1 Korɛ̰t 2:14 - Gabri Maja

¹⁴ Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

1 Korɛ̰t 2:14 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Kɔl-gɨ-Ɗari gɨ Ja̰ wal 10:20

Kondɨwadi kalaŋ duroyge yege hɨn̰: «Turnɔ di ɨsɨni woy kuduroyi bɨ, ban na ungo gɨ cayi dan̰ durɔ naŋ bɨ, na kɨya wa ma, magɨŋ je kɔl koyi ga?»

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Kɔl-gɨ-Ɗari gɨ Ja̰ wal 8:43

Kɨya wa ma magɨŋ sɨla duroy kɔl hɨnge naŋ ga? Kɨŋ sɨla duroyi naŋ, na kɨya gɨ kɨŋ tɨgɨya kɔl hɨnge gɨ ni ƴon̰ loon̰ gɨye naŋ.

Gɨye-lɔɔ 16:14

Tama di pɨna wo̰ di Tɨyatir som duroy kandɨ ga nee le, gusɔndɔ na Lidi. Hɨndi na ɗe-lɔɔ gɨyaw di da badɨge ga kɨledɨge osɨdoŋ tɔgɨ bɨ, na tama ɗe n̰ɨre Kumu bɨ. Ba-gulɔŋ lee gɨ hɨndi si sɨma kuɗa jen̰ kɔl kɨbɨ Pol.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 17:32

Kɨɗɨn̰ ga kan je kol mare bɨ, bɔyɛ lɨbe bɨ ɨni na, kan ga pɨna sogiige bɨ, kan ga ɗaŋ yege hɨn̰: «Wɔlɛ gɨ ɗaŋ gɨŋ dɨm ma, ma ni gɨ jɔɔ kɔl kon̰ a cay kɔl gɨ nee le ƴee.»

Gɨye-lɔɔ 18:15

Ama ɨŋ sol gɨ na man̰e-kɔl kogɨŋ gɨ ojɨ cay gɨle kɔl bɨ, gusoŋ bɨ, gasɨn̰-kɔl kagɨŋ bɨ na, na kɔl kogɨŋ kɨŋ-gandi wala, ɨŋ gey gɨ ni bɔyɛ kɔl ga hɨn̰ wo̰ naŋ.

Gɨye-lɔɔ 25:19

Bɨ kan man̰ge kɔl danayi ojɨn̰ na cay kɔl gɨ da n̰ɨre Kumu koge bɨ, cay ungo gɨ pɨna wo̰ gɨ gusondi na Jesu gɨ ma ɨni, ama Pol ye gɨ ban na baa dan̰ cɨndi ban̰ nee ƴɔbɨ.

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 1:25

Ho’o, hɨnga ga ungo sol ma woy hɨn̰ gɨ Kumu na dɨngal wo̰ le, cɨn̰-muɗɔlɛ di woy boy nee ɗɨn̰ cɨn̰-muɗɔlɛ da kalaŋ bɨ, hɨnga ga ungo sol ma woy hɨn̰ gɨ tɔgɨ da Kumu na unɔ boy nee wo̰ le, hɨnga ga nee le togɨyge ɗɨn̰ gɨ da kalaŋ ga ɨndəŋ bɨ.

1 Korɛ̰t 15:44

Kuyoŋdi-gusɨna gɨ ɨmgiige dugo le na kuyoŋdi-gusɨna gɨ ɓɨragɨ. Ama gɨ ba kɨya bɔyɛ lɨbe le na kuyoŋdi-gusu gɨ da turnɔ. Na cɨndi hɨn̰ gɨ kuyoŋdi-gusɨna gɨ ɓɨragɨ na wɨya nee na, kuyoŋdi-gusu gɨ da turnɔ kalɨn̰ ma woy nee bɨ.

1 Korɛ̰t 15:46

Na kuyoŋdi-gusu gɨ da turnɔ ba ɨrga wase naŋ. Na kuyoŋdi-gusɨna gɨ ɓɨragɨ ba ɨrga wase, kuyoŋdi-gusu gɨ da turnɔ na ɨrga na kardi nee.

1 Korɛ̰t 2:12

Ama na-gandi na, na waa na turnɔ da kalaŋ ga a cay gɨsəŋ gaŋ kɛ naŋ, ama na Turnɔ di sayga gusi Kumu ɗe ana na solɨn̰ hɨngan̰əŋ ga Kumu bɨna dan̰ ɗarwa toy.

1 Korɛ̰t 3:1

Ay, karmɨnɨ ga ban̰aŋ dan̰ ga kandɨ, kɨɗɨn̰ ga ɨŋ ba baa duroygɨŋ le, ɨŋ ɓala yogɨŋ kɔl hɨn̰ kalaŋ ga orɨn̰ dan̰ Turnɔ ɗe-kuduroy-bɛrɛ wo̰ naŋ. Ama ɨŋ yəgɨŋ kɔl gɨlɨn̰ na hɨn̰ kalaŋ ga ka-kɔbɛ lɔɔ hɨnga dan̰ gɨyəŋ gɨ da kuyoŋ-gusu wo̰ bɨ, hɨn̰ karɨn̰aŋ ga n̰ən̰əŋ a te bugoŋ pɨna dan̰ Kɨris wo̰ bɨ.

Magtubu di Jag wal 3:15

Cɨn̰-muɗɔlɛ gɨ hɨn̰ wo̰ le, na cɨn̰-muɗɔlɛ gɨ sayga na daa nii naŋ. Ama na cɨn̰-muɗɔlɛ gɨ cay gɨsəŋ gaŋ kɛ bɨ, na gɨ da ungo gɨ ɨndi bɨ, na gɨ da turnɔ ga ɨsɨndəŋ bɨ.

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Magtubu di Jud wal 1:19

Na kalaŋ ga nee le ma, na kalaŋ ga ka-ɨrgan̰ dan̰ puyoŋ a duroygɨŋ le. Kan na ka-kɔbɛ ɨrɨme gɨ da ungo gɨ ɨndi ƴɔbɨ. Ama ɨran̰ge dan̰ Turnɔ di da Kumu naŋ.