Hɨn̰ gɨ kuroŋ na laa ungo na ɗa gɨ ban da dɔɔ a tayi, ɗe Kumu bon̰ kɔl cayi kɨɗɨn̰ ga kɨŋ kɨya daye caygɨŋ naŋ. Te kɔl gɨ ba baa na kɨɗɨn̰ ga ɨŋ na bugoŋ gusɨgɨŋ pa dɨm ma maŋ kɨya n̰ane ƴee.
Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.
Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.