1 Korɛ̰t 2:13 - Gabri Maja

¹³ Ni-gandi ni ye koldi ɗarwa di nee le bɨn̰ kalaŋ. Ama ni ya koldɨge na dan̰ kɔl cɨn̰-muɗɔlɛ gɨ ungo ba gɨlni naŋ, ni ye na dan̰ kɔl gɨ Turnɔ ba gɨlni. Na toy di hɨn̰ wo̰ ma, ni dor te hɨnga ga da Turnɔ bɨn̰ kan ga Turnɔ di da Kumu woy kuduroyge.

1 Korɛ̰t 2:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:12

Kɨya wa na Turnɔ ɗe-kuduroy-bɛrɛ le ba kɨya gɨlgɨŋ kɔl gɨ kɨŋ kɨya yɔ a boy tɨwadi di nee le.»

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

1 Korɛ̰t 1:17

Kɨya gɨ Kɨris gɨyəŋ na kɨya leen̰ kalaŋ batɛm naŋ, ama na kɨya tɔgɛ bɛrnɛ Kɔl-gɨ-Ɗari, dɨle tɔgɛ bɛrnɛ dan̰ gɨyəŋ gɨ da sɔlɛ-hɨnga da cɨn̰-muɗɔlɛ da kalaŋ. Kɨya wa naa hɨn̰ wo̰ na, tɨma di Kɨris ma a cay sɨya-gɨ-dagɨli gɨŋ le kɨya bɨle na hɨnga ga kalɨn̰ wo̰ dugo.

1 Korɛ̰t 14:2

Ungo gɨ ye kɨbɨ gɨ ungo sɨla naŋ le, ya kɔl na dan̰ ungo naŋ, ama na dan̰ Kumu, kɨya wa ungo gɨ ba sɔlɛ duroy kɔl yɔdi unɔ. Ban ye kɔl gɨ woy kɨɗɨn̰ wɔsɛdi gɨŋ na dan̰ gɨyəŋ gɨ da Turnɔ di da Kumu.

1 Korɛ̰t 2:1

Ɨŋ-bandi kalɨn̰ ma, karmɨnɨ ga ban̰aŋ dan̰ ga kandɨ, kɨɗɨn̰ ga ɨŋ-bandi ɨŋ baga gusɨgɨŋ le, ɨŋ gɨlgɨŋ hɨnga ga woy kɨɗɨn̰ wɔsɛdɨge gaŋ gɨ da Kumu na dan̰ kɔl gɨ kɨɗɨn̰ ga ni sɔlɛ duroy osu tɔgɨ wala, na dan̰ cɨn̰-muɗɔlɛ naŋ.

1 Korɛ̰t 2:14

Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

1 Korɛ̰t 2:4

Kɔl hɨnge bɨ, tɔgɛ bɛrnɛ tɨnge bɨ le na dan̰ gɨyəŋ gɨ da kɔl gɨ ni cɨn̰-muɗɔlɛ gɨ da kalaŋ naŋ, ama na dan̰ dɔnɔ di da Turnɔ di da Kumu gɨ gɨl jɨn̰ doŋ gɨ kɔl hɨnge naa kɔl gɨ cɨndi.

1 Korɛ̰t 9:11

Hɨn̰ gɨ ni na gɨsɨ cɨn̰ hɨnga ga da Turnɔ duroygɨŋ ma mani na wala cay hɨnga ga ni wɔɔ kagɨŋ na, kɛ ni lee na hɨnga ga ɗɨn̰ ɔjɛ gɨ ni lɔɔ ga?

Epɛs 5:19

Dɨban̰gɨŋ gusɨgɨŋ bandɨ dan̰ kɨra gɨ ni hɨramɨn̰ Kumu bɨ, gɨ ni dɨbɨn̰ gusoŋ-tɔgɛ bɨ, dan̰ kɨra gɨ Turnɔ ɗe-kuduroy-bɛrɛ ba bɨgɨŋ bɨ. Ayagɨŋ kɨra hɨraman̰gɨŋ Ba-gulɔŋ dan̰ ɗugoygɨŋ di pɨna.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

2 Pɨyɛr 1:16

Kɔl gɨ ni ba tee bɛrnɛdi bɨgɨŋ ojɨ cay dɔnɔ di da Ba-gulondɨna Jesu-Kɨris bɨ, caga koyi bɨ le, na dɔrɛ kɔl gɨ cayi bɨ toyi bɨ unɔ hɨn̰ dɔrɛ kɔl gɨ kalaŋ dorge dan̰ cɨn̰-muɗɔlɛ koge wo̰ naŋ. Na cɨndi, ni-gandi ni sol gɨmɨn̰aw toyi dan̰ cɨndɨni bɨ, lee tɨmon̰ toyi bɨ.