1 Korɛ̰t 14:6 - Gabri Maja

⁶ Ay, karmɨnɨ ga ban̰aŋ dan̰ ga kandɨ, hɨn̰ gɨ ba woy kɛ le hɨn̰ gɨ ɨŋ na ɨra gusɨgɨŋ, ma ɨŋ na ya kɔl danagɨŋ dan̰ kɨbɨ gɨ ungo sɨla naŋ na kɛ kɨŋ kɨya wɔɔ na wa a duroy kɔl gɨ ɨŋ ba ye danagɨŋ le ga? Kɨŋ kɨya wɔɔ hɨnga pɨna duroy nee naŋ. Ama hɨn̰ gɨ ɨŋ na yagɨŋ hɨnga ga Kumu wasɨn̰ cayge bəŋ, naŋ le hɨnga ga ɨŋ sol, naŋ le ɨŋ na yagɨŋ naa kɔl-gɨ-Kumu-ba-yɔɔ, naŋ le ɨŋ na gɨlgɨŋ naa hɨnga na, kɨŋ kɨya wɔɔ hɨnga duroy kɔl yɔnɨ gɨŋ.

1 Korɛ̰t 14:6 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Matɨyo 16:26

Hɨn̰ gɨ ungo na ɨran̰ dan̰ hɨnga wɔɔ ga a cay gɨsəŋ gaŋ nɔm ma na mɨnda gusi coŋ na, kɨya andii na wa ga? Naŋ le, na wa ma ungo kɨya bee kɨya ƴon̰ ban̰di gusi ga?

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 14:1

Hɨn̰ wo̰ na ƴɨmagɨŋ te geye bɨ, ɗaŋ coŋ, ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna. Duroy hɨnga ga ni tɔrɛ-kɨbɨ ga nee le, ɨran̰gɨŋ na dan̰ kurɔŋdi yɔɔ-kɔl-gɨ-Kumu-ba-yɔɔ ɗe cɨla coŋ.

1 Korɛ̰t 14:7

Aya nagɨŋ kɨradi-kɔl gɨ da hɨnga ga ni dɨɗe ga hɨn̰ tɛgɛ wo̰ naŋ le jange wo̰, hɨn̰ gɨ noyge na ya arɨn̰a naŋ na ungo gɨ dɔrɛ cɨn̰ noy tɛgɛ na mɨna bɨ, noy jange na mɨna bɨ ga?

2 Korɛ̰t 11:6

Na cɨndi, ɨŋ-bandi ɨŋ ɨran̰ dan̰ jɨbadi-kɔl hɨn̰ gɨ da ka-sɔlɛ kɨradi-kɔl wo̰ naŋ, ama ojɨn̰ cay hɨnga-sɔlɛ na, ɨŋ na gɨ cay wase. Na hɨnga ga ni gɨlgɨŋ doŋ waŋ duroy hɨnga nɔm dan̰ gɨyəŋ gɨ ani ani.

2 Korɛ̰t 12:1

Gɨle gusu ɗarwadi unɔ, ama naa wa wa kalɨn̰ ma ɨŋ kɨya gɨle gusɨnɨ. Ɨŋ kɨya yɔ kol hɨnga ga Ba-gulɔŋ wasɨn̰ cayge bəŋ bɨ, hɨnga ga buyoŋ cɨnɨ hɨn̰ dḛ wo̰ bɨ.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

Epɛs 1:17

Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 3:4

Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le.

Pilib 3:15

Kuɗa gɨ na-gandi nɔm ga cɨndɨna naa a te aye kudurɔ gɨŋ le, na kɨba ɨrɨme gɨ pɨna hayi gɨ nee le. Ama hɨn̰ gɨ hɨnga ga pɨna na wɨya, ma te tumoygɨŋ na ɓalɨn̰a cay nee naŋ kalɨn̰ ma, Kumu kɨya haŋge cɨndɨgɨŋ cay nee.

2 Timote 2:14

Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.

2 Timote 3:16

Kɔl nɔm gɨ walge duroy Magtubu di da Kumu dɨŋ le, sayga na gusi Kumu dan̰ gɨyəŋ gɨ da Turnɔ. Kuɗa gɨlɨn̰ kalaŋ hɨnga bɨ, gɨlɨn̰ kalaŋ te hɨnga ga ɨra dan̰ gɨyəŋdɨge naŋ bɨ, jɨgan̰ dan̰ kalaŋ te gɨyəŋ gɨ ɗari gɨŋ bɨ, gɨlɨn̰ kalaŋ ɔrɛ gɨ dan̰ durɔ ɗɨngar bɨ,

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

2 Pɨyɛr 1:5

Kɨya cay kɔl gɨ nee le na, kuɗa gɨ kɨŋ ƴɨma gusɨgɨŋ usa bɨ, kɨŋ si hal gɨ ɗari a cay aye kudurɔ kogɨŋ gɨŋ bɨ, kɨŋ si hɨnga-sɔlɛ a cay haldɨgɨŋ gɨ ɗari gɨŋ bɨ,

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.