1 Korɛ̰t 15:27 - Gabri Maja

²⁷ Ho’o: «Kumu dobɨ hɨnga nɔm a te dɔnɔ toy dɨŋ.» Ama kɨɗɨn̰ ga ban ye hɨn̰ ban na dobɨ hɨnga nɔm a te dɔnɔ toy dɨŋ na, ban Kumu gusi na a te dɔnɔ toy dɨŋ naŋ. Gɨ nee le woy doŋ arɨn̰ carara.

1 Korɛ̰t 15:27 ပူးပေါင်းရင်းမြစ်များ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 3:35

Kɨye Bayi gey kurondi, lee gɨ ban ɗe hɨnga nɔm a duroy kobi gɨŋ.

Epɛs 1:20

kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ.

Epɛs 1:22

Ho’o, Ban dobɨ hɨnga nɔm a te tɨrɨmbala di da Kɨris dɨŋ, Bɨ ayi leeyi ba-cay hɨnga nɔm, Gɨ da Ka-Daye.

Əbɨro 1:13

Duroy ka-ƴɔbɛ ga daa nii le, pɨna wo̰ gɨ Kumu yeyi hɨn̰: «Ɨre sɨma a kɨwanɨ a cay kɔbɔŋ gɨ bara gɨŋ, Bɨrɨŋ gɨsɨn̰ gɨ aŋ bɨle ka-baadɨn̰ Leen̰ hɨnga ga ni bogɨn̰ gondɨn̰ cay nee» le, unɔ yɔd.

Əbɨro 10:12

Ama ban Jesu-Kɨris na, ay gusi been̰ kɨbar na cay pɨna ɗɔ ƴɔbɨ. Ɗe hɨnga ga ni bogɨn̰ kɨbar kayi na wɨya dan̰ tumoyge yɔd kɨya cay ɨsɨnan̰əŋ. Kardi nee ɨni na, ban som na kɨway Kumu cay kobi gɨ bara gɨŋ dan̰ tumoyi.

Əbɨro 2:8

Ji dobɨ hɨnga nɔm te tɨbayi dɨŋ bɨ.» Hɨn̰ gɨ Kumu na dɨba hɨnga nɔm a te dɔnɔ toy dɨŋ na, gɨl gɨ ban na ɗa hɨnga pɨna dɨle dɔbɛ cayge te dɔnɔ toyi dɨŋ naŋ. Ama haw kɛ na, na sɨla gɨ hɨnga nɔm na wɨya te dɔnɔ toyi dɨŋ naŋ ƴee.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.