1 Korɛ̰t 14:2 - Gabri Maja

² Ungo gɨ ye kɨbɨ gɨ ungo sɨla naŋ le, ya kɔl na dan̰ ungo naŋ, ama na dan̰ Kumu, kɨya wa ungo gɨ ba sɔlɛ duroy kɔl yɔdi unɔ. Ban ye kɔl gɨ woy kɨɗɨn̰ wɔsɛdi gɨŋ na dan̰ gɨyəŋ gɨ da Turnɔ di da Kumu.

1 Korɛ̰t 14:2 ပူးပေါင်းရင်းမြစ်များ

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Marg 16:17

Kalaŋ ga na bɨgage kuduroyge cay nee na, kɨya lɔɔge hɨnga ga ɗɨn̰ cɨn̰-kɨɗɨn̰ ga ba kɛ: “Kan kɨya taye turnɔ ga ɨsɨndəŋ dan̰ gusonɨ bɨ, kɨya yɔɔge kɔl dan̰ kɨbɨ gɨ hɨrɨwa bɨ.

Marg 4:11

Ɨni na, ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ, ga ojɨ cay dɔɔ-ƴaa di da Kumu, ama kalaŋ ga doŋ na, kan kɨya yoge hɨnga nɔm na dan̰ kɨradɨge.

Gɨye-lɔɔ 10:46

Kɨya wa kan jege noyge di kan yen̰ kɔl dan̰ kɨbɨ gɨ da kalaŋ ga ɗaŋ bɨ, dɨbɨn̰ge gusoŋ-tɔgɛ a cay Kumu bɨ. Ɨni na, Pɨyɛr yege hɨn̰:

Gɨye-lɔɔ 19:6

Pol dɨbɨ kobi cayge ɨni na, Turnɔ ɗe-kuduroy-bɛrɛ gɨsɨn cayge. Kɨɗɨn̰di ga nee gaŋ le, kan say ye kɔl dan̰ kɨbɨ gɨ toyi kan̰di kan̰di bɨ, yen̰ge-kɔl-gɨ-Kumu-ba-yɔɔ bɨ.

Gɨye-lɔɔ 22:9

Kalaŋ ga danaŋ le, solge asɨn̰a le, ama jage noy ungo gɨ ba yəŋ kɔl le naŋ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

1 Korɛ̰t 12:10

bɨn̰ ungo gɨ ɗaŋ dɔnɔ di ni loon̰ beli bɨ, bɨn̰ ungo gɨ ɗaŋ dɔnɔ di ni yon̰ kɔl-gɨ-Kumu-ba-yɔɔ bɨ, bɨn̰ ungo gɨ ɗaŋ coŋ dɔnɔ di ni dorɨn̰ cɨn̰ turnɔn̰əŋ bɨ, bɨn̰ ungo gɨ ɗaŋ dɔnɔ di ni yon̰ kɔl dan̰ kɨbɨ gɨ toy kan̰di kan̰di gɨ ungo sɨla naŋ bɨ, bɨn̰ ungo gɨ ɗaŋ coŋ dɔnɔ di ni solɨn̰ duroy kɨbɨ gɨ ungo sɨla naŋ gɨ toy kan̰di kan̰di gɨ nee le bɨ.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

1 Korɛ̰t 14:16

Hɨn̰ gɨ ji na laan̰ Kumu ho’o naa dan̰ kɨbɨ gɨ toy kan̰di ƴɔbɨ na, ungo gɨ kalɨn̰ gɨ som duroy Ka-Daye ma sɨla duroy naŋ na kɨya dɨbɨn̰ cay nee yon̰ hɨn̰: «Ɗa-ɗe-woy-hɨn̰-wo̰» na mɨna ga?

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 15:51

Jagɨŋ, ɨŋ gey yogɨŋ hɨnga pɨna ga woy kɨɗɨn̰ ɓurongɛdɨge gaŋ ɗe agɨŋ sol. Na kɨya mare nɔm naŋ, ama na-gandi nɔm le kuyoŋdi-gusɨna kɨya bɨləŋ.

1 Korɛ̰t 2:10

Ama Kumu wasɨn̰ cay hɨnga ga woy kɨɗɨn̰ ɓurɔŋgɛdɨge gaŋ le bɨni dan̰ gɨyəŋ gɨ da Turnɔ toyi. Kɨya wa Turnɔ ɓal kɔbɛ te hɨnga pɨna pɨna nɔm. Ko naa hɨnga ga Kumu wosɨ a kɨɗɨn̰ ɓurɔŋgɛdɨge gaŋ ƴee kalɨn̰ ma, hɨndi ɓal kɔbɛ pɨna pɨna.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 3:9

Kuɗa gɨ kan amɨn̰ bɛrnɛ di Kumu haŋgɨ cɨndɨge haw kɛ cay nee ojɨn̰ cay hɨnga ga na beegɨŋ kuduroynagɨŋ cay nee le, dan̰ ɨrɨme gɨ arɨn̰ cərərə.

Wasɨn̰a 10:7

Ama wɔlɛ gɨ ba-ƴɔbɛ gɨ daa nii gɨ cay jurgumdɨge kɨya aye te lɨme burun̰ji na, Kumu kɨya dɨɗe kɨbɨ hɨnga ga kuduroyi ojɨ ga woy a kɨɗɨn̰ wɔsɛdɨge gaŋ, hɨn̰ gɨ tumɔ ban ba teen̰ bɛrnɛdi bɨn̰ marɨne ka-lɔɔ gɨye kayi ga na ka-yɔɔ-kɔl-gɨ-Kumu-ba-yɔɔ le!»