1 Korɛ̰t 15:49 - Gabri Maja

⁴⁹ Hɨn̰ gɨ na ba ay gɨlɨn̰a gɨ da ungo gɨ a cay gɨsəŋ gaŋ kɛ le, na kɨya aye gɨlɨn̰a gɨ da ungo gɨ a gɨɗɨgɨ-Kumu gɨŋ hɨn̰ wo̰ bɨ.

1 Korɛ̰t 15:49 ပူးပေါင်းရင်းမြစ်များ

Matɨyo 13:43

Ama kalaŋ ga dan̰ durɔ ɗɨngar na, gusɨge kɨya ƴɔɔdɔ tɨwa jə̰ jə̰ hɨn̰ tɨwa di daa wo̰ boy dɔɔ-ƴaa di da Bayge dɨŋ. Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.