandɨ, ɗagɨŋ ba-yɔɔ kɔl gɨ ɨsɨni bɨn̰ gusɨgɨŋ. Ungo gɨ na ya kɔl gɨ ɨsɨni kɨya cay kurɨndi bɨ, tɨmdi bɨ na, ban lee gusi leen̰ na ungo gɨ gumu gɨ ba-bɔyɛ kɔl bɨ, ye na kɔl gɨ ɨsɨni kɨya cay gasɨn̰-kɔl gɨ da Kumu bɨ. Lee gusi leen̰ na ungo gɨ gumu gɨ ba-bɔyɛ kɔl a cay gasɨn̰-kɔl bɨ. Ma hɨn̰ gɨ ji na bɨya kɔl a cay gasɨn̰-kɔl gaŋ na, ji na ba-lɔɔ cay gasɨn̰-kɔl naŋ ɨni. Ama ji na ba-bɔyɛ kɔl a cay gasɨn̰-kɔl gaŋ.

Magtubu di Jag wal 5:7

Ɨni na, karmɨnɨ ga ban̰aŋ dan̰ ga kandɨ, dɨbɨgɨŋ ɗugoygɨŋ bɨrɨŋ gɨsɨn̰ wɔlɛ gɨ Ba-gulɔŋ kɨya bɨlgɨ jɨga. Sɨlagɨŋ! Ba yage le, dɨbɨ ɗugoy gamɨn̰ kaŋdi kumu ga cay wase bɨ, kaŋdi kumu ga karu bɨ, pa dɨm ma kɨya walɨn̰ gasa ga naa kuɗa, ga cay gɨsəŋ bii ga ban som gam le ƴee.

Magtubu di Jag wal 5:9

Karmɨnɨ ga ban̰aŋ dan̰ ga kandɨ, kɨŋ na gey gɨ Kumu na kɨya bɔyɛ kɔl caygɨŋ naŋ na, ɗagɨŋ hɨrage dan̰ gusɨgɨŋ ba. Kɨya wa ba-bɔyɛ kɔl ɨre kɨbɨ gɨyəŋ gɨŋ ɨni.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

2 Pɨyɛr 3:12

Gamagɨŋ bɨ, sɨbɨrgɨŋ wɔlɛ caga gɨ da Kumu bɨ. Wɔlɛdi gɨ nee le, kan kɨya mɔndɛ gɨɗɨgɨ-Kumu na dan̰ tɨwa bɨ, hɨnga ga Kumu ɗege ga tɨwa di daa woy boy nee le, kɨya mundoŋge coŋ bɨ.

2 Pɨyɛr 3:4

yon̰ hɨn̰: «Ban naa ya gɨ ɗi na kɨya jɨga naŋ ga? Ma, ban ba ani ga? Mon̰inagɨŋ nɔm mage, ama hɨnga nɔm woy kɨɗɨn̰dɨge gaŋ ayɨn̰ toyi gɨ ɗen̰ge cay gɨsəŋ.»

Magtubu di Jud wal 1:14

Inɔg gɨ na te mon̰dɨna gɨ pɨna pɨna kɨɗɨn̰ jurgum ayɨn̰ toy a cay Adam le. Ban ye-kɔl-gɨ-Kumu-ba-yɔɔ ye hɨn̰: «Sɨlagɨŋ, Ba-gulɔŋ ɨrga dan̰ ka-gɨre-gɨye kayi ga woyge dan̰ cɨndɨge ga kondɨwayge ɗɨn̰ ɗɔngɨsɛ,

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 20:12

Ɨni na, ɨŋ sol kalaŋ nɔm ga mage ga kalɨn̰ bɨ, ga gɨmdəŋ bɨ, boyge lɨbɨ bɨ ɨrege dan̰ tɨbayge daa tumoy kali-tɨrɨmbala dɨŋ. Hangɨge duroy magtubun̰əŋ ga walge gɨye-lɔɔ gɨ da kalaŋ nee. Kumu boy kɔl cayge pɨna pɨna na dan̰ gɨyəŋ gɨ da hɨnga ga kan lee kɨɗɨn̰ ga kan ban̰ dan̰ cɨndɨge ƴee. Ɨni na, hangɨge magtubu di ɗaŋ di na magtubu sɔmɛ-bɨra.