1 Korɛ̰t 15:52 - Gabri Maja

⁵² Hɨnga ga nee le kɨya lɔɔ gusɨge na haw wo̰ hɨn̰ ti ungo di lee bɨɗɨm wo̰ kɨɗɨn̰ ga burun̰ji di ni dɨɗɨn̰ kɨbɨ kɔl kɨya yɔ. Kɨya wa burun̰ji kɨya yɔ bɨ kalaŋ ga madɨrdaŋ kɨya bɔyɛge lɨbe dan̰ kuyoŋdi-gusɨge gɨ kɨya ɔsɨn̰ɛ naŋ bɨ, na-gandi nɔm kuyoŋdi-gusɨna kɨya bɨle.

1 Korɛ̰t 15:52 ပူးပေါင်းရင်းမြစ်များ

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Kɔl-gɨ-Ɗari gɨ Ja̰ wal 5:25

Jagɨŋ ɨŋ yəgɨŋ na kɔl gɨ cɨndi, tɨwa di kalaŋ ga madɨrdaŋ kɨya jen̰ge noy Kurɨn̰-Kumu le bugoŋ ɨni bɨ, caga ɨni bɨ. Bɨ kan ga kɨya jɔɔge tumoyi boy wɔlɛdi gɨ nee le, kan ga ba kɨya jɔɔge noy le, kɨya sɔmɛge dan̰ cɨndɨge.

Kɔl-gɨ-Ɗari gɨ Ja̰ wal 5:28

Ɗɔɔgɨŋ kɔl kaygɨŋ sɛl sɛl kɨya cay kɔl gɨ nee le naŋ, kɨya wa wɔlɛ tɨlga nee gɨ kalaŋ nɔm ga woyge boy umboŋ kamɨn̰aŋ gaŋ le, kɨya jɔɔge noyi bɨ, kɨya andɨgaŋge.

1 Korɛ̰t 15:23

Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.

1 Korɛ̰t 15:42

Kɨya wɔyɛ hɨn̰ wo̰ boy wɔlɛ gɨ kalaŋ ga madɨrdaŋ kɨya bɔyɛge lɨbe bɨ. Kuyoŋdi-gusɨna gɨ ɨmgiige dugo le, kɨya mundoŋ ama kuyoŋdi-gusɨna gɨ ba kɨya bɔyɛ lɨbe le, kɨya mundoŋ naŋ bɨrɨŋ.

1 Korɛ̰t 15:50

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Kuyoŋ-gusu ɓala wɔɔ hɨnga ga ni ban̰di-gulɔŋ gɨ da dɔɔ-ƴaa di da Kumu naŋ. Hɨnga ga kɨya ɔsɨn̰ɛ kɨya ɓale wɔɔ hɨnga ga ni ban̰di-gulɔŋ gɨ da hɨnga ga kɨya ɔsɨn̰ɛ naŋ, naŋ bɨrɨŋ.

1 Tesalonigɨ 4:15

Na Ba-gulɔŋ ba yoni kɔl gɨ ni ba gey yogɨŋ haw kɛ le: Na-gandi ga na kɨya sɔmɛ dan̰ cɨndɨna ƴee kɨɗɨn̰ ga Ba-gulɔŋ kɨya jɨga le, na kɨya dɔgɛ tumoy kan ga mage le naŋ.

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

Wasɨn̰a 8:13

Ɨni na, ɨŋ sol kɨde pɨna gɨ lar gɨɗɨgɨ-Kumu gɨŋ mɨrɨg. Kɨde gɨ nee le ye dan̰ te tumoyi di daa pəŋ ye hɨn̰: «Cɨn̰-n̰age! Cɨn̰-n̰age! Cɨn̰-n̰age na da kalaŋ ga a cay gɨsəŋ gaŋ, kɨɗɨn̰ ga te ka-ƴɔbɛ ga daa nii ga sɨbɨ ga baage le kɨya lɨmege burun̰ji kage le.»

Wasɨn̰a 8:2

Kardi nee, ɨŋ sol ka-ƴɔbɛ ga daa nii jurgum ɨrege tumoy Kumu. Kan bɨgege burun̰ji jurgum kobɨge pɨna pɨna nɔm.