1 Korɛ̰t 4:12 - Gabri Maja

¹² ni lee gɨye dan̰ kobɨni koni gɨlalɨn̰ toy nee bɨ. Hɨn̰ gɨ kalaŋ na yagɨdani na, ni torna-kɨbɨni cayge. Hɨn̰ gɨ kalaŋ na gɨlni-cɨn̰ na, ni ƴom na kuduroyni osu.

1 Korɛ̰t 4:12 ပူးပေါင်းရင်းမြစ်များ

Matɨyo 5:11

«Tumoy wolwa woy kol caygɨŋ, kɨŋ ga kalaŋ yagɨdɨgɨŋge bɨ, kɨŋ ga kalaŋ gɨlgɨŋge cɨn̰ bɨ, kɨŋ ga kalaŋ poyge kɔl gɨ toyi kan̰di kan̰di sige caygɨŋ bɨ, kɨya kuduroygɨŋ ga kɨŋ bee canɨ le.

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Kɔl-gɨ-Ɗari gɨ Lug wal 23:34

[Ɨni na, Jesu ye hɨn̰: «Banɨ, ɗa kuduron̰ jala jɔm cayge kɨya wa hɨnga ga kan lee le, kan sɨla toyge naŋ.»] Bɨ kan lobɨge badɨge kayi nɔm gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ.

Kɔl-gɨ-Ɗari gɨ Lug wal 6:28

Tɨragɨŋ-kɨbɨgɨŋ cay kan ga ka-ɓɨsgɨŋ bɨ, ulagɨŋ Kumu kɨya cay kan ga ka-pɔyɛ kɔl ɗɔɔ caygɨŋ bɨ.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Gɨye-lɔɔ 18:3

Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage.

Gɨye-lɔɔ 20:34

Kɨŋ gusɨgɨŋ gaŋ kalɨn̰ ma, kɨŋ sol gɨ ɨŋ lee gɨye na dan̰ kɔbɔŋ ma maŋ wan̰ hɨnga ga n̰agedɨge ləŋ bɨ, lee ka-pogɨn̰ɨnɨ ga danaŋ bɨ le.

Gɨye-lɔɔ 7:60

Kardi nee ɨni na, ban poy gɨbay dugo bɨ, dor noy hal daa ye hɨn̰: «Ba-gulɔŋ ɗɔɔ kol ɨsɨna gɨ kɛ le ƴɔmɛ cayge naŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Magtubu di Pol wal bɨn̰ kalaŋ ga Rɔm 12:14

Tɨragɨŋ-kɨbɨgɨŋ a cay kalaŋ ga ka-gɨlgɨŋ cɨn̰. Ho’o tɨragɨŋ-kɨbɨgɨŋ cayge wala ɓɨsgegɨŋ naŋ.

Magtubu di Pol wal bɨn̰ kalaŋ ga Rɔm 12:20

Ama Ba-gulɔŋ dɨbɨ cay nee ɗaŋ coŋ ye hɨn̰: «Hɨn̰ gɨ kurɔŋ na laa ba-baadɨn̰ na, bii hɨnga ga ni dɔɔ. Hɨn̰ gɨ gɨmase na dayi na, bii kaŋ ga ni sɔɔ. Hɨn̰ gɨ ji na laa hɨn̰ wo̰ na, Woy gɨlɨn̰ hɨn̰ gɨ ji na don naa, Kurji tɨwa di ƴee man̰ bee a cayi wo̰.»

Magtubu di Pol wal bɨn̰ kalaŋ ga Rɔm 8:35

Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

1 Korɛ̰t 9:6

Kɛ ojɨ gɨ ɨŋ-bandi bɨ Barnabas bɨ ƴɔbɨ naa ba laa gɨye dan̰ kobɨni ga?

2 Korɛ̰t 11:8

Hay! Ɨŋ ƴee hɨnga ga ni jibin̰ tonɨ kobɨ Ka-Daye ga ɗaŋ kɨya leen̰ gɨye bɨgɨŋ. Woy gɨlɨn̰ hɨn̰ gɨ ɨŋ na nɨn̰ge kol caygɨŋ wo̰.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

2 Tesalonigɨ 3:8

Hɨnga ga ni di le, na ungo mani ɨngɨrii ɗe bɨni naŋ. Ama ni lee gɨye gɨlalɨn̰ ƴomɨn̰ kɨjan̰e dan̰ son̰do dan̰ tɨwa di ɨni bɨ, ɗe ani na nɨn̰in̰ ungo pɨna duroygɨŋ naŋ.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

1 Pɨyɛr 2:23

Kɨɗɨn̰ ga kan yagɨdiige le, ban jɨga yagɨdage ban̰di nee naŋ bɨ. Kɨɗɨn̰ ga kan ɗɨndɨriige le, ban jɨga tɨgage gɨm naŋ bɨ. Ama ban ɗe gusi kobɨ Kumu gɨ boy kɔl dan̰ durɔ ɗɨngar.

1 Pɨyɛr 3:14

Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Pɨyɛr 4:19

Naa hɨn̰ wo̰ na, kan ga solge cɨn̰-gɨle-cɨn̰ kɨya ɨre gɨ kan ɨre kardi kuduroy-geye gɨ da Kumu le, kuɗa gɨ kan ɨr kɨɗɨn̰ lɔɔ ɗarwa dɨŋ dan̰ tumoyge bɨ, ayage kuduroyge gɨ cɨndi bɨn̰ Kumu gɨ ba ɗɔɔ hɨnga nɔm bɨ, ba-lɔɔ te tumoyi di ban ay bɨ le.

Magtubu di Jud wal 1:9

Kɨɗɨn̰ ga Migayɛl gɨ na gumu gɨ da ka-ƴɔbɛ ga daa nii kan̰ kɔl gɨ da Haban̰ coŋ na, kan man̰ge kɔl ojɨ cay gundi Moyis. Ban dan̰ gusi koyi kalɨn̰ ma bɨya kɔl yagɨdan̰ Haban̰ naŋ. Kɔl gɨ ban ba ye ba kɛ: «Kuɗa gɨ Ba-gulɔŋ gɨlne-cɨn̰ kɨya cay gɨye-lɔɔde gɨ ɨsɨni.»