1 Korɛ̰t 15:3 - Gabri Maja

³ Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

1 Korɛ̰t 15:3 ပူးပေါင်းရင်းမြစ်များ

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Kɔl-gɨ-Ɗari gɨ Lug wal 24:25

Ɨni na, Jesu yege hɨn̰: «Ay! Ka-dɨngale ga ɨrɨmedɨgɨŋ nɨn̰e tɔgɨ. Kɨŋ baa bɔgɛ kuduroygɨŋ a cay kɔl nɔm gɨ ka-yɔɔ-kɔl-gɨ-Kumu-ba-yɔɔ ba yege le ga?

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Gɨye-lɔɔ 17:2

Duroy dɨmasɨ sɨbɨ, Pol som duroy ƴaa gɨ ni daye gɨŋ dan̰ wɔlɛ dɔrɛ gɨlale gɨ da Jubɨ nɔm, hɨn̰ gɨ ban ba leede daa daa bɨ, arɨn̰ kɔl danage ojɨn̰ cay kɔl gɨ kan walge duroy Magtubu di da Kumu dɨŋ di woy dan̰ cɨndo le.

Gɨye-lɔɔ 3:18

Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.

Gɨye-lɔɔ 8:32

Kɔl gɨ ban ɗoŋsɨ le ba kɛ: «Ban woy na hɨn̰ dɨmangɨ di kan orɨn̰ge danaa, Kɨɗɨn̰ dɨɗedo gaŋ wo̰. Hɨn̰ kurɨn̰-dɨmangɨ gɨ ɨre kɨbi munduŋ, Tumoy ba dɨle teɗii wo̰, Ban hanga kɨbi dḛ wo̰ naŋ.

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

1 Korɛ̰t 11:2

Ɨŋ hɨramgɨŋ kɨya wa a bon̰ hɨnga nɔm kɨŋ hɨn a canɨ bɨ, hɨnga ga ɨŋ ba gɨlgɨŋ tumɔ le kɨŋ ƴom kuɗa bɨ.

1 Korɛ̰t 11:23

Hɨnga ga Ba-gulɔŋ ba gɨləŋ ɨŋ-bandi ma maŋ ba gɨlgɨŋ jɨn̰ tumɔ le ba kɛ: A duroy son̰do di kan ba kɨya dobɨn̰ Ba-gulɔŋ Jesu kobɨ kalaŋ le, ban say ay dan̰ mapa,

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 1:12

Kɨya wa ɨŋ ƴa na kobɨ ungo naŋ bɨ, ungo ba gɨləŋ naŋ bɨ. Ama na Kumu ba wasɨn̰e cay Jesu-Kɨris bəŋ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Əbɨro 5:1

Mangɨl gɨ da ka-cay ka-bɔgɛ kɨbar gɨ ani ani gɨ kan doriige duroy kalaŋ le, gɨye-lɔɔdi na lɔɔ gɨye bɨn̰ Kumu kol cayge. Kan som na kɨya bɨn̰ Kumu hɨnga ga ni bee bɨ, bɔgɛ kɨbar bɨ, kɨya cay ɨsɨnan̰əŋ.

Əbɨro 5:3

Na toy di hɨn̰ wo̰ ma, kɨya cay tɔgɨ wɨye di nee le, ojɨ gɨ ban kɨya bee hɨnga ga ni bogɨn̰ kɨbar kɨya cay ɨsɨna gɨ da te kalaŋ ƴɔbɨ naŋ. Ama na kɨya cay ɨsɨna koyi ban gaŋ nee bɨ.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.