1 Korɛ̰t 3:5 - Gabri Maja

⁵ Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

1 Korɛ̰t 3:5 ပူးပေါင်းရင်းမြစ်များ

Matɨyo 25:15

Ban bɨn̰ guyɔŋ gɨ pɨna, gursu di ni lɔr, aru bay bɨ, bɨn̰ gɨ ɗaŋ, aru sɔɔ bɨ, bɨn̰ sɨbɨdɨge aru pɨna bɨ. Ban bɨge pɨna pɨna ojɨn̰ cay togɨyge, bɨ ban ɗe gusi orɨn̰ tɨrga.

Kɔl-gɨ-Ɗari gɨ Lug wal 1:2

Kan walge na dan̰ gɨyəŋdɨge gɨyəŋdɨge, hɨn̰ gɨ kan ga ba solge dan̰ cɨndɨge a toy dɨŋ bɨ, ba dorge koldi bɨge le bɨ. Kan ga ba solge dan̰ cɨndɨge le, bɨləŋge labɨde na ka-tɔgɛ bɛrnɛ ga da Kumu.

Kɔl-gɨ-Ɗari gɨ Ja̰ wal 3:27

Ɨni na, Ja̰ jɨga dɨbɨge cay nee yege hɨn̰: «Hɨnga ga Kumu ay bɨn̰ ungo dɨm ma ban kɨya wɔɔ ƴee. Ama ungo kɨya ɓale wɔɔ dan̰ cay gusi naŋ.

Gɨye-lɔɔ 18:24

Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ.

Gɨye-lɔɔ 19:1

Kɨɗɨn̰ ga Apolos baa a Korɛ̰t ƴee na, Pol gay cay gɨsəŋ ga Aji ga garman̰əŋ kondɨ nee bɨ, ɨrgan̰ bugoŋ a cay ƴaa-di-gumu di Epɛs dɨŋ. Ban way ka-aye-cay-tɨbay Jesu ga pɨna wo̰ a nee.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 16:12

Gɨ ojɨn̰ cay kurɨndɨna Apolos na, ɨŋ dobɨ bandɨ kuduroy gɨɗaŋ ɗe na or gusɨgɨŋ dan̰ karmɨna pɨna. Ama ban gey ɔrɛ haw kɛ naŋ ƴee. Kɨɗɨn̰ ga ban na waa gɨyəŋ pa dɨm ma kɨya ɔrɛ gusɨgɨŋ ƴee.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

1 Korɛ̰t 3:22

Hɨn̰ gɨ naa Pol, wala naa Apolos, wala naa Kepas, wala naa hɨnga ga cay gɨsəŋ gaŋ, wala naa sɔmɛ-bɨra, wala naa tɨma, wala naa hɨnga ga haw kɛ, wala naa hɨnga ga ba kɨya ɨrga ƴee, hɨnga ga nee le nɔm na kagɨŋ,

1 Korɛ̰t 3:7

Lee gɨ ba-busɔnɛ na hɨnga naŋ bɨ, ba-bɔgɛ kaŋ toy nee na hɨnga naŋ bɨ, ama na Kumu ba lɔɔ malge ma na hɨnga.

1 Korɛ̰t 9:17

Hɨn̰ gɨ ɨŋ na laa gɨye gɨ nee le kɨya gɨ naa kuduroy geye hɨnge ƴɔbɨ na, ɨŋ orɨn̰ dan̰ gɨyəŋ gɨ ni wɔɔ hɨnga ga ni cay kɔbɔŋ. Ama na gɨye gɨ bəŋge kɔbɔŋ bɨ, na nɨywa gɨ canɨ bɨ.

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 3:3

Ho’o, kɨŋ na magtubu di Kɨris wal dobɨ kobɨni gɨ ni na bɨn̰ kalaŋ le, gɨ nee le woy arɨn̰ cɨn̰ waŋ waŋ. Kɨŋ na magtubu di walage dan̰ kaŋdi hɨnga ga ɨndi naŋ, ama na di walge dan̰ Turnɔ di da Kumu di som-bɨra dan̰ tumɔɔ. Kɨŋ na kɔl gɨ walage duroy kɨbɨ garma gɨ habɨli gɨŋ naŋ, ama duroy ɗugon̰ ungo gɨŋ.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

2 Korɛ̰t 4:7

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

2 Korɛ̰t 5:18

Hɨnga ga nee le nɔm sayga na gusi Kumu gɨ ba bogɨna pɨna danayi dan̰ gɨyəŋ gɨ da Kɨris bɨ, gɨ ba bogɨna gɨye bɔgɛ kalaŋ pɨna danayi, kobɨna bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:25

Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

1 Timote 1:12

Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.

1 Pɨyɛr 4:10

Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.