1 Korɛ̰t 3:10 - Gabri Maja

¹⁰ Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

1 Korɛ̰t 3:10 ပူးပေါင်းရင်းမြစ်များ

Matɨyo 24:45

«Na waŋ duroygɨŋ ma na guyɔŋ gɨ ɨre cay tɨbayi bɨ, gɨ cɨndi-muɗol gɨ ba-ƴaadi ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi ga?

Matɨyo 7:24

«Na toy di hɨn̰ wo̰ ma, waŋ waŋ gɨ na ja kɔl hɨnge gɨ ɨŋ ba ye kɛ le bɨ, na aya laan̰ gɨye bɨ na, kɨya bɨle wɔyɛ na hɨn̰ ungo gɨ ba-cɨn̰-muɗɔlɛ gɨ gaɗɨ ƴaa toyi a cay garma gɨŋ.

Kɔl-gɨ-Ɗari gɨ Lug wal 11:35

Naa hɨn̰ wo̰ na, ɗa muɗɔlɛ cay kuyoŋdi-gusɨn̰ gɨŋ naŋ na, asɨn̰a gɨ ji ba orɨn̰ a kuduron̰ le, kɨya bɨle dɨlɨm.

Kɔl-gɨ-Ɗari gɨ Lug wal 21:8

Jesu say dɨbɨge cay nee yege hɨn̰: «Ɗagɨŋ muɗɔlɛ a cay gusɨgɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni. Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ, yɔɔge hɨn̰: “Kɨris ban gɨ Kumu dorii le, na ɨŋ-bandi.” Bɨ kan kɨya sɔ yɔ hɨn̰: “Wɔlɛdi ɓal ɨni.” Ama kɨŋ na, kɔbɛgɨŋ kardɨge naŋ ɨni.

Gɨye-lɔɔ 18:27

Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 15:15

Ama naa hɨn̰ wo̰ kalɨn̰ ma, a duroy magtubu tɨnge di ɨŋ ba wal gɨyɨn̰ bɨgɨŋ le, ɨŋ yəgɨŋ hɨnga ga pɨna hangɨn̰ kuduronɨ bɨgɨŋ, ama na ɗe gɨ aŋ na hɨnɨn̰ kuduroygɨŋ a cay hɨnga ga kɨŋ sol ɨni. Ɨŋ ye kol hɨnga ga nee le hɨn̰ wo̰ na dan̰ gɨyəŋ gɨ da ɗarwa di Kumu lee danaŋ.

Magtubu di Pol wal bɨn̰ kalaŋ ga Rɔm 15:20

Ama ɨŋ gey tɔgɛ bɛrnɛ di da Kɔl-gɨ-Ɗari tɔgɨ na a kɨɗɨn̰ ga ungo ja guson̰ Kɨris nee naŋ ƴee ƴɔbɨ, ɗe aŋ na gaɗɨn̰ ƴaa a cay te ƴaa gɨ da ungo gɨ ɗaŋ gɨŋ naŋ.

1 Korɛ̰t 3:11

Gɨ ojɨn̰ cay te ƴaa na, ungo gɨ kɨya ɓale ɗɔɔ gɨ ɗaŋ unɔ, na ban gɨ ɗege le ƴɔbɨ: Na Jesu-Kɨris.

1 Korɛ̰t 9:2

Hɨn̰ gɨ a cɨn̰ kalaŋ ga ɗaŋ ɨŋ naa ba-gɨre-gɨye naŋ kalɨn̰ ma, cɨndɨgɨŋ kɨŋ-gandi na ɨŋ na ba-gɨre-gɨye kol caygɨŋ leen̰ cɨndi. Kɨya wa kɨŋ na ban̰di kɔbɔŋ gɨ gɨl gɨ ɨŋ naa ba-gɨre-gɨye, kɨya wa kɨŋ bugoŋ pɨna dan̰ Ba-gulɔŋ.

2 Korɛ̰t 10:15

Ni-gandi ni kɨya hɨngɨɗe cay kɨɗɛlɛ koni ɗɔɔ dugo ojɨn̰ cay kɔl gɨ ni ba kɨya yɔ a cay gɨyəŋ gɨ nɔm naŋ, na gɨ ni kɨya gɨle gusɨni a cay gɨye gɨ kalaŋ ga ɗaŋ leege naŋ. Ama ni bee ɨrɨmedɨni cay nee gɨ aye kudurɔ kogɨŋ kɨya sɔ cay mɨgay gɨŋ jɨn̰ tumɔ tumɔ bɨ, gɨye koni gɨ a duroygɨŋ le kalɨn̰ ma kɨya sɔ cay mɨgay gɨŋ jɨn̰ tumɔ tumɔ bɨ.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 4:17

Ɨni na, yan̰gɨŋ Argip ya hɨn̰: «Sɨma-bɨra a kɨbɨ gɨye gɨ Ba-gulɔŋ ba been̰ kobɨn̰ le, ɗe an̰ lee duroŋ cɨrɛɗ.»

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

2 Timote 2:15

Ƴɨma kuduron̰ usa laan̰ gɨye an̰ ɨrɨn̰ tumoy Kumu, hɨn̰ ungo gɨ hɨnga ga ni same samii bɨ, ba-lɔɔ gɨye gɨ dasi daayi cay gɨye-lɔɔdi naŋ bɨ, hɨn̰ ungo gɨ ba-dɔrɛ kɔl gɨ cɨndi dan̰ gɨyəŋdi bɨ.

Magtubu di Jag wal 3:1

Karmɨnɨ ga ban̰aŋ dan̰ kandɨ, ɗɔɔgɨŋ gɨ kalaŋ kondɨwa duroygɨŋ sɔge dan̰ cay gusɨge koge bɨlege ka-gɨlɨn̰ kamdige kɔl naŋ. Kɨya wa kɨŋ sol gɨ na-gandi ka-gɨlɨn̰ kalaŋ hɨnga le, kan kɨya bɔyɛ kɔl osɨwa gɨɗaŋ cay nagɨŋ ɗɨn̰ kan ga ɗaŋ.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.

Wasɨn̰a 21:14

Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.

Wasɨn̰a 21:19

Garma ga gaɗɨn̰ge te bɨrɨm gɨ da cay ƴaa-di-gumu le, parge na dan̰ garma ga kɨledɨge osɨdoŋ ga toyge kan̰dɨge kan̰dɨge. Garma gɨ cay wase gɨ ni sɨn̰ te bɨrɨm le teeyige na jasɨpɨ, gɨ cay sɔɔdɨge le teeyige na sapir, gɨ cay sɨbɨdɨge le teeyige na kalsedɨwan, gɨ cay poɗɨn̰dɨge le teeyige na emerodɨ,