Hɨn̰ gɨ hɨnga dɔɔdɨn̰ na bɨl te mɔndɛ kuduroy kurɨndɨn̰ na, ji ɨra na dan̰ gɨyəŋ gɨ da wandɨ naŋ. Ji ɗɔɔ hɨnga ga ni dɔɔdɨn̰ bɨle te mundoŋ gɨ da kurɨndɨn̰ gɨ Kɨris ma kol cayi le naŋ.
Hɨn̰ wo̰ na ƴɨmagɨŋ te geye bɨ, ɗaŋ coŋ, ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna. Duroy hɨnga ga ni tɔrɛ-kɨbɨ ga nee le, ɨran̰gɨŋ na dan̰ kurɔŋdi yɔɔ-kɔl-gɨ-Kumu-ba-yɔɔ ɗe cɨla coŋ.
Ay, karmɨnɨ ga ban̰aŋ dan̰ ga kandɨ, kɨŋ sol Ɛstepanas dan̰ kalaŋ ga duroy ƴaadi dɨŋ: Kɨŋ sol gɨ a cay gɨsəŋ ga Agay gaŋ le, na kan ba-aye kuduroyge cay wase bɨ ɗɔge gusɨge kɨbɨ gɨye gɨŋ ojɨn̰ cay kalaŋ ga woyge dan̰ cɨndɨge bɨ. Ɨŋ bandɨ,
Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.
Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,
Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.