1 Korɛ̰t 4:21 - Gabri Maja

²¹ Hɨnga ga kɨŋ gey le na wa ga? Na gɨ ɨŋ na ɨra gusɨgɨŋ naa dan̰ suroy wala, naa dan̰ geye bɨ, naa dan̰ kale ga jali bɨ ga?

1 Korɛ̰t 4:21 ပူးပေါင်းရင်းမြစ်များ

1 Korɛ̰t 4:18

Kalaŋ ga pɨna duroygɨŋ ɨrɨmge gɨ ɨŋ na kɨya jɔgɛ tagɨŋ naŋ, lee gɨ kan dege jorgiige tɔgɨ.

1 Korɛ̰t 5:5

Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

2 Korɛ̰t 1:23

Gɨ ojɨn̰ canɨ ɨŋ-bandi le ɨŋ ay na Kumu leen̰ tɨmon̰ hɨnge, kɔl gɨ ɨŋ ba yəgɨŋ kɛ le na cɨndi: Hɨn̰ gɨ ɨŋ na jɨga ɨra Korɛ̰t naŋ na, ɨŋ gey na ɔrɛ yogɨŋ kɔl gɨ kɨya mɔndɛ kuduroygɨŋ naŋ.

2 Korɛ̰t 10:6

Ama ni som cay tɨbayni dɨŋ ɨni ɗe hɨn̰ gɨ kɨŋ na gɨl jɔɔ kɔl kogɨŋ doŋ gɨ na kuɗa duroŋ cɨrɛɗ na, kalaŋ ga na ka-jɔɔ kɔl naŋ le, ni kɨya halge, kɨya cay hɨnga ga ɨsɨni ga kan lee le.

2 Korɛ̰t 10:8

Dɔnɔ di Ba-gulɔŋ bɨni ɗe ani na jɨbɨn̰ toygɨŋ ɗe agɨŋ na orɨn̰ dan̰ cɨndɨgɨŋ tumɔ. Ama na ɗe gɨ ani na mondɨgɨŋ naŋ le, hɨn̰ gɨ ɨŋ na gɨl gusɨnɨ tɔgɨ koldi ɗe na ɗɨn̰ cay kɨɗɨn̰ kalɨn̰ ma, dasi daŋ koldi naŋ.

2 Korɛ̰t 12:18

Ɨŋ ol Titɨ ɗe na or gusɨgɨŋ bɨ, kurɨndɨni gɨ kɨŋ ba solii le ɨŋ gɨyii ɗe na or danayi bɨ. Kɛ Titɨ dii kardɨgɨŋ duroy hɨnga gaŋ pɨna ga? Naŋ. Kɛ ni gura danayi na te ɨrɨme gɨ pɨna gɨŋ naŋ ga? Kɛ ni gura na te gɨyəŋ gɨ pɨna gɨŋ naŋ ga?

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 13:2

Na kɔl gɨ ɨŋ yəgɨŋ tumɔ ɨni, kɨɗɨn̰ ga ɨŋ ba orɨn̰ tagɨŋ gɨ ni tɨba sɔɔdi le. Ama labɨde gɨ ɨŋ ba unɔ duroygɨŋ le, ɨŋ jɨga yen̰ kan ga leege ɨsɨna tumɔ bɨ woyge te lɔɔ mɨjagɨ bɨ, yen̰ te kalaŋ nɔm bɨ ɗe na solge pa dɨm, hɨn̰ gɨ ɨŋ na jɨga ɨra gusɨgɨŋ na ɨŋ kɨya hale ungo dan̰ te tumɔ di jali naŋ.

2 Korɛ̰t 2:1

Lee gɨ hɨnga ga ɨŋ ba ojɨ kuduronɨ ba kɛ: Ɨŋ kɨya jɔgɛ ɔrɛ tagɨŋ gɨ ni mɔndɛ kuduroygɨŋ naŋ ɨni.

2 Korɛ̰t 2:3

Kɔl gɨ naa ɨŋ ba wal duroy magtubu dɨŋ le, ɨŋ wal na ɗe gɨ ɨŋ na bugoŋ gusɨgɨŋ na, kalaŋ ga ojɨ gɨ kan na laa ɗe gusɨnɨ na mɔŋ le na bɨlge ka-mɔndɛ kuduronɨ naŋ. Kɨya wa ɨŋ sol kuɗa gɨ kɨŋ-gandi le, hɨn̰ gɨ gusɨnɨ na mɔŋ na, kɨŋ-gandi kalɨn̰ ma gusɨgɨŋ kɨya moogɨŋ bɨ.

2 Korɛ̰t 3:10

Na cɨndi, tumɔ asɨn̰a di jɨran̰de woy bɨ, haw kɛ asɨn̰a di jɨran̰de di ɗaŋ di ɗoo coŋ ɨrga bɨ, kayoo.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

1 Tesalonigɨ 2:7

Ni na ka-gɨre-gɨye ga da Kɨris, ni orɨn̰ dan̰ dɔnɔ di ni ɨngɨrgɨŋ hɨnga dan̰ kondiige, ama ni aya hɨnga gusɨgɨŋ naŋ. Kɨɗɨn̰ ga ni ban̰ duroy gɨŋ le, kaledɨni jal hɨn̰ karɨn̰aŋ ƴoyge di sol kardi karɨndo kuɗa wo̰.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.