1 Korɛ̰t 3:13 - Gabri Maja

¹³ Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

1 Korɛ̰t 3:13 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Kɔl-gɨ-Ɗari gɨ Lug wal 2:35

Na Ban ba kɨya dɔrɛ te ɨrɨme gɨ da kondɨwadi kalaŋ ga woy kɨɗɨn̰ wɔsɛdɨge gaŋ daa. Bɨ me-hɨndi di ni Mari kalɨn̰ ma, me kɨya sɔlɛ cɨn̰-n̰age hɨn̰ ungo gɨ kan jibiige a bamandaŋdi gɨŋ, gayge car dan̰ sɛw wo̰.»

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

Magtubu di Pol wal bɨn̰ kalaŋ ga Rɔm 2:5

Ama dan̰ gɨyəŋ gɨ da kuduroy-osɨwa ton̰ bɨ, mɨye-daa ton̰ bɨ le, ji hogɨ kuduroy-hɔmɛ da Kumu bee can̰ gamɨn̰ wɔlɛ bɔyɛ kɔl. Wɔlɛdi gɨ nee le Kumu kɨya bɔyɛ kɔl cay kalaŋ dan̰ gɨyəŋdi doŋ waŋ.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 3:12

Hɨn̰ gɨ ungo na gaɗa ƴaa a cay te ƴaa gɨŋ le, naa dan̰ lɔr, wala naa dan̰ nare gɨ ni arja̰, wala naa dan̰ garma gɨ kɨledi osu tɔgɨ, wala naa dan̰ sɨya, wala naa dan̰ mu, wala naa dan̰ hɛɗɨmɛ na,

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

2 Timote 3:9

Kan kɨya ɔrɛ dan̰ cɨndɨge tumɔ naŋ, kɨya wa matɨr toge kɨya gɨle guso cɨn̰ kalaŋ nɔm, hɨn̰ gɨ da kalaŋ ga sɔɔ ga nee le bɨ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Əbɨro 10:25

Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 4:12

Ay karmɨnɨ ga ɨŋ lee-toygɨŋ, cɨn̰-gɨle-cɨn̰ di ƴee hɨn̰ tɨwa wo̰ duroygɨŋ kɨya gɨwasɨgɨŋ le, kɨŋ ɗɔɔ gɨ kɔl kaygɨŋ sɛl sɛl kol caa hɨn̰ na hɨnga ga ni bɨrane naa ba loogɨŋ wo̰ naŋ.

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.

Wasɨn̰a 20:12

Ɨni na, ɨŋ sol kalaŋ nɔm ga mage ga kalɨn̰ bɨ, ga gɨmdəŋ bɨ, boyge lɨbɨ bɨ ɨrege dan̰ tɨbayge daa tumoy kali-tɨrɨmbala dɨŋ. Hangɨge duroy magtubun̰əŋ ga walge gɨye-lɔɔ gɨ da kalaŋ nee. Kumu boy kɔl cayge pɨna pɨna na dan̰ gɨyəŋ gɨ da hɨnga ga kan lee kɨɗɨn̰ ga kan ban̰ dan̰ cɨndɨge ƴee. Ɨni na, hangɨge magtubu di ɗaŋ di na magtubu sɔmɛ-bɨra.