1 Korɛ̰t 14:26 - Gabri Maja

²⁶ Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 14:26 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 12:7

Hɨn̰ gɨ Kumu na bɨn̰ ungo dɔnɔ di ni leen̰ gɨye a duroy ka karme na, kuɗa gɨ ban laa gɨye. Hɨn̰ gɨ Kumu na bɨn̰ ungo jɨba di ni gɨlɨn̰ kalaŋ hɨnga na, kuɗa gɨ ban gɨlge.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

1 Korɛ̰t 14:15

Naa hɨn̰ wo̰ na ɨŋ kɨya lɔɔ na mɨna ɨni ga? Ɨŋ kɨya ɔlɛ Kumu dan̰ Turnɔ bɨ, ɔlɛ Kumu dan̰ gɨrɨn̰ canɨ bɨ. Ɨŋ kɨya kɨbe kɨra dan̰ Turnɔ bɨ, ɨŋ kɨya kɨbe kɨra dan̰ gɨrɨn̰ canɨ bɨ.

1 Korɛ̰t 14:2

Ungo gɨ ye kɨbɨ gɨ ungo sɨla naŋ le, ya kɔl na dan̰ ungo naŋ, ama na dan̰ Kumu, kɨya wa ungo gɨ ba sɔlɛ duroy kɔl yɔdi unɔ. Ban ye kɔl gɨ woy kɨɗɨn̰ wɔsɛdi gɨŋ na dan̰ gɨyəŋ gɨ da Turnɔ di da Kumu.

1 Korɛ̰t 14:27

Hɨn̰ gɨ kalaŋ na ya kɔl dan̰ kɨbɨ gɨ ungo sɨla naŋ na, ɗa gɨ sɔɔ naŋ le sɨbɨ ƴɔbɨ ba yage kɨbɨ gɨ nee le kardi gusɨge. Ɗa gɨ ungo dɨra te kɨbɨ kɔl koge le.

1 Korɛ̰t 14:40

Ama kɨŋ laa hɨnga nɔm duroy Ka-Daye dan̰ hurɔmɔ bɨ, dan̰ gɨyəŋdɨge gɨyəŋdɨge bɨ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 5:19

Dɨban̰gɨŋ gusɨgɨŋ bandɨ dan̰ kɨra gɨ ni hɨramɨn̰ Kumu bɨ, gɨ ni dɨbɨn̰ gusoŋ-tɔgɛ bɨ, dan̰ kɨra gɨ Turnɔ ɗe-kuduroy-bɛrɛ ba bɨgɨŋ bɨ. Ayagɨŋ kɨra hɨraman̰gɨŋ Ba-gulɔŋ dan̰ ɗugoygɨŋ di pɨna.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.