Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»
Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.
Hɨn̰ gɨ na na sɨmagɨŋ-bɨra kalɨn̰ ma, na somgɨŋ-bɨra na kɨya cay Ba-gulɔŋ bɨ. Hɨn̰ gɨ na na mara naa mare kalɨn̰ ma, na magɨŋ na kɨya cay Ba-gulɔŋ bɨ. Na toy di hɨn̰ wo̰ ma, hɨn̰ gɨ na na sɨmagɨŋ-bɨra wala maragɨŋ kalɨn̰ ma, na na ga da Ba-gulɔŋ.
Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.
Kɨɗɨn̰ ga Kumu kɨya dɔbɛ hɨnga nɔm a te dɔnɔ toy dɨŋ na, kɨɗɨn̰ ga nee le na Kurɨn̰-Kumu gusi ba kɨya dɔbɛ cayi a te dɔnɔ di da Kumu gɨ ba dɔbɛ hɨnga nɔm a te dɔnɔ toy dɨŋ. Ɨni na Kumu kan̰di hayi kɨya sɔmɛ cay hɨnga nɔm.
Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.
Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.
Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.
Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.
Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.
Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.
