1 Korɛ̰t 15:8 - Gabri Maja

⁸ Kardi nee gɛs na, ɨŋ-bandi gɨ ɨŋ woy hɨn̰ kɨye gɨ wɔlɛdi ɓala naŋ ma wooyge wo̰ le, ban andaŋ dus gusɨnɨ kardɨge kan nɔm bɨ.

1 Korɛ̰t 15:8 ပူးပေါင်းရင်းမြစ်များ

Gɨye-lɔɔ 18:9

Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ.

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 22:18

Bɨ ɨŋ sol Ba-gulɔŋ boy hɨnga ga buyoŋ cɨnɨ gaŋ le bɨ, ban yəŋ hɨn̰: “Saa haw. Andaŋ haw ɗaa cay ƴaa-di-gumu di Jerusalɛm coŋ. Kɨya wa kalaŋ ga a kɛ le, kɨya ƴɔɔge tɨmon̰ ton̰ di ji ba kɨya lɔɔ le naŋ.”

Gɨye-lɔɔ 22:6

«Kɨɗɨn̰ ga ɨŋ ɨre or, baŋ mɨnde gɨ ɨŋ kɨya andaŋ Damas na, tɨwa baa mɨnde kɨya ɨnwa ɗɨrɨj. Kɔl gɨ kɨbɨna kɛ bɨ, asɨn̰a di ƴee tɔgɨ sayga daa ɨrga nɨwɨre canɨ daa dan̰ asɨn̰ado.

Gɨye-lɔɔ 26:12

«Na toy di hɨn̰ wo̰ ma, ɨŋ say wɔlɛ gɨ pɨna gɨŋ, or a cay ƴaa-di-gumu di Damas dɨŋ. Dan̰ dɔnɔ nɔm di ni loon̰ gɨye bɨ, dan̰ te tumɔ di da ka-cay ka-bɔgɛ kɨbar di ayɨn̰ge te tumɔ toge duroy magtubu dɨŋ bəŋ.

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?