1 Korɛ̰t 15:54 - Gabri Maja

⁵⁴ Kɨɗɨn̰ ga kuyoŋdi-gusɨna gɨ ba kɨya ɔsɨn̰ɛ na dɨba ban gɨ ba kɨya ɔsɨn̰ɛ naŋ bɨ, ban gɨ ba kɨya mare na dɨba ban gɨ ba kɨya mare naŋ bɨ ɨni na, na kɨɗɨn̰ ga nee le ma kɔl gɨ walge a duroy Magtubu di da Kumu dɨŋ kɨya ɔrɛ kɨɗɨn̰dɨge gaŋ: «Banga ƴom kɨbɨ tɨma yɔd coŋ ɨni.»

1 Korɛ̰t 15:54 ပူးပေါင်းရင်းမြစ်များ

Kɔl-gɨ-Ɗari gɨ Lug wal 20:36

Kan kɨya ɓale mare naŋ ɨni, kɨya wa kan woyge na hɨn̰ ka-ƴɔbɛ ga daa nii wo̰. Kan na karɨn̰ Kumu, kɨya wa kan na karɨn̰aŋ ga boyge lɨbɨ a duroy kalaŋ ga madɨrdaŋ.

Magtubu di Pol wal bɨn̰ kalaŋ ga Rɔm 1:23

Kan kɨlangɨge gusoŋ-tɔgɛ gɨ da Kumu gɨ kɨya mare naŋ bɨrɨŋ, dan̰ turnoyi hɨnga se ga kan leege ga gɨlɨn̰ dan̰ ungo gɨ ɨndi gɨ kɨya mare bɨ, dan̰ cɨɗəŋ bɨ, dan̰ kɨmɛnɛ ga tɨbayge poɗɨn̰ bɨ, dan̰ kɨmɛnɛ ga n̰ar dugo bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 6:12

Naa hɨn̰ wo̰ na, ɗɔɔgɨŋ ɨsɨna dɔɔ-ƴaa a cay kuyoŋdi-gusɨgɨŋ gɨ ba kɨya kardi nee mare naŋ bɨrɨŋ ɨni. Ɗɔɔ gɨ kɨŋ bɨle gusɨgɨŋ a kardi tabɨlaŋdi hɨnga ga da kuyoŋdi-gusɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

2 Korɛ̰t 4:11

Na-gandi na somgɨŋ-bɨra, ama daa daa na somgɨŋ kɨbɨ tɨma dɨŋ kol cay Jesu. Hɨnga ga nee le lee gusɨge ɗe sɔmɛ-bɨra gɨ da Jesu na laa gusi a kuyoŋdi-gusɨna gɨ ba kɨya mare gɨŋ le bɨ.

2 Korɛ̰t 5:4

Na cɨndi kɨɗɨn̰ ga na ba som a te dabaŋdɨna gɨ a cay gɨsəŋ gaŋ kɛ ƴee le, na dor ule na kɨya gɨ na woy na duroy hɨnga ga nɨn̰wadɨge ɗɨn̰ togɨynagɨŋ gaŋ. Ho’o, na mala na gɨ ɗe kuyoŋdi-gusɨna gɨ a cay gɨsəŋ gaŋ kɛ na unɔ naŋ. Ama na orɨn̰ na dan̰ n̰agedi dɔbɛ kuyoŋdi-gusɨna gɨ a gɨɗɨgɨ-Kumu gɨŋ, ɗe hɨnga ga ba kɨya mare coŋ le, sɔmɛ-bɨra gɨ dan̰ tumoyi na ƴa cayge sɨmbaɗ.

2 Tesalonigɨ 1:10

Hɨnga ga nee le, kɨya lɔɔ gusɨge kɨɗɨn̰ ga ban kɨya ɨrga duroy kalaŋ kayi ga woyge dan̰ cɨndɨge, ɗe kan na dɨbɨn̰ gusoŋ-tɔgɛ cayi. Wɔlɛdi gɨ nee le, ban kɨya ɨrga duroy kalaŋ ga beege kuduroyge cayi bɨ, kan nɔm cɨndɨge kɨya wɔyɛ cayi hɨrɨm bɨ. Kɨŋ-gandi kalɨn̰ ma, kɨŋ kɨya ɨre danage nee, kɨya wa kɨŋ bee kuduroygɨŋ a cay kɔl gɨ ni ba tee bɛrnɛdi bɨgɨŋ le bɨ.

Wasɨn̰a 20:14

Ɨni na, ƴomge tɨma bɨ, dɔɔ-ƴaa da tɨma bɨ, beegege duroy kuraydi tɨwa dɨŋ. Kuraydi tɨwa le na tɨma di cay sɔɔ le.

Wasɨn̰a 21:4

Ban kɨya hane kaŋdi cɨndɨge a cɨndɨge pɨrɛd pɨrɛd coŋ bɨ, tɨma kɨya unɔ bɨ, ɨle tɨma kɨya unɔ bɨ, gɔsɛ kɨya unɔ bɨ, cɨn̰-n̰age kɨya unɔ bɨ, kɨya wa cay gɨsəŋ ga ɨlgi kaɗɨn̰ coŋ.»