1 Korɛ̰t 15:34 - Gabri Maja

³⁴ Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

1 Korɛ̰t 15:34 ပူးပေါင်းရင်းမြစ်များ

Matɨyo 22:29

Jesu dɨbɨge cay nee yege hɨn̰: «Ɨrɨmedɨgɨŋ ɨra dan̰ gɨyəŋdi naŋ. Kɨya gɨ kɨŋ sɨla Magtubu di da Kumu naŋ bɨ, dɔnɔ di da Kumu naŋ bɨ.

Kɔl-gɨ-Ɗari gɨ Ja̰ wal 5:14

Kardi nee ɨni na, Jesu jɨga wayi duroy ƴaa-di-da-Kumu dɨŋ bɨ, yeyi hɨn̰: «Haw kɛ na sɨla ji poɗɨ ɨni, lɔɔ ɨsɨna naŋ bɨrɨŋ gajanaŋ, naŋ na hɨnga ga ɗɨn̰ ga ba kɛ, kɨya da andaŋ can̰ ɗaŋ coŋ.»

Kɔl-gɨ-Ɗari gɨ Ja̰ wal 8:11

Tama le jɨga dɨbii cay nee yeyi hɨn̰: «Ba-gulɔŋ ungo unɔ.» Ɨni na, Jesu yo hɨn̰: «Ɨŋ-bandi kalɨn̰ ma ɨŋ dɨbɨ kɔl cɛɛ naŋ ɨra hɛɛ ɨni, ama jɔgɛ lɔɔ ɨsɨna naŋ bɨrɨŋ].»

Gɨye-lɔɔ 26:8

Kɨya wa ma, kalaŋ duroygɨŋ solge gɨ bɔyɛ gɨ Kumu boy kalaŋ ga madɨrdaŋ lɨbge le, na hɨnga ga ni bɔgɛ kudurɔ cay nee naŋ ga?»

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 13:11

Kɨŋ sol tɨwa di na ba somɨn̰gɨŋ nee nɔm: Na tɨwa di kɨŋ kɨya son̰ te kuŋ gaŋ ɨni. Kɨya wa haw kɛ na, pɔɗɛ mɨnde danana ɗɨn̰ wɔlɛ gɨ na ba an̰ kuduroyna bɨn̰ Jesu.

1 Korɛ̰t 4:14

Ɨŋ wal kɔl gɨ kɛ le na kɨya dɨbɨn̰ dasi caygɨŋ naŋ, ama na kɨya halgɨŋ hɨn̰ karɨnɨ ga ɨŋ lee-toyge wo̰.

1 Korɛ̰t 6:5

Ɨŋ yəgɨŋ hɨn̰ wo̰ na kɨya dɨbɨn̰ dasi caygɨŋ. Ungo pɨna wo̰ duroygɨŋ gɨ ba cɨn̰-muɗɔlɛ gɨ kɨya ɓale bɔyɛ kɔl gɨ da ka-karme unɔ duroygɨŋ bɨrɨŋ ga?

1 Korɛ̰t 8:7

Ama na kalaŋ nɔm ba sɔlɛ kɔl gɨ cɨndi gɨ kɛ le naŋ. Kalaŋ ga pɨna na, kula andaŋ coŋ kuduroyge naŋ. Lee gɨ haw kɛ kalɨn̰ ma, hɨn̰ gɨ kan na dage kuyoŋ gɨ kalaŋ been̰ge kɨbar bɨn̰ kulan̰əŋ na, woy hɨn̰ gɨ kan naa ba bɔgɛ kɨbar bɨn̰ kulan̰əŋ wo̰. Dan̰ gɨyəŋ gɨ da ɨrɨmedɨge gɨ usa naŋ le, kan sol gusɨge hɨn̰ hɨnga ga lee kɨni tumoyi Kumu, kɨya kuyoŋ gɨ kan dii le.

Epɛs 5:14

Kɨya wa hɨnga nɔm ga ungo sɨɗɨgɨ toyge daa le, kɨya bɨləŋ na kɨɗɨn̰ ga asɨn̰. Na toy di hɨn̰ wo̰ ma kan yege hɨn̰: «Sa cay kuŋ gaŋ, ji ba wɔyɛ kuŋ le, Sa daa duroy kalaŋ ga madɨrdaŋ gaŋ, Ɨni na, Kɨris kɨya asɨn̰e can̰.»

1 Tesalonigɨ 4:5

Dɨle ɗɔɔ kurɔŋdi hɨnga ga kuduroygɨŋ ƴɔɔ caygɨŋ, hɨn̰ kalaŋ ga toyge na Jubɨ naŋ ga sɨlage Kumu naŋ ba leen̰ge wo̰ naŋ.