1 Korɛ̰t 2:6 - Gabri Maja

⁶ Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

1 Korɛ̰t 2:6 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 19:21

Ɨni na, Jesu dɨbii cay nee ye hɨn̰: «Hɨn̰ gɨ ji na gey bɨləŋ ungo gɨ kuɗa duroŋ cɨrɛɗ na, sa ɨra kɨle hɨnga-wɔɔdɨn̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ ɨni na, ji kɨya wɔɔ hɨnga wɔɔ a daa nii. Kardi nee ɨni na, man̰ ɨre kɨba karɨnɨ.»

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Kɔl-gɨ-Ɗari gɨ Lug wal 16:8

Bɨ ba-gulondi hɨram ba-sɔlɛ kardi hɨnga wɔɔdi gɨ gɨye-lɔɔdi ba ɨra dan̰ durɔ ɗɨngar naŋ le, kɨya wa ban orɨn̰ dan̰ cɨn̰-arɨn̰a. Kɨya wa kalaŋ ga haw kɛ le, leege gɨye dan̰ cɨn̰-arɨn̰a ɗɨn̰ kalaŋ ga somge kɨɗɨn̰ ga asɨn̰ gaŋ.

1 Korɛ̰t 1:28

Kumu bɨnde na hɨnga ga kalɨn̰ wo̰ dugo cɨn̰ kalaŋ bɨ, hɨnga ga kalaŋ hagɨrge bɨ, kalaŋ ga ɓalage lɔɔ hɨnga naŋ bɨ, kɨya mondɨn̰ hɨnga ga woy hɨnga a cɨn̰ kalaŋ le,

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Korɛ̰t 2:1

Ɨŋ-bandi kalɨn̰ ma, karmɨnɨ ga ban̰aŋ dan̰ ga kandɨ, kɨɗɨn̰ ga ɨŋ-bandi ɨŋ baga gusɨgɨŋ le, ɨŋ gɨlgɨŋ hɨnga ga woy kɨɗɨn̰ wɔsɛdɨge gaŋ gɨ da Kumu na dan̰ kɔl gɨ kɨɗɨn̰ ga ni sɔlɛ duroy osu tɔgɨ wala, na dan̰ cɨn̰-muɗɔlɛ naŋ.

1 Korɛ̰t 2:13

Ni-gandi ni ye koldi ɗarwa di nee le bɨn̰ kalaŋ. Ama ni ya koldɨge na dan̰ kɔl cɨn̰-muɗɔlɛ gɨ ungo ba gɨlni naŋ, ni ye na dan̰ kɔl gɨ Turnɔ ba gɨlni. Na toy di hɨn̰ wo̰ ma, ni dor te hɨnga ga da Turnɔ bɨn̰ kan ga Turnɔ di da Kumu woy kuduroyge.

1 Korɛ̰t 2:8

Ungo pɨna wo̰ duroy kɛrɨmbɛlɛŋ ga a cay gɨsəŋ gaŋ kɛ gɨ sol cɨn̰-muɗɔlɛ di nee le unɔ. Hɨn̰ gɨ kan ni na sɨlage na, Ba-gulɔŋ gɨ gusoŋ-tɔgɛ na toy le, kan ni kɨya gagɨliige a cay sɨya-gɨ-dagɨli gɨŋ naŋ.

1 Korɛ̰t 3:1

Ay, karmɨnɨ ga ban̰aŋ dan̰ ga kandɨ, kɨɗɨn̰ ga ɨŋ ba baa duroygɨŋ le, ɨŋ ɓala yogɨŋ kɔl hɨn̰ kalaŋ ga orɨn̰ dan̰ Turnɔ ɗe-kuduroy-bɛrɛ wo̰ naŋ. Ama ɨŋ yəgɨŋ kɔl gɨlɨn̰ na hɨn̰ kalaŋ ga ka-kɔbɛ lɔɔ hɨnga dan̰ gɨyəŋ gɨ da kuyoŋ-gusu wo̰ bɨ, hɨn̰ karɨn̰aŋ ga n̰ən̰əŋ a te bugoŋ pɨna dan̰ Kɨris wo̰ bɨ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 4:3

Ama hɨn̰ gɨ hɨnga na tɨla cɨn̰ Kɔl-gɨ-Ɗari gɨ ni ba tee bɛrnɛdi le na, tol na cɨn̰ kan ga kɨya kayaŋge a te gɨyəŋ gɨŋ coŋ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

Əbɨro 5:14

Ama hɨnga ga ni dɔɔ ga osi le, woy na kɨya cay kalaŋ ga cɨndɨge naa te aye kudurɔ, kalaŋ ga nee le gɨlge dɔrɛ cɨn̰ hɨnga ga ɗari dan̰ ga ɨsɨni kɨya wa kan leedege daa daa.

Əbɨro 6:1

Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,

Magtubu di Jag wal 3:15

Cɨn̰-muɗɔlɛ gɨ hɨn̰ wo̰ le, na cɨn̰-muɗɔlɛ gɨ sayga na daa nii naŋ. Ama na cɨn̰-muɗɔlɛ gɨ cay gɨsəŋ gaŋ kɛ bɨ, na gɨ da ungo gɨ ɨndi bɨ, na gɨ da turnɔ ga ɨsɨndəŋ bɨ.

Magtubu di Jag wal 3:2

Kɨya wa na-gandi nɔm le, na leegɨŋ ɨsɨna dan̰ gɨyəŋ gɨ toy kan̰di kan̰di. Hɨn̰ gɨ ungo na ya kɔl, ma gɨ ɨsɨni na unɔ boy nee na, ban na ungo gɨ kuɗa duroŋ cɨrɛɗ bɨ, ɓal ƴɔmɛ gusi cay hɨnga ga ɨsɨni gaŋ nɔm bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.