1 Korɛ̰t 3:16 - Gabri Maja

¹⁶ Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

1 Korɛ̰t 3:16 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 6:3

Kɨŋ sol kuɗa gɨ kan leenage batɛm na ɗe gɨ ana na bugoŋgɨŋ pɨna dan̰ Jesu-Kɨris bɨ, dan̰ gɨyəŋ gɨ da batɛm di nee le, na bugoŋgɨŋ pɨna danayi a boy tɨmaydi dɨŋ bɨ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 8:9

Ama kɨŋ-gandi na, kɨŋ gura na dan̰ gɨyəŋ gɨ da ɨrɨme gɨ da kuyoŋdi-gusɨgɨŋ naŋ. Kɨŋ gor na dan̰ gɨyəŋ gɨ da Turnɔ ɗe-kuduroy-bɛrɛ, kɨya wa Turnɔ di da Kumu som a kuduroygɨŋ. Hɨn̰ gɨ ungo na ɨran̰ dan̰ Turnɔ di da Kɨris naŋ na, ban na gɨ da Kɨris naŋ.

1 Korɛ̰t 3:17

Hɨn̰ gɨ ungo na mɨnda ƴaa-di-da-Kumu na, Kumu kɨya mondii coŋ bɨ. Kɨya wa ƴaa-di-da-Kumu na gɨ woy dan̰ cɨndi, ama ƴaa le na kɨŋ-gandi.

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

1 Korɛ̰t 6:16

Ungo gɨ bugoŋ pɨna dan̰ tama ajɨba le, ban bɨləŋ na kuyoŋ gɨ pɨna danaa le, kɛ kɨŋ sɨla hɨn̰ wo̰ naŋ ga? Kɨya wa walge duroy Magtubu di da Kumu dɨŋ yege hɨn̰: «Kan sɔɗɨmɔŋ toge dɨŋ bɨləŋge kuyoŋ-gusu gɨ pɨna kəɗ kəɗ.»

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

1 Korɛ̰t 6:9

Kalaŋ ga dan̰ durɔ ɗɨngar naŋ, kɨya dɨbege tɨbayge boy dɔɔ-ƴaa gɨ da Kumu gɨŋ naŋ le kɛɛ, kɨŋ sɨla hɨn̰ wo̰ naŋ ga? Ɗɔɔgɨŋ cɨndɨgɨŋ nargɨŋ naŋ: Ka-lɔɔ gɨye yɔyɛ gɨ toy kan̰di kan̰di bɨ, ka-n̰ɨre kula bɨ, ka-yɔyɛ kandɨ wala ban̰aŋ ga da kamdɨge bɨ, ka-lɔɔ gusɨge leen̰ kandɨ bɨ, ban̰aŋ ka-wɔyɛ dan̰ kamdɨge ban̰aŋ bɨ,

1 Korɛ̰t 9:13

Kalaŋ ga leege gɨye duroy ƴaa-di-da-Kumu dɨŋ didege na hɨnga ga woy a duroy ƴaa-di-da-Kumu dɨŋ bɨ, kalaŋ ga leege gɨye kɨɗɨn̰ ga kan gaɗɨge kɨya bogɨn̰ kɨbar nee gaŋ le, kan gosɨngege na hɨnga ga ni bogɨn̰ kɨbar ga a cay kɨɗɨn̰ ga gaɗɨge gaŋ le bɨ le kɛ kɨŋ sɨla hɨn̰ wo̰ naŋ ga?

1 Korɛ̰t 9:24

Kɨŋ sol gɨ ka-bɔgɛ sɨwa kɨɗɨn̰ gɨre gaŋ le, gɨrege nɔm hage. Ama na ungo pɨna hayi gɨ gɨre ɗɨn̰ kamdi ba wɔɔ cay kobi. Ayagɨŋ mana di kɔl gɨ nee le gɨsɨn̰ dan̰ gɨyəŋ gɨ da aye kudurɔ ɗe agɨŋ wan̰ cay kobɨgɨŋ.

2 Korɛ̰t 6:16

Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

2 Timote 1:14

Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.

1 Ja̰ 4:12

Ungo pɨna wo̰ sɨla Kumu dan̰ tɨdi naŋ bɨrɨŋ. Hɨn̰ gɨ nana gey gusɨnagɨŋ na, Kumu bugoŋ pɨna dananagɨŋ bɨ, geye koyi gɨ woy kuduroynagɨŋ le duroŋ cɨrɛɗ bɨ.