1 Korɛ̰t 15:23 - Gabri Maja

²³ Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.

1 Korɛ̰t 15:23 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Gɨye-lɔɔ 26:23

Kan yege gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, na kɨya mare bɨ, bɔyɛ lɨbe cay wase duroy kalaŋ ga madɨrdaŋ gaŋ bɨ, na kɨya gɨlɨn̰ te kalaŋ kani bɨ, te kalaŋ ga toyge na Jubɨ naŋ kɔl gɨ da asɨn̰a gɨ da pɔɗɛ le bɨ.»

1 Korɛ̰t 15:20

Ama leen̰ cɨndi na Kumu boy Kɨris lɨbii duroy kalaŋ ga madɨrdaŋ gaŋ bɨ, ban na gɨ cay wase gɨ hangɨ gɨyəŋ gɨ da bɔyɛ lɨbe gɨ da kalaŋ ga madɨrdaŋ bɨ.

1 Korɛ̰t 15:52

Hɨnga ga nee le kɨya lɔɔ gusɨge na haw wo̰ hɨn̰ ti ungo di lee bɨɗɨm wo̰ kɨɗɨn̰ ga burun̰ji di ni dɨɗɨn̰ kɨbɨ kɔl kɨya yɔ. Kɨya wa burun̰ji kɨya yɔ bɨ kalaŋ ga madɨrdaŋ kɨya bɔyɛge lɨbe dan̰ kuyoŋdi-gusɨge gɨ kɨya ɔsɨn̰ɛ naŋ bɨ, na-gandi nɔm kuyoŋdi-gusɨna kɨya bɨle.

1 Korɛ̰t 3:23

ama kɨŋ na ga da Kɨris bɨ, Kɨris na gɨ da Kumu bɨ.

1 Korɛ̰t 6:14

Ama Kumu gɨ ba bɔyɛ Ba-gulɔŋ lɨbe le, hɨn̰ gɨ ni na mara kalɨn̰ ma, ban kɨya boyni lɨbɨni dan̰ gɨyəŋ gɨ da dɔnɔ toy bɨ.

2 Korɛ̰t 10:7

Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Pilib 3:11

Na toy di hɨn̰ wo̰ ma, dan̰ gɨyəŋ gɨ ani ani kalɨn̰ ma, Kumu bɔyɔŋ lɨbəŋ duroyi kalaŋ ga madɨrdaŋ gaŋ bɨ.

1 Tesalonigɨ 2:19

Na cɨndi, wɔlɛ gɨ Ba-gulondɨni Jesu-Kɨris kɨya caga le, hɨnga kani ga ni bee ɨrɨmedɨni cay nee, wala gusi-mɔwa toni, wala jagɨwa ga ni tɨrɨmbala kani le, na ga ani ga? Na kɨŋ-gandi naŋ ga?

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.